ཀྲུང་གོ་བོད་ཀྱི་དྲ་བའི་འཕྲིན།  སྤྱི་ཟླ12པའི་ཚེས30ཉིན། 2015ལོའི་“གཙང་གསུམ་འབྱུང་ཡུལ་རྟགས་མ”འི་པར་ལེན་རྒྱུ་རྩལ་གཤམ་སྟོན་གྱི་དཔྱད་འབྲས་གསལ་བསྒྲགས་བྱས་པ་དང་ཆེད་མཁས་པས་གཟབ་ནན་གྱིས་དཔྱད་འདེམས་བྱས་པ་བརྒྱུད། བརྩམས་ཆོས་1400ཁྲོད་ནས་《དགའ་སྤྲོ་རབ་ཏུ་འཁོལ་བའི་རེབ་གོང》དང་། 《སྐྱིད་པའི་གཅེས་ཕྲུག》 《རྩྭ་ཐང་གི་ཐག་འཐེན་འགྲན་སྡུར》སོགས་བརྩམས་ཆོས145དམིགས་སུ་འདེམས་ནས་བྱ་དགའ་གནང་།  

 གཙང་གསུམ་འབྱུང་ཡུལ་གྱི་སྐྱེས་ཁམས་སྲུང་སྐྱོབ་དང་ཐེངས་གཉིས་པའི་ལས་གཞིའི་འབྲས་བུ་སྟོན་པ།མི་སྔར་ལས་མང་པོ་ཞིག་གཙང་གསུམ་འབྱུང་ཡུལ་གྱི་སྐྱེས་ཁམས་སྲུང་སྐྱོབ་འཛུགས་སྐྲུན་ལས་གཞིའི་ཁྲོད་ཞུགས་སུ་འཇུག་ཆེད། སྤྱི་ཟླ10པའི་ཚེས25ཉིན་ནས་བཟུང་། མཚོ་སྔོན་ཞིང་ཆེན་གཙང་གསུམ་འབྱུང་ཡུལ་གཞུང་ལས་ཁང་དང་། མཚོ་སྔོན་ཞིང་ཆེན་ཞིང་ཕྱུགས་ཐིན། མཚོ་སྔོན་ཞིང་ཆེན་ནགས་ལས་ཐིན། མཚོ་སྔོན་ཞིང་ཆེན་པར་ལེན་མཐུན་ཚོགས། མཚོ་སྔོན་ཞིང་ཆེན་ལོ་ལོན་པར་ལེན་མཐུན་ཚོགས་སོགས་ལས་ཁུངས་རྣམས་ཀྱི་མཉམ་ཏུ2015ལོའི་“གཙང་གསུམ་འབྱུང་ཡུལ་རྟགས་མ”འི་པར་ལེན་རྒྱུ་རྩལ་གཤམ་སྟོན་གྱི་བྱ་འགུལ་སྤེལ་ཞིང་།དམིགས་ཡུལ་ནི་གཙང་གསུམ་འབྱུང་ཡུལ་སྐྱེས་ཁམས་སྲུང་སྐྱོབ་གྱི་ཤུགས་རྐྱེན་ཇེ་ཆེར་གཏོང་བ་དང་། མཚོ་སྔོན་གྱི་སྐྱེས་ཁམས་པར་ལེན་རིག་གནས་དར་སྤེལ། གཙང་གསུམ་འབྱུང་ཡུལ་གྱི་སྐྱེས་ཁམས་རིག་གནས་ཡི་མིང་རྟགས་གྲགས་ཅན་བཟོ་རྒྱུ་བཅས་ཡིན། བྱ་འགུལ་གྱི་དུས་ཚོད་ནི་ཟླ་གཉིས་ཡིན་པ་དང་། མཚོ་སྔོན་ཞིང་ཆེན་གྱི་པར་ལེན་པར་དགའ་བའི་མི་རྣམས་ལ་ཁ་ཕྱོགས་ནས་གཙང་གསུམ་འབྱུང་ཡུལ་གྱི་སྐྱེས་ཁམས་སྲུང་སྐྱོབ་དང་འཛུགས་སྐྲུན་ལས་གཞིའི་སྐོར་མཚོན་པའི་བརྩམས་ཆོས་བསྡུས་ཤིང་བརྩམས་ཆོས་1400ལྷག་འདུས་པ་དང་། ནང་དོན་ཐད་ནས་གཙང་གསུམ་འབྱུང་ཡུལ་གྱི་རང་བྱུང་མཛེས་ལྗོངས་དང་། མིས་བཟོས་ཡུལ་ལྗོངས། གནའ་ཤུལ་གྲགས་ཅན། ཡུལ་སྲོལ་གོམས་འདྲིས། ལོ་རྒྱུས་རིག་གནས་སོགས་ཡོད་པ་དང་། བྱ་དགའ་ཐོབ་པའི་བརྩམས་ཆོས་ཐམས་ཅད་ཞིང་ཆེན་གཙང་གསུམ་འབྱུང་ཡུལ་གཞུང་སྒྲུབ་ཁང་ལ་ཕུལ་ནས་གཙང་གསུམ་འབྱུང་ཡུལ་སྐྱེས་ཁམས་སྲུང་སྐྱོབ་སྤྱི་ཕན་དྲིལ་བསྒྲགས་བྱེད་པར་བཀོལ།               

རྩོམ་སྒྲིག་པ། ཁྲི་ཚེ་རྒྱམ།
རྩོམ་སྒྲིག་འགན་འཁུར་བ། རིག་འཛིན།


འབྲེལ་ཡོད་རྩོམ་ཡིག

བོད་ཀྱི་གློག་བརྙན་སྒྲིག་བཟོ་ལྟེ་གནས་ཆེ་ཤོས་དེ་འཛུགས་སྐྲུན་བྱེད་མགོ་བརྩམས་པ།

2014ལོའི་ཀྲུང་གོ་མཚོ་སྔོན་རྒྱལ་སྤྱིའི་དབྱར་རྩྭ་དགུན་འབུ་དང་བོད་སྨན་འགྲེམ་འཚོང་ཚོགས་རའི་སྟེང་ཐེངས་དང་པོར་སྒོར་ཐེར་འབུམ4.5ཡི་ཉོ་ཚོང་གན་རྒྱ་བཞག

མཚོ་སྔོན་ཐེན་ཆེན་རྫོང་གིས་ལོ15ལ་རིན་མེད་སློབ་གསོ་ལག་བསྟར་བྱས་ཏེ་རིགས་སོ་སོའི་སློབ་མ5000ལྷག་ལ་ཕན་ཁེ་བསྐྲུན་པ།

སྐབས་གསུམ་པའི་མཚོ་སྔོན་ཞིང་ཆེན་གྱི་རིག་གནས་ལས་བྱེད་པའི“སྤྱོད་ཡོན་གཉིས་འཕགས”ཀྱི་གཟེངས་བསྟོད་ཚོགས་འདུ་ཟི་ལིང་དུ་བསྡུས་པ།

པདྨ་ཚེ་བརྟན་ལགས་ཀྱིས་འཁྲབ་ཁྲིད་བྱས་པའི་གློག་བརྙན་གཡང་མདའ་ཞེས་པ་གཅན་ཚ་རྫོང་དུ་བརྙན་ཕབ་འགོ་བརྩམས་པ།

ཝུའུ་ལན་རྫོང་ལ་ཆུ་ལོག་བརྒྱུགས་ནས་མི་སྣར་ཤི་རྨས་བཟོས་པ།

མཚོ་སྔོན་བོད་སྐད་རྒྱང་སྒྲོག་བརྙན་འཕྲིན་བོད་ཡུལ་དུ་བསྐྱོད་པའི་རིག་རྩལ་སྤྲོ་ཚོགས《གསེར་ཆེན་དཔང་བསྟོད་ཆེན་མོ》ཞེས་པ་གཟབ་རྒྱས་ངང་བསྡུས།

བརྙན་འཕྲིན་ཟློས་གར《མཐར་མཇུག་གི་སྦྲ་ནག》ཅེས་པར་རྒྱལ་སྤྱིའི་གློག་བརྙན་འདེམས་ཚོགས་སྟེང་མི་ཆོས་རིགས་ཀྱི་བྱ་དགའ་ཨང་གསུམ་པ་ཐོབ།