མདུན་ཤོག- གསར་འགྱུར།- ཡུལ་གྲུའི་གསར་འགྱུར།- མཚོ་སྔོན།

«གཙོད»ཅེས་པའི་འགུལ་རིས་བརྙན་འཕྲིན་ལ་ཀྲུང་གོའི་བརྙན་འཕྲིན་གསེར་གླག་རྟགས་མའི་བྱ་དགའ་ཐོབ།

  ཡོང་ཁུངས། མཚོ་སྔོན་བོད་སྐད་རླུང་འཕྲིན།  2014-11-07 10:46

«གཙོད»ཅེས་པར་ཀྲུང་གོའི་བརྙན་འཕྲིན་གསེར་གླག་རྟགས་མའི་བྱ་དགའ་ཐོབ།

ཀྲུང་གོའི་བོད་ཀྱི་དྲ་བའི་འཕྲིན། ཉེ་ལམ། མཚོ་སྔོན་ཞིང་ཆེན་གྱིས་བསྐྲུན་པའི་རྒྱ་བོད་སྐད་གཉིས་ཀྱི་ལེའུ་ལྔ་ཅན་གྱི་མུ་འབྲེལ་འགུལ་རིས་བརྙན་འཕྲིན«གཙོད»ཅེས་པར་ཀྲུང་གོའི་བརྙན་འཕྲིན་གསེར་གླག་རྟགས་མའི་བྱ་དགའ་ཨང་གསུམ་པ་ཐོབ། འདི་ནི་མཚོ་སྔོན་གྱི་འགུལ་རིས་བརྙན་འཕྲིན་ལེ་ཚན་ལ་སྲིད་གཞུང་གིས་གནང་བའི་རྟགས་མ་མཐོ་གྲས་ཤིག་རེད།

ཀྲུང་གོའི་བརྙན་འཕྲིན་གསེར་གླག་རྟགས་མ་ནི་ཀྲུང་དབྱང་དྲིལ་སྒྲོག་པུའུ་ནས་ཆོག་མཆན་གནང་ཞིང་། ཀྲུང་གོའི་རྩོམ་སྒྱུར་མཉམ་འབྲེལ་ལྷན་ཚོགས་དང་ཀྲུང་གོའི་བརྙན་འཕྲིན་སྒྱུ་རྩལ་པ་མཐུན་ཚོགས་ནས་མཉམ་འབྲེལ་གྱིས་གཙོ་སྒྲུབ་གནང་བའི་རྒྱལ་ཡོངས་རང་བཞིན་གྱི་བརྙན་འཕྲིན་སྒྱུ་རྩལ་སྣ་འཛོམས་རྟགས་མ་ཞིག་ཡིན་ལ། མང་ཚོགས་ཀྱིས་དཔྱད་འདེམས་གཙོ་ཆེར་གནང་བའི་རྒྱལ་ཁབ་རིམ་པའི་བརྙན་འཕྲིན་སྒྱུ་རྩལ་གྱི་རྟགས་མ་ཞིག་ཀྱང་རེད།

ཀྲུང་གོའི་བརྙན་འཕྲིན་གསེར་གླག་རྟགས་མ་སྐབས་ཉེར་བདུན་པ་དེ་ཀྲུང་གོའི་རྩོམ་སྒྱུར་མཉམ་འབྲེལ་ལྷན་ཚོགས་དང་ཧུའུ་ནན་ཞིང་ཆེན་མི་དམངས་སྲིད་གཞུང་། ཀྲུང་གོའི་བརྙན་འཕྲིན་སྒྱུ་རྩལ་པ་མཐུན་ཚོགས་བཅས་ཀྱིས་གཙོ་སྒྲུབ་གནང་སྟེ། དཔྱད་འདེམས་བརྒྱུད་བརྙན་འཕྲིན་ཟློས་གར་ཁག་བརྒྱ་དང་གསུམ་དང་། བརྙན་འཕྲིན་རིག་རྩལ་ལེ་ཚན་ཁག་བརྒྱ་དང་ང་བརྒྱད། དངོས་བཤུས་བརྙན་འཕྲིན་ཁག་བརྒྱ་དང་རེ་བཞི། འགུལ་རིས་བརྙན་འཕྲིན་ཁག་ཉེར་བརྒྱད། སྤྱི་ཕན་བརྡ་ཁྱབ་ཁག་དོན་གཉིས། མདོ་འཛིན་པ་ང་བརྒྱད་བཅས་འགྲན་སྡུར་ལ་ཞུགས། འགུལ་རིས་བརྙན་འཕྲིན་ཁག་ཉེར་བརྒྱད་ལས། མཚོ་སྔོན་ཞིང་ཆེན་མི་རིགས་འགུལ་རིས་དར་སྤེལ་ལྟེ་གནས་དགའ་སྤྲོའི་འགུལ་རིས་རིག་གནས་ཚན་རྩལ་དར་སྤེལ་ཚད་ཡོད་ཀུང་ཟིས་གསར་སྐྲུན་གནང་བའི་འགུལ་རིས་བརྙན་འཕྲིན «གཙོད»ཅེས་པར་བྱ་དགའ་ཐོབ།  ། 

རྩོམ་སྒྲིག་པ། ཚེ་རྒྱ།
རྩོམ་སྒྲིག་འགན་འཁུར་བ། དབྱང་བྷ།

པར་དབང་གསལ་བསྒྲགས།      ངེད་ཀྱི་སྐོར།      འབྲེལ་གཏུགས་བྱེད་ཚུལ།

གློག་འཕྲིན་ཡིག་སྒམ། tibet3@126.com    ཁ་པར། 0971-8455441

©2006-2013 China Tibetannet Corporation པར་དབང་ངེད་དྲ་བར་དབང་བས་ཆོག་མཆན་མ་ཐོབ་པར་གཞན་གྱིས་རང་དགར་སྤྱོད་མི་ཆོག