མདུན་ཤོག- གསར་འགྱུར།- ཡུལ་གྲུའི་གསར་འགྱུར།- མཚོ་སྔོན།

མཚོ་སྔོན་གྱི་དྲ་ཆེན་དྲ་རྒྱ་སྲིད་འཛིན་གྲོང་ཚོ་བཅུ་ཆ་དགུར་ཁྱབ་པ།

ཆ་འཕྲིན་གྱི་འཛད་སྤྱོད་ཀྱིས་ཞིང་འབྲོག་པའི་འཚོ་བ་ལེགས་སུ་ཕྱིན་པ།

  ཡོང་ཁུངས། ཤིན་ཧྭ་གསར་འགྱུར་ཁང་།  2014-11-29 11:19

    ཤིན་ཧྭ་གསར་འགྱུར་ཁང་ཟི་ལིང་ནས་ཟླ་11ཚེས་26ཉིན་གློག་འཕྲིན་འབྱོར་གསལ།གསར་འགོད་པར་ཚེས་26ཉིན་མཚོ་སྔོན་ཞིང་ཆེན་འཕྲིན་གཏོང་དོ་དམ་ཅུས་ནས་ཤེས་རྟོགས་བྱུང་བར་མིག་སྔར་མཚོ་སྔོན་ཞིང་ཆེན་གྱི་ཞིང་འབྲོག་ཁུལ་གྱི་སྲིད་འཛིན་གྲོང་ཚོའི་དྲ་ཆེན་དྲ་རྒྱ་ཤར་གཏོང་ཐུབ་ཚད་90%ཟིན་ནས་ཞིང་འབྲོག་ཁུལ་དུད་ཚང་ཁྲི་4.7དྲ་སྦྲེལ་དྲ་བའི་དུས་རབས་སུ་སླེབས་པ་རེད།

    2013ལོའི་ལོ་མཇུག་ཏུ“དྲ་ཆེན་མཚོ་སྔོན་བསྐྲུན་ནས་ཆ་འཕྲིན་འཛད་སྤྱོད་ལ་སྐུལ་འདེད་གཏོང་བའི”འཐབ་ཇུས་ལག་བསྟར་བྱས་རྗེས་རིམ་རྩིས་བྱས་ན་མ་དངུལ་སྒོར་དུང་ཕྱུར་90.43བཏང་ནས་དྲ་ཆེན་གྱི་དྲ་སྦྲེལ་དྲ་བ་དང་སྒུལ་བདེའི་དྲ་སྦྲེལ་དྲ་བ་སོགས་རྨང་གཞིའི་སྒྲིག་བཀོད་འཛུགས་སྐྲུན་ཁྲོད་སྤྱད་པ་རེད།ཞིང་འབྲོག་ཁུལ་དུ་དྲ་ཆེན་དྲ་སྦྲེལ་དྲ་བ་དུད་ཚང་ཁྲི་4.7ལ་ཁྱབ་པ་དང་སྒུལ་བདེའི་དྲ་སྦྲེལ་དྲ་བ་སྤྱོད་མཁན་ཁྱབ་གདལ་གཏོང་ཚད་42.8%ཟིན་ཡོད་པ་རེད།

    དྲ་རྒྱའི་འཕྲིན་གཏོང་སྒྲིག་བཀོད་འཛུགས་སྐྲུན་དང་འཐུས་ཚང་དུ་བཏང་བ་དེས་མཚོ་སྔོན་གྱི་ཞིང་འབྲོག་ཁུལ་ལ་འབབ་འཕར་ཐབས་ལམ་གསར་པ་ཞིག་བཏོད་ཡོད་པ་རེད།གསར་འགོད་པས་བཅར་འདྲི་བྱེད་སྐབས་ད་ཆ་ཞིང་འབྲོག་པ་ཇེ་མང་ཞིག་གིས་དྲ་སྦྲེལ་དྲ་བའི་ཐོག་གློག་རྡུལ་ཚོང་དོན་སྟེགས་བུ་སྤྱད་དེ་ལུག་ཤ་དང་།ཚགས་ཤའདྲེ་ཚེར་མ་ནག་པོ་སོགས་ཁྱད་ལྡན་ཐོན་ཟོག་རྒྱལ་ཡོངས་སུ་ཕྱིར་ཚོང་བྱེད་ཀྱི་ཡོད་པ་ཤེས་རྟོགས་ཐུབ་ཡོད།

    མཚོ་སྔོན་དུ་དྲ་རྒྱའི་འཕྲལ་སྡོམ་གེགས་སེལ་ཆ་འཕྲིན་ཅན་གྱི་སྟེགས་བུ་དང་ས་ཁམས་ཆ་འཕྲིན་གྱི་སྤྱི་པའི་ཞབས་ཞུའི་སྟེགས་བུ་སོགས་མ་ལག་དེ་2015ལོར་བསྐྲུན་ཐུབ་ནས་ཞིང་འབྲོག་པར་ཞབས་ཞུ་དེ་བས་མང་བ་ཐུབ་རེ་ཡོད་པ་རེད།

རྩོམ་སྒྲིག་པ། མགོན་པོ།
རྩོམ་སྒྲིག་འགན་འཁུར་བ། མགོན་པོ།

པར་དབང་གསལ་བསྒྲགས།      ངེད་ཀྱི་སྐོར།      འབྲེལ་གཏུགས་བྱེད་ཚུལ།

གློག་འཕྲིན་ཡིག་སྒམ། tibet3@126.com    ཁ་པར། 0971-8455441

©2006-2013 China Tibetannet Corporation པར་དབང་ངེད་དྲ་བར་དབང་བས་ཆོག་མཆན་མ་ཐོབ་པར་གཞན་གྱིས་རང་དགར་སྤྱོད་མི་ཆོག