གསར་བསྐོས་ཏང་སྲིད་མགོ་ཁྲིད་ལས་བྱེད་པའི་དབུལ་ཐར་མཁྲེགས་གཏོར་ཆེད་དོན་གསོ་སྦྱོང་འཛིན་གྲྭ་ཟི་ལིང་ནས་བསྒྲུབས།

ཀྲུང་གོ་བོད་ཀྱི་དྲ་བའི་འཕྲིན། ཟླ་བདུན་པའི་ཚེས་ལྔ་ཉིན། མཚོ་སྔོན་ཞིང་ཆེན་ཏང་ཨུའི་རྩ་འཛུགས་པུའུ་དང་ཞིང་ཆེན་དབུལ་སྐྱོར་གསར་སྤེལ་ཅུའུ་གཉིས་ཀྱིས་མཉམ་འབྲེལ་སྒོས་བསྡུས་པའི2017ལོའི་རྫོང་དང་ཞང་གི་གསར་དུ་བསྐོས་པའི་དབུལ་སྐྱོར་གསར་སྤེལ་བྱ་བའི་ཐད་ཀྱི་ཆེད་བསྐོས་ཏང་སྲིད་མགོ་ཁྲིད་ལས་བྱེད་པའི་དབུལ་ཐར་མཁྲེགས་གཏོར་ཆེད་དོན་གསོ་སྦྱོང་འཛིན་གྲྭ་ཟི་ལིང་ནས་བསྒྲུབས། གྲོང་ཁྱེར་དང་ཁུལ་སོ་སོ་ནས་ཡོང་བའི་གསར་དུ་བསྐོས་པའི་རྫོང་དང་ཞང་གི་དབུལ་སྐྱོར་གསར་སྤེལ་བྱ་བའི་ཐད་ཀྱི་ཆེད་བསྐོས་ཏང་སྲིད་མགོ་ཁྲིད་ལས་བྱེད་པ་བརྒྱ་དུས་ཡུན་ཉིན་གཉིས་རིང་གི་གསོ་སྦྱོང་ལ་ཞུགས།

རྒྱུས་ལོན་བྱུང་བ་ལྟར་ན། ཉིན་གཉིས་རིང་གི་གསོ་སྦྱོང་ཁྲོད། སློབ་མ་ཚོར་དབུལ་ཐར་མཁྲེགས་གཏོར་བྱ་བའི་ཐད་ཀྱི་ངོས་ཟིན་ཇེ་མཐོར་གཏོང་བ་དང་། འགན་འཁྲི་ནན་མོས་བྱ་བ་ལག་བསྟར་བཟང་བོ་བྱེད་པ། ཡིག་ཚགས་དང་བྱང་བུ་ལས་པའི་རྨང་གཞིའི་གཞི་གྲངས་འགུལ་རྣམ་ལེགས་སྒྲིག ཡུལ་གཞན་གནས་སྤོར་ཁྲོད་མཉམ་འཇོག་དགོས་པའི་གནད་དོན་འགའ། དབུལ་ཐར་མཁྲེགས་གཏོར་ཐད་ཀྱི་གདེང་འཇོག་དང་རྩིས་ཞིབ་ཚད་ལེན་བྱ་བ། དབུལ་སྐྱོར་མ་དངུལ་བཀོལ་སྤྱོད་དང་དོ་དམ་སོགས་ཕྱོགས་ནས་ཆེད་དོན་གསོ་སྦྱོང་བྱེད་རྒྱུ་རེད། གསོ་སྦྱོང་སྐབས་སུ་ད་དུང་ཞིང་ཆེན་ཏང་ཨུའི་རྩ་འཛུགས་པུའུ་ཡི་འབྲེལ་ཡོད་མི་སྣ་གདན་ཞུ་བྱས་ནས་ཏང་འཛུགས་སྐྲུན་ལ་དམ་འཛིན་བྱས་ཏེ་དབུལ་ཐར་ལ་སྐུལ་འདེད་བྱེད་པའི་ཐད་ནས་ཆེད་དོན་འཆད་ཁྲིད་བྱེད་རྒྱུ་རེད། །

རྩོམ་སྒྲིག་པ། རྡོ་རྗེ་བསམ་འགྲུབ།

དཔྱད་མཆན 0 ཡོད།