ཀྲུང་གོ་བོད་ཀྱི་དྲ་བའི་འཕྲིན། ཟླ12པའི་ཚེས29ཉིན། ཀྲུང་གོ་གོ་མིན་ཏང་གསར་བརྗེ་ཨུ་ཡོན་ལྷན་ཁང་མཚོ་སྔོན་ཞིང་ཆེན་སྐབས7པའི་ཨུ་ཡོན་ལྷན་ཁང་གི་ཚང་འཛོམས་གྲོས་ཚོགས་ཐེངས5བ་ཟི་ལིང་ནས་བསྡུས་ཤིང་། མཚོ་སྔོན་ཞིང་ཆེན་སྲིད་གྲོས་ཀྱི་ཀྲུའུ་ཞི་གཞོན་པའམ། ཀྲུང་གོ་གོ་མིན་ཏང་གསར་བརྗེ་ཨུ་ཡོན་ལྷན་ཁང་མཚོ་སྔོན་ཞིང་ཆེན་ཏང་ཨུའི་ཀྲུའུ་རིན་ཨུ་ཡོན་མཱ་ཀྲི་ཝེ་གྲོས་ཚོགས་སྟེང་ཞུགས་པ་དང་གཏམ་བཤད།

གྲོས་ཚོགས་སྟེང་ཀྲུང་གུང་སྐབས18པའི་ཚང་འཛོམས་གྲོས་ཚོགས་ཐེངས5བའི་དགོངས་དོན་ལ་སློབ་སྦྱོང་དང་བརྒྱུད་སྒྲོག་ཤུགས་ཆེན་བྱས་པ་དང་། ཀྲུང་གུང་མཚོ་སྔོན་ཞིང་ཆེན་ཏང་ཨུའི་སྐབས་བཅུ་གཉིས་པའི་ཚང་འཛོམས་གྲོས་ཚོགས་ཐེངས་བཅུ་བའི་དགོངས་དོན་དང་ཀྲུང་གོ་གོ་མིན་ཏང་གསར་བརྗེ་ཨུ་ཡོན་ལྷན་ཁང་ཀྲུང་དབྱང་སྐབས་བཅུ་གཉིས་པའི་ཚང་འཛོམས་གྲོས་ཚོགས་ཐེངས4བ་གཉིས་ཀྱི་དགོངས་དོན་ལ་སློབ་སྦྱོང་དང་བརྒྱུད་སྒྲོག་གང་ལེགས་བྱས་པར་མ་ཟད། ཀྲུང་གོ་གོ་མིན་ཏང་མཚོ་སྔོན་ཞིང་ཆེན་ཨུ་ཡོན་ལྷན་ཁང་གི་སྐབས་བདུན་པའི་རྒྱུན་ལས་ཨུ་ཡོན་ལྷན་ཁང་གི་བྱ་བའི་སྙན་ཞུ་དང་ལྟ་སྐུལ་དོ་དམ་ཨུ་ཡོན་ལྷན་ཁང་གི་བྱ་བའི་སྙན་ཞུ། ཀྲུང་གོ་གོ་མིན་ཏང་མཚོ་སྔོན་ཞིང་ཆེན་ཨུ་ཡོན་ལྷན་ཁང་གི་སྐབས7པའི་ཚང་འཛོམས་གྲོས་ཚོགས་བཅས་ཀྱི་གྲོས་ཆོད་ལ་གྲོས་ཞིབ་བྱས།

ཚོགས་ཐོག་ནས་འདས་པའི་ལོ་ངོ་གཅིག་རིང་གི་ཀྲུང་གོ་གོ་མིན་ཏང་མཚོ་སྔོན་ཞིང་ཆེན་ཨུ་ཡོན་ལྷན་ཁང་གི་བྱ་བ་གཙོ་བོའི་གྲུབ་འབྲས་ལ་གདེང་འཇོག་དང་སྤྱི་སྡོམ་བྱས།

གྲོས་ཚོགས་ལས་ནན་གྱིས་བསྟན་དོན། 2016ལོ་ནི“ལོ་ལྔའི་ཚན་བཅུ་གསུམ་པ”མགོ་བརྩམས་པའི་ལོ་ཡིན་པས། ཀྲུང་གོ་གོ་མིན་ཏང་མཚོ་སྔོན་ཞིང་ཆེན་ཨུ་ཡོན་ལྷན་ཁང་གིས་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་རླབས་ཆེན་དར་ཆ་མཐོན་པོར་བསྒྲེང་ནས། ཀྲུང་གུང་སྐབས་བཅོ་བརྒྱད་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་ལྔ་བའི་དགོངས་དོན་ལ་སློབ་སྦྱོང་གཏིང་ཟབ་ཡོང་བར་འབད་འབུངས་བྱེད་པ། སློབ་སྦྱོང་དང་ལག་ལེན་བྱ་འགུལ་བར་མ་ཆད་པའི་ངང་སྤེལ་བ། ཡང་དག་པའི་ཁ་ཕྱོགས་རྒྱུན་འཁྱོངས་ལྷོད་མེད་བྱེད་པ། གྲོས་མོལ་བྱེད་ནུས་མཐོར་འདེགས་ཡོང་བར་རྒྱུན་འཁྱོངས་ལྷོད་མེད་བཅས་ཡོང་བར་འབད་འབུངས་ཧུར་བསྐྱེད་བྱ་དགོས། རྒྱལ་ཁབ་དང་མཚོ་སྔོན་ཞིང་ཆེན་གྱི་དཔལ་འབྱོར་དང་སྤྱི་ཚོགས་འཕེལ་རྒྱས་ལས་དོན་སྤྱི་ཡོངས་ལ་དམིགས་ནས། ཁྱོན་ཡོངས་ནས་བཅོས་སྒྱུར་གཏིང་ཟབ་རླབས་ཆེན་ལས་དོན་ལག་ལེན་ཁྲོད་ནས་ཏང་སྲིད་ཞུགས་ཀྱི་བྱེད་ནུས་འདོན་སྤེལ་གང་ལེགས་བྱེད་དགོས། “ཁྱོན་ཡོངས་བཞིའི”ཁྱབ་ཁོངས་ཀྱི་བཅོས་སྒྱུར་དང་དཔལ་འབྱོར་འཕེལ་རྒྱས་བྱེད་ཕྱོགས་བསྒྱུར་བའི་བྱ་བ་དཀྱིལ་སྙིང་དུ་བཟུང་ནས། མཚོ་སྔོན་ཞིང་ཆེན་གྱི་སྐྱེ་ཁམས་དཔལ་ཡོན་སྔོན་བསྐྱོད་དཔེ་སྟོན་ས་ཁུལ་འཛུགས་སྐྲུན་དང་དམངས་འཚོ་ལས་དོན་ལེགས་བཅོས་འགན་སྲུང་ཁྲོད་གནས་པའི་གནད་དོན་གཙོ་བོ་ཕྱི་བཤོལ་མེད་པའི་ངང་བསྒྲུབ་དགོས། འཛུགས་སྐྲུན་ལས་དོན་ལ་གཞི་འཛིན་ས་ཡོད་པ་དང་ལས་དོན་མཐའ་འཁྱོལ་བར་བསྒྲུབ་པ་ལ་ཐབས་ཇུས་ཡོད་པར་བརྩོན་ནས། ཀྲུང་གོ་གོ་མིན་ཏང་མཚོ་སྔོན་ཞིང་ཆེན་ཨུ་ཡོན་ལྷན་ཁང་གི་སྲིད་ཞུགས་སྲིད་གླེང་བྱ་བ་དངོས་ཐོག་དོན་གནས་ཡོང་བར་འབད་པ་བྱེད་དགོས། ཀྲུང་དབྱང་འཐབ་ཕྱོགས་གཅིག་གྱུར་བྱ་བའི་གྲོས་ཚོགས་ཀྱི་དགོངས་དོན་ལག་ལེན་མཐའ་འཁྱོལ་བྱས་ཏེ། རང་སྟེང་གི་འཛུགས་སྐྲུན་བྱ་བ་ཁྱོན་ཡོངས་ནས་ཇེ་དྲག་ཏུ་བཏང་ནས། འགན་ནུས་ཆུ་ཚད་མཐོར་འདེགས་ཡོང་བར་སྒོ་ཀུན་ནས་སྤེལ་བ་བརྒྱུད། “ཁུལ་གསུམ་འཛུགས་སྐྲུན”དང་ཁྱོན་ཡོངས་ནས་འབྱོར་འབྲིང་སྤྱི་ཚོགས་འཛུགས་སྐྲུན་ལས་དོན་ལ་བྱས་རྗེས་ཆེན་པོ་འཇོག་དགོས་པ་བསྟན།  ། 

རྩོམ་སྒྲིག་པ། ཁྲི་ཚེ་རྒྱམ།
རྩོམ་སྒྲིག་འགན་འཁུར་བ། གཡང་བྷ།


འབྲེལ་ཡོད་རྩོམ་ཡིག

བོད་ཀྱི་གློག་བརྙན་སྒྲིག་བཟོ་ལྟེ་གནས་ཆེ་ཤོས་དེ་འཛུགས་སྐྲུན་བྱེད་མགོ་བརྩམས་པ།

2014ལོའི་ཀྲུང་གོ་མཚོ་སྔོན་རྒྱལ་སྤྱིའི་དབྱར་རྩྭ་དགུན་འབུ་དང་བོད་སྨན་འགྲེམ་འཚོང་ཚོགས་རའི་སྟེང་ཐེངས་དང་པོར་སྒོར་ཐེར་འབུམ4.5ཡི་ཉོ་ཚོང་གན་རྒྱ་བཞག

མཚོ་སྔོན་ཐེན་ཆེན་རྫོང་གིས་ལོ15ལ་རིན་མེད་སློབ་གསོ་ལག་བསྟར་བྱས་ཏེ་རིགས་སོ་སོའི་སློབ་མ5000ལྷག་ལ་ཕན་ཁེ་བསྐྲུན་པ།

སྐབས་གསུམ་པའི་མཚོ་སྔོན་ཞིང་ཆེན་གྱི་རིག་གནས་ལས་བྱེད་པའི“སྤྱོད་ཡོན་གཉིས་འཕགས”ཀྱི་གཟེངས་བསྟོད་ཚོགས་འདུ་ཟི་ལིང་དུ་བསྡུས་པ།

པདྨ་ཚེ་བརྟན་ལགས་ཀྱིས་འཁྲབ་ཁྲིད་བྱས་པའི་གློག་བརྙན་གཡང་མདའ་ཞེས་པ་གཅན་ཚ་རྫོང་དུ་བརྙན་ཕབ་འགོ་བརྩམས་པ།

ཝུའུ་ལན་རྫོང་ལ་ཆུ་ལོག་བརྒྱུགས་ནས་མི་སྣར་ཤི་རྨས་བཟོས་པ།

མཚོ་སྔོན་བོད་སྐད་རྒྱང་སྒྲོག་བརྙན་འཕྲིན་བོད་ཡུལ་དུ་བསྐྱོད་པའི་རིག་རྩལ་སྤྲོ་ཚོགས《གསེར་ཆེན་དཔང་བསྟོད་ཆེན་མོ》ཞེས་པ་གཟབ་རྒྱས་ངང་བསྡུས།

བརྙན་འཕྲིན་ཟློས་གར《མཐར་མཇུག་གི་སྦྲ་ནག》ཅེས་པར་རྒྱལ་སྤྱིའི་གློག་བརྙན་འདེམས་ཚོགས་སྟེང་མི་ཆོས་རིགས་ཀྱི་བྱ་དགའ་ཨང་གསུམ་པ་ཐོབ།