ལིས་ཅེ་ཞང་གིས་མཚོ་སྔོན་ཞིང་ཆེན་གྱི་ཀྲུང་ལུགས་དང་བོད་ལུགས་གསོ་རིག་འཕེལ་རྒྱས་སུ་གཏོང་བའི་བྱ་བར་རྟོག་ཞིབ་བྱས།

ཀྲུང་གོ་བོད་ཀྱི་དྲ་བའི་འཕྲིན། ཟླ་བཅུ་གཅིག་པའི་ཚེས་ལྔ་ཉིན། མཚོ་སྔོན་ཞིང་ཆེན་ཏང་ཨུའི་རྒྱུན་ལས་ཨུ་ཡོན། རྒྱུན་ལས་ཧྲིན་ཀྲང་གཞོན་པ་ལིས་ཅེ་ཞང་མཚོ་སྔོན་ཞིང་ཆེན་ཀྲུང་ལུགས་སྨན་ཁང་དང་ཞིང་ཆེན་བོད་སྨན་ཁང་དུ་རྟོག་ཞིབ་བྱེད་པར་སོང་ནས། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་ཀྲུང་བོད་ལུགས་གསོ་རིག་ཐད་ཀྱི་མཆན་བཀོད་མཛུབ་སྟོན་གལ་ཆེན་དང་རྒྱལ་ཡོངས་ཀྲུང་ལུགས་གསོ་རིག་གྲོས་ཚོགས་ཀྱི་དགོངས་དོན་སྒྲོག་འགྲེལ་བྱས་པ་མ་ཟད། རྒྱལ་ཡོངས་ཀྲུང་བོད་ལུགས་གསོ་རིག་གི་ཕུལ་བྱུང་བྱས་རྗེས་བྱ་དགའ་ཐོབ་མཁན་ལུའུ་ཁྲང་ཆིན་དང་ཉི་མ་གཉིས་ལ་བྱ་དགའི་རྟགས་མ་དང་འཛིན་ཡིག་བྱིན་ནས་ནན་གྱིས་བསྟན་དོན། རྒྱལ་ཡོངས་ཀྲུང་ལུགས་གསོ་རིག་གྲོས་ཚོགས་ཀྱི་དགོངས་དོན་ལག་ལེན་མཐར་ཕྱིན་བྱེད་པ་དེ་གོ་སྐབས་སུ་བརྩིས་ནས། སྨན་པ་མིང་གྲགས་ཅན་སྐྱེད་སྲིང་བྱེད་པ་དང་། རྒྱུན་འཛིན་གསར་གཏོད་ལ་ཤུགས་བསྣན་ནས། ཧུར་ཐག་གིས་མཚོ་སྔོན་གྱི་ཀྲུང་བོད་ལུགས་གསོ་རིག་ལས་དོན་འཕེལ་རྒྱས་སུ་གཏོང་བའི་རྣམ་པ་གསར་བ་གྲུབ་པར་བྱེད་དགོས་ཟེར།

ལིས་ཅེ་ཞང་གིས་མཚོ་སྔོན་ཞིང་ཆེན་ཏང་ཨུ་དང་ཞིང་ཆེན་སྲིད་གཞུང་གི་ཚབ་བྱས་ནས་ལུའུ་ཁྲང་ཆིན་དང་ཉི་མ་གཉིས་ལ་རྟེན་འབྲེལ་ཞུས། ཁོས་བསྟན་དོན། རྒྱལ་ཡོངས་ཀྱིས་ཐེངས་དང་པོར་གྲོས་ཚོགས་བསྡུས་ནས་ཀྲུང་བོད་ལུགས་གསོ་རིག་ལས་དོན་འཕེལ་རྒྱས་སུ་གཏོང་བའི་བྱ་བར་བཀོད་སྒྲིག་བྱས་པ་དེས། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཐུགས་ཁུར་བྱེད་པ་དང་ཏང་ཀྲུང་དབྱང་དང་རྒྱལ་སྲིད་སྤྱི་ཁྱབ་ཁང་གིས་ཧ་ཅང་མཐོང་ཆེན་བྱེད་ཀྱིན་པ་མཚོན་ཐུབ། མཚོ་སྔོན་གྱི་ལུས་ཁྲང་ཆིན་དང་ཉི་མ་གཉིས་ལ་བྱ་དགའ་ཐོབ་པ་དེ་ནི། མཚོ་སྔོན་གྱི་ཀྲུང་བོད་ལུགས་གསོ་རིག་ལས་རིགས་དང་ཞིང་ཆེན་ཡོངས་ཀྱི་མི་དམངས་ཀྱི་གཟི་བརྗིད་ཡིན་ལ། ཞིང་ཆེན་ཏང་ཨུ་དང་ཞིང་ཆེན་སྲིད་གཞུང་གིས་ཀྲུང་བོད་ལུགས་གསོ་རིག་ལས་དོན་འཕེལ་རྒྱས་སུ་གཏོང་བར་ཧ་ཅང་མཐོང་ཆེན་བྱས་པ་དང་དུས་ཡུན་རིང་བོར་སེམས་ཁུར་དང་རྒྱབ་སྐྱོར་བྱས་པའི་གྲུབ་འབྲས་ཀྱང་ཡིན་པས། རྒྱ་ཆེའི་སྨན་བཅོས་བྱ་བ་སྒྲུབ་མཁན་ཚོས་ཁོ་གཉིས་མིག་དཔེ་རུ་བྱེད་པ་དང་། གཟི་བརྗིད་སྒུལ་ཤུགས་སུ་བསྒྱུར་ནས། ཀུན་སྤྱོད་བཟང་བ་དང་ཤེས་ཡོན་ཡོད་པ། གསོ་རིག་ལག་རྩལ་བྱང་དུ་ཆུད་པའི་སྨན་པ་བཟང་བོ་བྱེད་པར་བརྩོན་ལེན་བྱས་ཏེ། མི་དམངས་མང་ཚོགས་ལ་ཞབས་འདེགས་ཞུ་དགོས་ཟེར། །

རྩོམ་སྒྲིག་པ། ཀླུ་མོ་མཚོ།

དཔྱད་མཆན 0 ཡོད།