ལིས་ཁི་ཆང་གིས་ཟི་ལིང་གི་སྨན་བཅོས་མི་སྣར་གཟིགས་ཞིབ་བྱེད་སྐབས་ཁྱེད་ཚོས་རིམས་ནད་སྔོན་འགོག་ཚོད་འཛིན་ཁྲོད་སྐྱོབ་བཅོས་ཡག་པོ་བྱེད་དགོས་པ་མ་ཟད་རང་གིས་རང་ལ་འགོག་སྲུང་ཡག་པོ་བྱེད་དགོས་ཞེས་བསྟན།

微信图片_20200122095106.jpg

微信图片_20200122095109.jpg

ཀྲུང་གོ་བོད་ཀྱི་དྲ་བའི་འཕྲིན། ཟླ1པོའི་ཚེས21ཉིན། ཙུང་ལི་ལིས་ཁི་ཆང་མཚོ་སྔོན་རྒྱ་གྲམ་དམར་པོ་རྟགས་ཅན་གྱི་སྨན་ཁང་དུ་ཕེབས་ནས་སྨན་བཅོས་མི་སྣར་བཤད་རྒྱུར། ཁྱེད་ཚོ་ནི་མི་དམངས་ཀྱི་ཚེ་སྲོག་བདེ་ཐང་ལ་སྲུང་སྐྱོང་བྱེད་མཁན་ཡིན་པ་དང་། སྲོག་སྐྱོབ་རྨས་སྐྱོང་བྱ་རྒྱུ་ནི་ཁྱེད་ཚོའི་གཟི་བརྗིད་ལྡན་པའི་ལས་འགན་ཞིག་རེད། ཏོག་དབྱིབས་ནད་དུག་གསར་པ་འགོས་བའི་གློ་ཚད་ཀྱི་རིམས་ནད་བྱུང་བ་ནས་བཟུང་། ནད་དཔེ་ཇེ་མང་དུ་འགྲོ་བཞིན་ཡོད་པས། ངེས་པར་དུ་དུས་ཐོག་ཏུ་ཕན་ནུས་ལྡན་པའི་སྒོ་ནས་རིམས་ནད་མཆེད་པ་བཀག་འགོག་བྱ་དགོས། སྨན་བཅོས་མི་སྣ་འཐབ་ཕྱོགས་དང་པོར་གནས་ཡོད་པས་ཁྱེད་ཚོས་རིམས་ནད་སྔོན་འགོག་ཚོད་འཛིན་བྱེད་པའི་ཁྲོད་ནད་པར་སྐྱོབ་བཅོས་ཡག་པོ་བྱེད་དགོས་ལ་རང་གིས་རང་ལའང་འགོག་སྲུང་ཡག་པོ་བྱེད་དགོས། མིག་སྔར་དཔྱིད་གསར་སྐྱེལ་འདྲེན་རིང་དུ་ཁེལ་ཞིང་། མི་སྣ་མང་པོ་འགྲོ་འོང་བྱེད་བཞིན་ཡོད་པས། རིམས་ནད་ཐོན་ཚད་མང་བའི་གྲོང་ཁྱེར་ལ་བཀོད་སྒྲིག་བྱས་ཡོད་པ་མ་ཟད། རྒྱལ་ཡོངས་ཀྱི་ས་གནས་ཁག་ཏུའང་བཀོད་སྒྲིག་བྱས་ཡོད། མཚོ་སྔོན་ནི་ཅུང་ཐག་རིང་ལུང་ཁུག་ཏུ་གནས་ཀྱང་ཉེན་ཁའི་འདུ་ཤེས་ཇེ་ཆེར་བཏང་ནས་སྒྲུབ་འོས་པའི་ལས་དོན་སྔོན་ལ་སྒྲུབ་དགོས། ཉིན་ཁ་ཤས་སོང་རྗེས་དཔྱིད་གསར་དུས་ཆེན་སླེབས་ལ་ཉེ་བས། སྐབས་དེར་ཁྱེད་ཚོའི་ནང་གི་མི་མང་པོ་ཞིག་ད་དུང་འདི་གར་ལས་རེས་བྱས་ནས་མི་དམངས་མང་ཚོགས་ཀྱི་ཚེ་སྲོག་བདེ་ཐང་ལ་སྲུང་སྐྱོང་བྱེད་དགོས་པས། ཁྱེད་ཚོས་དཀའ་ལས་མྱོང་སོང་ཟེར།

微信图片_20200122095112.jpg

微信图片_20200122095123.jpg

ལིས་ཁི་ཆང་གིས་གྲང་ངར་ཆེ་བའི་དགུན་དུས་སུ་མཚོ་སྔོན་གྱི་ས་མཐོའི་ནད་པར་འཚམ་འདྲི་གནང་བ།

ཟླ1པོའི་ཚེས21ཉིན་ལིས་ཁི་ཆང་གིས་ཟི་ལིང་དུ་རྟོག་ཞིབ་གནང་སྐབས་ཆེད་དུ་མཚོ་སྔོན་རྒྱ་གྲམ་དམར་པོ་རྟགས་ཅན་གྱི་སྨན་ཁང་དུ་ཕེབས་ནས་ས་མཐོའི་ནད་པར་འཚམ་འདྲི་གནང་བ་རེད། ནད་ཁྲིའི་མདུན་དུ་ཙུང་ལིས་ནད་པའི་སྨན་བཅོས་དང་ལུས་གསོའི་གནས་ཚུལ་བཀའ་འདྲི་གནང་བ་དང་འབྲེལ་ཁྱེད་ཚོ་མགྱོགས་མྱུར་ངང་དྲག་སྐྱེད་ཡོང་ནས་བདེ་ཐང་དུ་འགྱུར་ངེས་ཡིན་ཞེས་སེམས་གསོ་གནང་། ལིས་ཁི་ཆང་གིས་སྨན་ཁང་གི་འགན་ཁུར་བར་བཤད་རྒྱུར། ད་ལྟ་གྲང་ངར་ཆེ་བའི་དགུན་དུས་སུ་སླེབས་ཡོད། མཐོ་སྒང་གི་ནད་སློང་ཚད་མཐོ་བའི་དུས་སུ་ཁེལ་ཡོད། མཐོ་སྒང་གི་ནད་འདིའང་གནས་འདིའི་གཙོ་གནད་འགོག་བཅོས་བྱེད་པའི་ནད་རིགས་ཤིག་ཡིན་པས། ཁྱེད་ཚོས་སྨན་བཅོས་ཀྱི་ཉམས་མྱོང་རྒྱུན་ཆད་མེད་པར་གསོག་འཇོག་བྱས་ཏེ་ས་མཐོའི་མཐོ་གྲང་ས་ཁུལ་གྱི་མི་དམངས་མང་ཚོགས་ཀྱི་ཚེ་སྲོག་བདེ་ཐང་ལ་འགན་ལེན་དེ་བས་ལེགས་པོ་བྱེད་དགོས་ཞེས་བཤད། །

རྩོམ་སྒྲིག་པ། ཚེ་རིང་དོན་འགྲུབ།

དཔྱད་མཆན 0 ཡོད།