འབྲུག་ལྷ་རྒྱལ་གྱི་གཞས་ཚིག་བརྩམས་ཆོས་དང་སྙན་ངག་གྱེར་འདོན་དགོང་ཚོགས་ཟི་ལིང་ནས་བསྡུས།

140831466860265716.png

ཀྲུང་གོ་བོད་ཀྱི་དྲ་བའི་འཕྲིན། (གསར་འགོད་པ། ཚེ་རིང་རྒྱ་མཚོ།) མཚོ་སྔོན་རྒྱང་སྒྲོག་བརྙན་འཕྲིན་ཁང་གིས་གཙོ་སྒྲུབ་བྱས་པའི་འབྲུག་ལྷ་རྒྱལ་གྱི་གཞས་ཚིག་བརྩམས་ཆོས་དང་སྙན་ངག་གྱེར་འདོན་དགོང་ཚོགས་ཟླ5པའི་ཚེས5ཉིན་ཟི་ལིང་ནས་གཟབ་རྒྱས་ངང་བསྡུས། དགོང་ཚོགས་ཡུལ་དངོས་སྟེ་མཚོ་སྔོན་རྒྱང་སྒྲོག་བརྙན་འཕྲིན་ཁང་གི་ཚོམས་ཆེན་དུ་གསར་འགོད་པས་བརྙན་ཤེལ་ཆེན་མོ་སྟེང<རུས་རྐང་གི་དབྱངས་རྟ>ཞེས་པའི་དགོང་ཚོགས་འདིའི་བརྗོད་དོན་ཡིག་འབྲུ་མཐོང་ཞིང་། དགོང་ཚོགས་སྟེང་ན་གཞོན་སློབ་མ་དང་རོང་འབྲོག་མང་ཚོགས། ད་དུང་རྩོམ་རིག་དང་རོལ་མོ་ལས་རིགས་ཀྱི་གྲོགས་པོ་ཀྱང་ཐོན་འདུག

163703215633510000.jpg

འབྲོང་ངམ་རྒན་འབྲུག་ལྷ་རྒྱལ་གྱིས་སྙན་ངག་གྱེར་འདོན་བྱེད་བཞིན་པ། 

441355151397910940.jpg

གངས་ཅན་པ་སྒྲོལ་མ་སྐྱབས་ཀྱིས་གླུ་སྙན་མོ་ངག་ལ་འགུག་བཞིན་པ། 

847751303672571356.png

གླུ་བ་འོད་ཟེར་ཚེ་རིང་གིས་གླུ་སྙན་མོ་ངག་ལ་འགུག་བཞིན་པ། 

བརྙན་འཕྲིན་ཚོམས་ཆེན་དུ་མཚོ་སྔོན་གཙོ་བྱས་པའི་ཞིང་ཆེན་ཕྱི་ནང་གི་བོད་ཀྱི་གླུ་བ་གླུ་མ་གྲགས་ཅན་གངས་ཅན་པ་སྒྲོལ་མ་སྐྱབས་དང་གངས་བཞུགས། རིག་འཛིན་སྒྲོལ་མ། སྒྲོན་བྷེ། ཚེ་དབང་ལྷ་མོ། དབྱངས་ཅན་ལྷ་མཛེས་སོགས་ཀྱིས་གླུ་སྙན་མོ་ངག་ལ་བཀུག་ནས་རྒན་འབྲུག་ལྷ་རྒྱལ་གྱི་གཞས་ཚིག་བརྩམས་ཆོས་དང་སྙན་ངག་གྱེར་འདོན་དགོང་ཚོགས་ལེགས་འགྲུབ་འབྱུང་བར་སྨོན་འདུན་ཞུས། ཚང་མའི་དགའ་བསུ་ཐོབ་པའི་གླུ་དབྱངས<ང་ཡི་ཁྲི་ཤོར་རྒྱལ་མོ>དང<སེམས་ཀྱི་ལོག་ཕེབས།><རུས་རྐང་གི་འབོད་པ།><ཨ་ཅེ་སྣང་ས།>སོགས་རྒན་འབྲུག་ལྷ་རྒྱལ་གྱིས་ཚིག་བརྩམས་པའི་གླུ་དབྱངས28བླངས། དགོང་ཚོགས་སྟེང་བོད་ཀྱི་སྒྱུ་རྩལ་པ་གྲགས་ཅན་རྒན་སྨན་བླ་སྐྱབས་དང་ཞི་བདེ་ཉི་མ། རྒྱང་སྒྲོག་པ་གྲགས་ཅན་རྒན་ཕུར་བ་དང་དབྱངས་ཅན། བཀྲ་ཤིས་དབང་ཕྱུག བསོད་ནམས་ལྷ་མོ་བཅས་ཀྱིས་དགོང་ཚོགས་ཡུལ་དངོས་སུ་རྒན་འབྲུག་ལྷ་རྒྱལ་གྱི་བརྩམས་པའི་སྙན་ངག<རྨི་ལམ་ནང་གི་བུ་མོ།>དང<ས་ཆེན་གྱི་གཡོ་འཁྱོམ་ཁྲོད་སྐྱོད་པའི་གཟན་ཤམ་དམར་པོ།>གྱེར་འདོན་བྱས་པར་ཚང་མས་དགའ་བསུ་ཆེན་པོ་ཐོབ།

238561619787334908.jpg

རྒྱང་སྒྲོག་པ་གྲགས་ཅན་རྒན་ཕུར་བ་དང་བཀྲ་ཤིས་དབང་ཕྱུག དབྱངས་ཅན། བསོད་ནམས་ལྷ་མོ་བཅས་ཀྱིས་སྙན་ངག་གྱེར་འདོན་བྱེད་བཞིན་པ།  

735355970350324839.jpg

གླུ་བ་གླུ་མ་དག་གིས་རྒན་འབྲུག་ལྷ་རྒྱལ་ལ་བཀྲ་ཤིས་སྨོན་འདུན་ཞུ་བཞིན་པ། 

715438756347880035.jpg

དགོང་ཚོགས་བདེ་བླག་ངང་མཇུག་སྒྲིལ་བ།

འབྲུག་ལྷ་རྒྱལ་ནི་མཚོ་སྔོན་རྒྱང་སྒྲོག་བརྙན་འཕྲིན་ཁང་གི་བོད་སྐད་ཀྱི་རྒྱང་སྒྲོག་པ་གྲགས་ཅན་ཡིན་པ་མ་ཟད། གཞས་ཚིག་དང་སྙན་ངག་གསར་རྩོམ་གྱི་སྟེང་ནས་ཀྱང་གྲུབ་འབྲས་ཁྱད་དུ་འཕགས་པ་བླངས་ཡོད་པའི་སྒྱུ་རྩལ་པ་ཞིག་ཡིན། ཁོང་གིས་མདོ་འཛིན་བྱས་པའི་ལེ་ཚན་དང་གསར་རྩོམ་བྱས་པའི་གསར་འགྱུར་བརྩམས་ཆོས་སྐོར་ཞིག་ལ་རྒྱལ་ཁབ་དང་ཞིང་ཆེན་རིམ་པའི་བྱ་དགའ་དང་ཁོང་གི་རྩོམ་རིག་བརྩམས་ཆོས200ལྷག་ལ་རྒྱལ་ཁབ་རིམ་པའི་བྱ་དགའ་བཅས་ཐོབ།

རྩོམ་སྒྲིག་པ། དོ་རྒྱ་དོན་གྲུབ་ཚེ་བརྟན།

དཔྱད་མཆན 0 ཡོད།