མཚོ་སྔོན་ཡུལ་ཤུལ་ལ"2017ལོའི་ཆེས་མཛེས་པའི་ཀྲུང་གོའི་དཔེ་སྟོན་གྲོང་ཁྱེར"ཞེས་པའི་མཚན་སྙན་ཐོབ་པ།

F2017091914170027767305014.jpg

  ཀྲུང་གོ་བོད་ཀྱི་དྲ་བའི་འཕྲིན། ཟླ9བའི་ཚེས17ཉིན། ཤིན་ཧྭ་གསར་འགྱུར་དྲ་བས་གཙོ་གཉེར་དང་། ཀྲུང་གོའི་གྲོང་ཁྱེར་ཕན་ཚུན་སྐུལ་འདེད(པེ་ཅིང)གྲོང་ཁྱེར་རིག་གནས་འཕེལ་རྒྱས་ཚད་ཡོད་ཀུང་སི་ཡིས་གཉེར་འགན་ཁུར་བའི2017ལོའི་ཡུལ་སྐོར་གྱི"གནས་བབ་གསར་པ་དང་། རྣམ་པ་གསར་པ། སྤུས་རྟགས་གསར་པ"འམ་ཡུལ་སྐོར་ལས་རིགས་མཉམ་འདྲེས་དང་གསར་གཏོད་གླེང་སྟེགས་ཧའེ་ནན་ཞིང་ཆེན་གྱི་ལིན་ཧྲུའེ་རྫོང་དུ་གཉེར་ཞིང་། མཚོ་སྔོན་ཞིང་ཆེན་ཡུལ་ཤུལ་བོད་རིགས་རང་སྐྱོང་ཁུལ་གྱི་ཡུལ་ཤུལ་གྲོང་ཁྱེར་ལ་གླེང་སྟེགས་ཐོག"2017ལོའི་ཆེས་མཛེས་པའི་ཀྲུང་གོའི་དཔེ་སྟོན་གྲོང་ཁྱེར"ཞེས་པའི་མཚན་སྙན་ཐོབ་པ་རེད།

ཤེས་རྟོགས་བྱུང་བར་གཞིགས་ན། ཐེངས་འདིའི་གླེང་སྟེགས་སུ"ཁོངས་ཡོངས་དང་། མང་ཚོགས། སྤུས་རྟགས"ཞེས་པ་བརྗོད་བྱ་གཙོ་བོར་བྱས་ཤིང་། ཡུལ་སྐོར་ཁོངས་ཡོངས་ཅན་དུ་འཕེལ་རྒྱས་གསར་གཏོད་དབུ་ཚོགས་དང་། 2017ལོའི་ཡུལ་སྐོར་ཁོངས་བརྒལ་མཉམ་འདྲེས་དང་མཉམ་ལས་གླེང་སྟེགས། 2017ལོའི་ཡུལ་སྐོར་རྣམ་པ་གསར་པ་དང་སྤུས་རྟགས་གསར་པ་གྲོས་མོལ། གྲོང་གསེབ་ཡུལ་སྐོར་གྱི་ལྟ་ཞིབ་རྣོ་བ། 2017ལོའི་ཆེས་མཛེས་ཀྲུང་གོའི་མིང་བྱང་དགྱེས་སྟོན་བཅས་ཁག་ལྔ་ལས་གྲུབ་ཡོད་པ་རེད།

  ཡུལ་སྐོར་གྱི་གནས་བབ་གསར་པ་གཏོད་པ་དང་། ཡུལ་སྐོར་གྱི་རྣམ་པ་གསར་པ་མཉམ་འདྲེས། ཡུལ་སྐོར་གྱི་སྤུས་རྟགས་གསར་པ་རིམ་སྤར། གླེང་སྟེགས་ཀྱིས་ལས་སྟེགས་གཉེར་སྐྱོང་བྱེད་པའི་ནུས་པར་བརྟེན་ནས་ནང་དོན་ཕུན་སུམ་ཚོགས་པ་དང་ལས་རིགས་འཕེལ་ཕྱོགས་ཁ་སྒྱུར་ཡང་དག་པར་བྱེད་པ་ཟུང་དུ་སྦྲེལ་ཏེ་དཔེ་སྟོན་གྲོང་ཁྱེར(མཛེས་ལྗོངས་ཁུལ)དང་། མ་དངུལ་ཕྱོགས། ཐོན་ཁུངས་ཕྱོགས། ཞབས་ཞུ་ཚོང་པ། ལས་གཉེར་ཚོང་པ་བཅས་ཀྱིས་རྒྱལ་ཡོངས་སུ་ཕན་ཚུན་སྐུལ་འདེད་དང་མཉམ་ལས་འབྲེལ་མཐུད་ཡོང་བར་སྐུལ་འདེད་སྔར་ལས་ལྷག་པར་བྱ་རྒྱུའི་དམིགས་ཡུལ་མངོན་འགྱུར་བྱས་ཏེ་རྒྱུན་མཐུད་ངང་ཀྲུང་གོའི་ཡུལ་སྐོར་དར་རྒྱས་གོང་འཕེལ་འགྲོ་བར་སྒུལ་ཤུགས་གསར་པ་སྣོན་རྒྱུ་རེད།

ཤེས་རྟོགས་བྱུང་གསལ་དུ། ཉེ་བའི་ལོ་ཤས་རིང་། ཡུལ་ཤུལ་གྲོང་ཁྱེར་གྱིས"ཐང་བོད་གནའ་ལམ"གྱི་ལམ་གནས་ས་བབ་ཁྱད་ཆོས་དང་། སྤྱི་ཚོགས་ཀྱི་རིག་གནས་སྣ་ཚོགས་ཀྱི་ཐོན་ཁུངས་སོགས་ཀྱི་དགེ་མཚན་འདོན་སྤེལ་གང་ལེགས་བྱས་ཏེ་རྒྱལ་ཁབ་ཀྱི"རྒྱུད་གཅིག་ལམ་གཅིག"འཐབ་ཇུས་ལ་ཧུར་ཐག་ཞུགས་ནས་སྒྲིག་བཀོད་མཉམ་སྦྲེལ་ལས་དོན་ལ་སྐུལ་སྤེལ་ཤུགས་ཆེན་བྱེད་པ་དང་། གཙོ་གནད་ཡུལ་སྐོར་མཛེས་ལྗོངས་ཁུལ་དང་གཞུང་ལམ་འགྲིམ་འགྲུལ་དྲ་བ། སྤྱི་སྤྱོད་མཁའ་ལམ་སོགས་ཀྱི་རྨང་གཞི་སྒྲིག་བཀོད་འཛུགས་སྐྲུན་བྱེད་ཤུགས་ཆེ་རུ་བཏང་བ་རེད། ཡོམ་རྗེས་བསྐྱར་སྐྲུན་ཕྱོགས་ཡོངས་ནས་ལེགས་གྲུབ་བྱུང་བ་དང་ཆབས་ཅིག་ས་ཁོངས་ཀྱི་ཁྱད་ཆོས་ཟབ་པོ་ལྡན་ལ་མི་རིགས་ཡུལ་སྲོལ་གོམས་འདྲིས་དམིགས་བསལ་ལྡན་པའི་སྐྱེ་ཁམས་ཚོང་དོན་ཡུལ་སྐོར་བཅས་མཉམ་འཕེལ་གྱི་གྲོང་ཁྱེར་ཞིག་གཙང་གསུམ་ཆུ་འགོའི་ས་གཞི་ཆེན་པོར་འགྱིང་ངེར་ཆགས་ཡོད་པ་རེད།    །

རྩོམ་སྒྲིག་པ། མཁའ་མཚོ་སྐྱིད།

དཔྱད་མཆན 0 ཡོད།