མཚོ་སྔོན་ཞིང་ཆེན་གྱི་འདུ་ཤེས་འཛིན་སྟངས་བྱ་བའི་འགན་ཁྲི་ལམ་ལུགས་ལག་བསྟར་བྱེད་པ་དང་སྐར་ལྔའི་རིམ་པའི་དཔལ་ཡོན་ཁྱིམ་ཚང་འཛུགས་སྐྲུན་བྱེད་པའི་བྱ་བའི་སྐུལ་སློང་གྲོས་ཚོགས་ཟི་ལིང་ནས་ཚོགས།

ཀྲུང་གོ་བོད་ཀྱི་དྲ་བའི་འཕྲིན། མཚོ་སྔོན་ཞིང་ཆེན་ཡོངས་ཀྱི་འདུ་ཤེས་འཛིན་སྟངས་བྱ་བའི་ལམ་ལུགས་ལག་བསྟར་བྱེད་པ་དང་སྐར་ལྔའི་རིམ་པའི་དཔལ་ཡོན་ཁྱིམ་ཚང་འཛུགས་སྐྲུན་བྱེད་པའི་བྱ་བའི་སྐུལ་སློང་གྲོས་ཚོགས་ཚེས་བཅུ་དགུ་ཉིན་ཟི་ལིང་ནས་ཚོགས། མཚོ་སྔོན་ཞིང་ཆེན་ཏང་ཨུའི་ཧྲུའུ་ཅི་གཞོན་པ་ཝང་ཅན་ཅོན་གྲོས་ཚོགས་ལ་ཞུགས་ནས་གཏམ་བཤད། ཞིང་ཆེན་ཏང་ཨུའི་རྒྱུན་ལས་ཨུ་ཡོན། དྲིལ་སྒྲོག་པུའུ་ཡི་པུའུ་ཀྲང་། ཞིང་ཆེན་དཔལ་ཡོན་ཨུ་ཡོན་ལྷན་ཁང་གི་ཀྲུའུ་རིན་ཀྲང་ཞི་མེན་གྱིས་གྲོས་ཚོགས་ལ་མགོ་འཛིན་བྱས། ཧྲིན་ཀྲང་གཞོན་པ། ཞིང་ཆེན་དཔལ་ཡོན་ཨུ་ཡོན་ལྷན་ཁང་གི་ཀྲུའུ་རིན་གཞོན་པ་ཧན་ཅན་ཧྭ་གྲོས་ཚོགས་ལ་ཞུགས།

ཝང་ཅན་ཅོན་གྱིས་བསྟན་དོན། དངོས་པོའི་དཔལ་ཡོན་དང་བསམ་པའི་དཔལ་ཡོན་གཉིས་མཉམ་དུ་དམ་འཛིན་བྱེད་རྒྱུ་དེ། ནམ་ཡང་ང་ཚོ་ཏང་གི་བྱ་བའི་བྱེད་ཕྱོགས་གལ་ཆེན་ཞིག་ཡིན་པ་དང་། འདུ་ཤེས་འཛིན་སྟངས་བྱ་བ་དང་བསམ་པའི་དཔལ་ཡོན་འཛུགས་སྐྲུན་ཐད་ནས་རིགས་གཞུང་ལ་དོ་སྣང་བྱེད་དགོས་པར་མ་ཟད། གླེང་ཕྱོགས་ལ་ཡང་དོ་སྣང་བྱེད་དགོས་ལ། འགན་འཁྲི་དང་ལག་ལེན་ལ་དེ་བས་ཀྱང་དོ་སྣང་བྱེད་དགོས། རིམ་པ་སོ་སོའི་ཏང་ཨུ་དང་ཏང་ཙུའུ་ཡིས་ཀྲུང་དབྱང་དང་ཞིང་ཆེན་ཏང་ཨུའི་འདུ་ཤེས་འཛིན་སྟངས་བྱ་བའི་འགན་འཁྲི་ལམ་ལུགས་ལག་བསྟར་བྱེད་པའི་ཐད་ཀྱི་ཇུས་ཆོད་བཀོད་སྒྲིག་ལག་ལེན་མཐར་ཕྱིན་བྱེད་པ་དང་། རང་འགུལ་གྱིས་འགན་ཕྲག་ཏུ་བླངས་ནས། འདུ་ཤེས་འཛིན་སྟངས་བྱ་བ་དེ་སེམས་སུ་དམ་པོར་འཛིན་དགོས། འགན་ནུས་སྒྲུབ་པ་དང་འགན་འཁྲི་ལག་བསྟར་བྱས་ཏེ། འདུ་ཤེས་འཛིན་སྟངས་བྱ་བའི་མགོ་ཁྲིད་དབང་ཆ་དང་རང་འགུལ་དབང་ཆ་དམ་འཛིན་བྱེད་པ་དང་། སྤྱི་ཚོགས་རིང་ལུགས་ཀྱི་སྲོག་ཤིང་རིན་ཐང་ལྟ་བ་སྐྱེད་སྲིང་དང་ལག་བསྟར་བྱེད་པ། དྲ་རྒྱའི་འདུ་ཤེས་འཛིན་སྟངས་ཐད་ཀྱི་བདེ་འཇགས་ལ་སྲུང་སྐྱོབ་བྱེད་པ། འདུ་ཤེས་འཛིན་སྟངས་ཀྱི་གཡུལ་སའི་དོ་དམ་ལ་ཤུགས་སྣོན་པ། འདུ་ཤེས་འཛིན་སྟངས་ཀྱི་དཔུང་སྡེ་འཛུགས་སྐྲུན་དང་དོ་དམ་ལ་ཤུགས་སྣོན་པ་བཅས་བྱེད་དགོས། འགན་འཁྲི་རྩད་གཅོད་བྱས་ནས། འདུ་ཤེས་འཛིན་སྟངས་བྱ་བ་དེ་ཏང་འཛུགས་བྱ་བའི་འགན་འཁྲི་ལམ་ལུགས་ཁྲོད་དང་། མགོ་ཁྲིད་ཚན་ཁག་དང་མགོ་ཁྲིད་ལས་བྱེད་པའི་དམིགས་འབེན་དོ་དམ་དང་དཔྱད་ཞིབ་ཁྲོད། ཏང་གི་སྒྲིག་ལམ་ལག་བསྟར་བྱེད་པའི་ལྟ་སྐུལ་ཞིབ་བཤེར་ཁྱབ་ཁོངས་ཁྲོད་བཞག་སྟེ། མགོ་ཁྲིད་ཚན་ཁག་དང་མགོ་ཁྲིད་ལས་བྱེད་པའི་འགན་ཁུར་ཕོད་པའི་འདུ་ཤེས་སྔར་ལས་ཇེ་དྲག་ཏུ་གཏོང་དགོས་ཟེར།

ཝང་ཅན་ཅོན་གྱིས་ནན་གྱིས་བསྟན་དོན། སྐར་མ་རིམ་པའི་དཔལ་ཡོན་ཁྱིམ་ཚང་འཛུགས་སྐྲུན་བྱེད་རྒྱུ་དེ་ཞིང་ཆེན་ཏང་ཨུའི་འཐབ་ཇུས་ཇུས་ཆོད་ཁྲོད་བཞག་པ་དང་། དེ་མཚོ་སྔོན་ལ་མཚོན་ན་ཐེངས་དང་པོ་ཡིན་པས། ས་ཁུལ་སོ་སོ་དང་སྡེ་ཁག་སོ་སོས་ཁྱིམ་ཚང་གི་བསམ་པའི་དཔལ་ཡོན་འཛུགས་སྐྲུན་ཁྲོད་ཀྱི་ཕྲ་ཕུང་རང་བཞིན་དང་རྨང་གཞིའི་རང་བཞིན། མགོ་ཁུངས་རང་བཞིན་གྱི་ནུས་པར་ངོས་འཛིན་གང་ལེགས་བྱེད་པ་དང་། ཁྱིམ་ཚང་འཛུགས་སྐྲུན་ནི་རྒྱལ་ཁབ་འཛུགས་སྐྲུན་དང་སྤྱི་ཚོགས་འཛུགས་སྐྲུན་གྱི་རྨང་གཞི་ཡིན་པར་ངོས་འཛིན་གང་ལེགས་བྱེད་པ། སྐར་ལྔའི་རིམ་པའི་དཔལ་ཡོན་ཁྱིམ་ཚང་འཛུགས་སྐྲུན་བྱེད་པའི་དུས་རབས་དོན་སྙིང་དང་ནང་དོན་ལ་ངོས་ཟིན་གང་ལེགས་བྱེད་དགོས། སྐར་མ་རིམ་པའི་དཔལ་ཡོན་ཁྱིམ་ཚང་འཛུགས་སྐྲུན་དེ་ཏང་ལ་དགའ་བ་དང་མེས་རྒྱལ་ལ་དགའ་བ་དང་། ཡིད་རྟོན་ཁྲིམས་སྲུང་། ལས་བརྩོན་གཏོང་ཕོད། མཐུན་སྒྲིལ་དར་སྲོལ། གཙང་སྦྲ་གྲལ་དག་བཅས་ཕྱོགས་ལྔའི་ཐད་ཀྱི་ནང་དོན་དང་ཚད་གཞི་ལ་དམིགས་ནས་སྤེལ་དགོས་པ་མ་ཟད། རིན་ཐང་གིས་སྣེ་ཁྲིད་པ་འབུར་དུ་ཐོན་པར་བྱེད་པ་དང་། ཁྱིམ་ཚང་དང་ཁྱིམ་ཚང་གི་སློབ་གསོ། ཁྱིམ་ཚང་གི་གོམས་སྲོལ་འབུར་དུ་ཐོན་པར་བྱེད་པ། དཔལ་ཡོན་གླེང་བ་དང་སྲོལ་བཟང་དར་སྤེལ། སྐྱོན་ཆར་ཡོ་བསྲང་བྱེད་པ་བཅས་འབུར་དུ་ཐོན་པར་བྱེད་དགོས། ཚན་རིག་དང་མཐུན་པའི་སྒོ་ནས་བྱེད་ཐབས་སྤྱོད་པ་དང་། སྟོབས་ཤུགས་འདོན་པ། མཉམ་ཤུགས་གྲུབ་པར་བྱེད་པ། མང་ཚོགས་ལ་སྐུལ་སློང་བྱེད་པ། གོ་རིམ་འདུ་ཤེས་ཇེ་དྲག་ཏུ་གཏོང་བ། བྱ་བའི་སྒྲིག་སྲོལ་ལ་གསར་སྐྲུན་བྱེད་པ། དཔེ་མཚོན་འཛུགས་པར་གཙིགས་འཛིན་བྱེད་པ། རིགས་བགར་ནས་སྤེལ་བ་བཅས་བྱས་ཏེ། ཞིང་ཆེན་ཡོངས་ཀྱི་སྐར་མ་རིམ་པའི་དཔལ་ཡོན་ཁྱིམ་ཚང་འཛུགས་སྐྲུན་བྱེད་པའི་བྱ་བ་ཤུགས་ཡོད་པ་དང་གོ་རིམ་ལྡན་པའི་སྒོ་ནས་སྤེལ་བར་ཁག་ཐེག་བྱེད་དགོས་ཟེར། །

རྩོམ་སྒྲིག་པ། ཚེ་མཁར་རྒྱལ།
རྩོམ་སྒྲིག་འགན་འཁུར་བ། གཡང་བྷ།

འབྲེལ་ཡོད་རྩོམ་ཡིག

བོད་ཀྱི་གློག་བརྙན་སྒྲིག་བཟོ་ལྟེ་གནས་ཆེ་ཤོས་དེ་འཛུགས་སྐྲུན་བྱེད་མགོ་བརྩམས་པ།

འབྲེལ་ཡོད་རྩོམ་ཡིག

བོད་ཀྱི་གློག་བརྙན་སྒྲིག་བཟོ་ལྟེ་གནས་ཆེ་ཤོས་དེ་འཛུགས་སྐྲུན་བྱེད་མགོ་བརྩམས་པ།

པདྨ་ཚེ་བརྟན་ལགས་ཀྱིས་འཁྲབ་ཁྲིད་བྱས་པའི་གློག་བརྙན་གཡང་མདའ་ཞེས་པ་གཅན་ཚ་རྫོང་དུ་བརྙན་ཕབ་འགོ་བརྩམས་པ།

ཝུའུ་ལན་རྫོང་ལ་ཆུ་ལོག་བརྒྱུགས་ནས་མི་སྣར་ཤི་རྨས་བཟོས་པ།

པར་རིས་གསར་འགྱུར།

བརྩེ་སེམས་ཟབ་མོ་དམངས་ལ་བཅངས།

ཡུས་ཀྲིན་ཧྲིན་གྱིས་ཧུའུ་ནན་ཞིང་ཆེན་གྱི་བྱ་བར་གཟིགས་ཞིབ་མཛད།

ཞི་ཅིན་ཕེན་གྱིས་ནེའུ་ཙི་ལན་རྒྱལ་ཁབ་ཀྱི་ཙུང་ལི་ཡོ་ཧན་ཅི་ལ་མཇལ་འཕྲད་གནང་།

བོད་ཁུལ་གསར་འགྱུར།