ཏུའུ་ལན་རྫོང་གིས“འཕྲིན་སྦྲེལ +”ལ་བརྟེན་ནས་གཞི་རིམ་ཏང་འཛུགས་སྐྲུན་གྱི་བློ་གྲོས་ལ“ཤོང་རྒྱ་བསྐྱེད”པ།

ཀྲུང་གོ་བོད་ཀྱི་དྲ་བའི་འཕྲིན། “ཏང་གི་སྲིད་ཇུས་མཛུབ་གུས་མནན་མ་ཐག་ཤེས་ཐུབ་པ་དང་། ད་དུང་ཀྲི་པུའུ་དང་ཏང་ཡོན་ལ་སྐད་སྒྲ་ཕྱུངས་ནས་ཁ་བརྡ་བརྗེ་རེས་ཀྱང་བྱེད་ཐུབ་པས། ངེས་པ་དོན་གྱིས་ང་ཚོའི་གཞི་རིམ་ཏང་འཛུགས་སྐྲུན་བྱ་བར་རྣམ་པ་གསར་པ་ཞིག་བསྩལ་བྱུང་།”  ཉེ་ལམ། མཚོ་ནུབ་སོག་རིགས་བོད་རིགས་རང་སྐྱོང་ཁུལ་ཏུའུ་ལན་རྫོང་ཞི་བདེ་སྲང་ལམ་གྱི་སྡེ་ཁུལ་དུ་སྡོད་པའི་ལོ་ན61ཅན་གྱི་ཏང་ཡོན་རྒན་པ་དབྱང་ཧྥ་རུང་གིས་ལག་ཁྱེར་ཁ་པར་ནང་གི“ཏུའུ་ལན་ཏང་ཡོན་གྱི་ཁྱིམ”ཞེས་པའིАΡΡཚོང་མགྲོན་སྣེ་སྤྱད་པ་བརྒྱུད་ནས། ཡུལ་དུས་གང་དང་གང་དུ་སོང་ཡང་སྐུད་ལམ་དྲ་ཐོག་ནས་ཏང་གི་སློབ་ཁྲིད་ཀྱི་བརྙན་གཟུགས་སོགས་ཏང་དོན་བྱ་འགུལ་ལ་ཅི་དགར་བལྟས་ཆོག་པ་རེད་ཟེར།

“ཏུའུ་ལན་ཏང་ཡོན་གྱི་ཁྱིམ”ཞེས་པའིАΡΡཚོང་མགྲོན་སྣེ2018ལོའི་ཟླ8པ་ནས་དངོས་སུ་འཁོར་སྐྱོད་བྱས་པ་ནི། ཏུའུ་ལན་རྫོང་གིས་གཞི་རིམ་ཏང་རྩ་འཛུགས་སྐྲུན་གྱི་འགུལ་རྣམ་དོ་དམ་བྱེད་ཤུགས་མཐོ་རུ་འདེགས་པ་དང་།  གཞི་རིམ་ཏང་ཡོན་ལས་བྱེད་པའི་བརྗེ་རེས་སློབ་སྦྱོང་ནུས་པར་ཤུགས་སྣོན་པ། གཞི་རིམ་ཏང་ཡོན་གྱི་ཏང་གཤིས་བྱང་ཚད་སོགས་ཕྱོགས་གང་ཅིའི་ཐད་ཀྱི་ནུས་པ་ཇེ་མཐོར་གཏོང་བ་དང་།  གཞི་རིམ་ཏང་ཡོན་ལས་བྱེད་པར་ཁ་ཕྱོགས་ནས་སྐྲུན་བཟོ་བྱས་པའི“བློ་གྲོས་ཏང་འཛུགས”ཞེས་པའི་བཟོ་འགོད་ཀྱི་ཡ་གྱལ་ཞིག་རེད། “འཕྲིན་སྦྲེལ་དྲ་བ+ཏང་འཛུགས”ཀྱི་དཔེ་དབྱིབས་བྱེད་སྟངས་གསར་པ་སྤྱད་ནས། རྫོང་ཡོངས་ཀྱི་གཞི་རིམ་ཏང་རྩ་འཛུགས232དང་ཏང་ཡོན4272ཡོངས་རྫོགས་སྐུད་ལམ་དྲ་ཐོག་གི་འགུལ་རྣམ་དོ་དམ་བྱེད་པའི་ནང་བཞག་པས། ཏང་རྩ་འཛུགས་བྱ་འགུལ་གྱི་དངོས་ལུགས་བར་སྟོང་དེ་རྟོག་བཟོ་བར་སྟོང་ལ་སྣུར་སྲིང་བྱས་པར་མ་ཟད། “ཏང་ཡོན་སློབ་གསོ”དང“ཏང་ཡོན་བརྗེ་རེས”“ལས་བྱེད་ལྟ་སྐུལ”“སྟབས་བདེ་ཞབས་ཞུ”ལ་སོགས་པའི་ནང་དོན་དང་ཟུང་དུ་སྦྲེལ་ནས།“འཕྲིན་སྦྲེལ་དྲ་བ”འདི་ཉིད་སྔར་ལས་ལྷག་པར་ཏང་ཡོན་ལས་བྱེད་པའི་དེང་རབས་འཚོ་བ་ལ་འདྲེས་སུ་བཅུག་ནས།  གཞི་རིམ་ཏང་འཛུགས་སྐྲུན་གྱི་བློ་གྲོས་ལ“ཤོང་རྒྱ་བསྐྱེད”པ་རེད།

ད་ལྟ“ཏུའུ་ལན་གྱི་ཏང་ཡོན་ཁྱིམ”ལ་ས་དེ་གའི་ཏང་ཡོན་མང་ཚོགས་ཀྱིས་མཛའ་བརྩེ་ལྡན་ཞིང་སྙིང་ཉེ་བའི་ངང་ནས“ཁུག་མའི་ནང་གི་དཔེ་ཁུག་དང་། མཛུབ་རྩེ་ན་ཡོད་པའི་གཡུལ་ས”ཞེས་འབོད་ཀྱིན་ཡོད་ལ། དེ་ནི་ད་ལྟ་ཏང་གཟབ་ནན་གྱིས་སྐྱོང་བའི་སྟེགས་བུ་གསར་པ་དང་ཏང་ཡོན་སློབ་གསོའི་སྒེའུ་ཁུང་གསར་པ། མང་ཚོགས་ལ་ཞབས་ཞུ་སྒྲུབ་པའི་སྒྲོག་ཐག་གསར་པར་གྱུར་ཡོད་པ་རེད། །

རྩོམ་སྒྲིག་པ། ཀླུ་མོ་མཚོ།

དཔྱད་མཆན 0 ཡོད།