མཚོ་ནུབ་ཁུལ་རྩོམ་རིག་སྒྱུ་རྩལ་མཉམ་འབྲེལ་ལྷན་ཚོགས་ཀྱི《མཚོ་ནུབ་བོད་ཀྱི་རྩོམ་རིག་དཔེ་ཚོགས》འགྲེམ་སྤེལ་མཛད་སྒོ་དང་བགྲོ་གླེང་ཚོགས་འདུ་ཟི་ལིང་དུ་བསྡུས་པ།

a86eabd64146ea70d9fd9ea1a4b010eb.jpg

ཀྲུང་གོ་བོད་ཀྱི་དྲ་བའི་འཕྲིན། ཟླ3པའི་ཚེས10ཉིན། མཚོ་ནུབ་ཁུལ་རྩོམ་རིག་སྒྱུ་རྩལ་མཉམ་འབྲེལ་ལྷན་ཚོགས་ཀྱིས་གཙོ་འགན་འོག  《གངས་རྒྱན་མེ་ཏོག》རྩོམ་སྒྲིག་ཁང་གིས་རྩོམ་སྒྲིག་གནང་ཞིང་མཚོ་སྔོན་མི་རིགས་དཔེ་སྐྲུན་ཁང་གིས་པར་དུ་སྐྲུན་པའི་དཔེ་ཚོགས《མཚོ་ནུབ་བོད་ཀྱི་རྩོམ་རིག་དཔེ་ཚོགས》ཞེས་པའི་འགྲེམ་སྤེལ་མཛད་སྒོ་དང་བགྲོ་གླེང་ཚོགས་འདུ་གནའ་མཁར་ཟི་ལིང་དུ་གཟབ་རྒྱབ་དང་བསྡུས།

1ae21b8608c7eb11d8b54563a3ad0198.jpg

       ཐེངས་འདིའི་ཚོགས་འདུའི་སྟེང་། མཚོ་སྔོན་མི་རིགས་དཔེ་སྐྲུན་ཁང་བོད་ཡིག་རྩོམ་སྒྲིག་ཁང་གི་ཀྲུའུ་རེན་བསོད་ལོ་དང་། དེང་རབས་བོད་ཀྱི་རྩོམ་པ་པོ་གྲགས་ཅན་སྟག་འབུམ་རྒྱལ། ཚེ་རིང་དོན་འགྲུབ། བོད་ཀྱི་དམངས་སྲོལ་རིག་གནས་རྩོམ་སྒྲིག་ཁང་གི་གཙོ་སྒྲིག་པ་བཀའ་མ་མཁའ་འབུམ། མཚོ་སྔོན་ཞིང་ཆེན་རྩོམ་པ་པོའི་མཐུན་ཚོགས་ཀྱི་ཀྲུའུ་ཞི་གཞོན་པ། བོད་ཀྱི་རྩོམ་པ་པོ་གྲགས་ཅན་ལུང་རིན་ཆེན།མཚོ་སྔོན་ཞིང་ཆེན་རྩོམ་པ་པོའི་མཐུན་ཚོགས་ཀྱི་ཀྲུའུ་ཞི་གཞོན་པ། བོད་ཀྱི་རྩོམ་པ་པོ་གྲགས་ཅན་ཨ་སྨྱོན་བཀྲ་ཤིས་དོན་གྲུབ།  དཔེ་ཚོགས་རྩོམ་པ་པོ་ཚང་མ་བཅས་འབྲེལ་ཡོད་མགོ་ཁྲིད་དང་རྩོམ་པ་པོ།  སྙན་ངག་པ། རྩོམ་རིག་དཔྱད་བརྗོད་པ། དེ་མིན་བོད་ཀྱི་རྩོམ་རིག་ལ་དུངས་པ་ཟབ་པའི་གསར་སྐྱེས་རྩོམ་པ་པོ་སོགས་མི50ལྷག་ཐེངས་འདིའི་དཔེ་ཚོགས་འགྲེམ་སྤེལ་དང་བགྲོ་གླེང་གི་མཛད་སྒོར་ཞུགས།མཚོ་ནུབ་ཁུལ་རྩོམ་རིག་སྒྱུ་རྩལ་ལྷན་ཚོགས་ཀྱི་ཀྲུའུ་ཞི་གཞོན་པ་ཀླུ་འབུམ་རྒྱལ་གྱིས་འགྲེམ་སྤེལ་བགྲོ་གླེང་ལ་འགོ་འཛིན་བྱས།

f1a244c90d47cb098cd271b31347ca58.jpg

757dc1b2b7a4dc546250e79dc8cbf507.jpg

314e81489f3e04e732da8460e0512a01.jpg

280c08358e5986c31651a4ef57d0ad4f.jpg

《མཚོ་ནུབ་བོད་ཀྱི་རྩོམ་རིག་དཔེ་ཚོགས》ཞེས་པ་འདི་མཚོ་ནུབ་ཁུལ་ཨུ་དང་ཁུལ་མི་དམངས་སྲིག་གཞུང་གི་ཡང་དག་པའི་མགོ་ཁྲིད་དང་། མཚོ་ནུབ་ཁུལ་རྩོམ་རིག་སྒྱུ་རྩལ་ལྷན་ཚོགས་ཀྱིས་ཆེད་དུ་བློ་འདོན་དང་ཇུས་འགོད་བྱས་པ་བརྒྱུད།2017ལོའི་ལོ་མགོ་ནས་ལས་མགོ་བཟུང་བ་དང་། སྔ་རྗེས་སུ་བསྡོམས་པས་རྩོམ་པ་པོ་བཅུ་གཉིས་ཀྱི་བརྩམས་ཆོས་དེ་ཀའི་རྩོམ་སྒྲིག་ཁང་ལ་འབྱོར་བ་དང་།  《མཚོ་ནུབ་བོད་ཀྱི་རྩོམ་རིག་དཔེ་ཚོགས》ཀྱི་རྩོམ་སྒྲིག་ཨུ་ཡོན་རྣམས་ཀྱི་དྲང་བདེན་དང་དྲང་གཞག་གི་རྩ་དོན་གཞིར་བཟུང་ནས། མ་རྩོམ་རྣམས་རེ་རེ་བཞིན་ཞིབ་ཏུ་ལྟ་ཀློག་དང་། ཐེངས་གཉིས་ལ་ཆེད་དུ་རྩོམ་སྒྲིག་ཨུ་ཡོན་གྱི་བགྲོ་གླེང་ཚོགས་འདུ་བསྡུས་མཐར། ཁྱོན་བསྡོམས་རྩོམ་དེབ་བཅུ་གཉིས་ལས་རྒྱུ་སྤུས་ཅུང་བཟང་ཞིང་རྩོམ་ཡིག་གི་གྲངས་འབོར་ངེས་ཅན་ལོངས་པའི་རྩོམ་དེབ་བརྒྱད་གཏན་ཁེལ་བྱས་པ་དང་། དེའི་ཁྲོད་ལྷུག་རྩོམ་དེབ1དང་སྙན་ངག་དེབ5། ཕྱོགས་བསྒྲིགས་དེབ2བཅས་བསྡོམས་པས་དེབ8ཡོད་དེ། 《ཚྭ་འདམ་མཆོད་བསྟོད》(སྟོད་ཆ་དང་སྨད་ཆ)དང《རྒྱང་ལྟའི་ཁྲོད་ཀྱི་ལྷ་རི》། 《རླུང་དང་མེ་ཏོག》། 《རྟོད་ཐག་ཁྲ་ཁྲ》། 《དབྱངས་ཀྱི་ང་རོ》། 《རླུང་དང་འདྲེས་པའི་གཏམ》། 《འབྲོག་མོ》བཅས་ཀྱིས་གྲུབ་ཅིང་།མིག་སྔར་མཚོ་ནུབ་ས་ཁུལ་གྱི་བོད་རིགས་རྩོམ་པ་པོའི་དཔེ་ཚོགས་ཐོག་མའང་ཡིན།

9d8b4d54a3f639291dbeb96350bcad2f.jpg

7fed00939b9d9d45c936fe92b222b103.jpg

ab1ca4b17ddad2fccb328610075c4c11.jpg

257404c156dc3eff0505138de53d0596.jpg

7e9f3b3e530d613c613b95a5db6953bb.jpg

8b95cb9a3784aadda587a371a3dc7977.jpg

3f38f4b3f5014ff39761cf4204011d85.jpg

121f201a45d8a345363e4b404178e2bf.jpg

d3ac4e9644085f3a06f0d6b0fd4b73b5.jpg

31fd31ccb4a339d7fd5a92ea2095f7b9.jpg

e547cc882e69e62ba9a4a9cab94fd67d.jpg

f8416fb45d6b73e8dbd69e80d889819d.jpg

3131f4b3344e778a3f957ed538bfbfe8.jpg 

       འགྲེམ་སྤེལ་མཛད་སྒོའི་བགྲོ་གླེང་གི་སྐབས་སུ། ཚོགས་ཞུགས་པ་རྣམས་ཀྱིས་དཔེ་ཚོགས་ཀྱི་རྩོམ་སྒྲིག་དང་པར་སྐྲུན། རྩོམ་གཤིས་དང་རྩོམ་ཁུངས། བརྗོད་དོན་སོགས་ཟུར་མི་འདྲ་བའི་སྒོ་ནས་བོད་ཀྱི་རྩོམ་རིག་སྤྱིའི་གནས་བབས་དང་།  མི་རིགས་གཞན་དང་ཕྱི་གླིང་པའི་རྩོམ་རིག་འཕེལ་རྒྱས་ཀྱི་ཁ་ཕྱོགས་དང་བསྡུར་ནས་རང་རང་གི་བསམ་ཚུལ་བརྗོད་པ་དང་། ཚོགས་ཞུགས་འགའ་རེ་ཡིས་བཤད་རྒྱུར།  ཐེངས་འདིའི་མཚོ་ནུབ་ཁུལ་གྱི་དཔེ་ཚོགས་པར་སྐྲུན་བྱས་པ་འདི་བརྒྱུད་ནས། བོད་རིགས་རང་སྐྱོང་ཁུལ་གཞན་དག་གིས་ཀྱང་རང་ས་གནས་ཀྱི་རྩོམ་པ་པོ་གསོ་སྐྱོང་དང་རྩོམ་དེབ་པར་སྐྲུན་གྱི་ཐད་ལ་འབད་པ་བྱེད་རྒྱུ་དང་། ལྷག་པར་དུ་བོད་ཀྱི་རིག་གནས་རྔམས་མཐུག་པའི་ཁུལ་དང་རྫོང་སོ་སོས་སྣེ་ཁྲིད་དེ། བོད་ཀྱི་རྩོམ་རིག་སྒྱུ་རྩལ་འཕེལ་རྒྱས་ལ་ནུས་པ་འདོན་རྒྱུའི་རེ་བ་བཏོན།

7c49b7fdfef224f7d45c7d878e7efb0a.jpg

རྩོམ་སྒྲིག་པ། གངས་ཆབ།

དཔྱད་མཆན 0 ཡོད།