མདུན་ཤོག- གསར་འགྱུར།- ཡུལ་གྲུའི་གསར་འགྱུར།- མཚོ་སྔོན།

མཚོ་སྔོན་གྱི་མང་ཚོགས་ཁྲི་ལྷག་ཞིན་ཅང་དུ་སྲིང་བལ་བཏོག་ནས་ཡོང་སྒོ་བསྐྲུན་པ།

རྩོམ་པ་པོ། རྡོ་རྗེ་བསམ་འགྲུབ་ཀྱིས་བསྒྱུར།  ཡོང་ཁུངས། ཀྲུང་གོ་བོད་ཀྱི་དྲ་བ།  2014-09-17 10:24

ཀྲུང་གོ་བོད་ཀྱི་དྲ་བའི་འཕྲིན། ཟླ9བའི་ཚེས13ཉིན་གྱི་དུས་ཚོད11སྐབས་སུ། མཚོ་སྔོན་ཞིང་ཆེན་མཚོ་ཤར་གྲོང་ཁྱེར་མིན་ཧི་ཧེ་རིགས་རང་སྐྱོང་རྫོང་གི་མང་ཚོགས་མི2733ཐེངས་གཉིས་བར་སྲིང་བལ་བཏོག་པའི་ཆེད་སྤྱོད་སྐྱེལ་འདྲེན་མེ་འཁོར་དུ་བསྡད་དེ་ཧེ་ཧྲི་ཝན་འབབ་ཚིགས་ནས་ལམ་ལ་ཆས་ཏེ་ཞིན་ཅང་དུ་བསྐྱོད། ཚོད་དཔག་ལྟར་ན་ཟླ9བའི་ཟླ་མཇུག་བར་དུ་ཞིང་ཆེན་ཡོངས་སུ་ཞིན་ཅང་དུ་སྲིང་བལ་བཏོག་པར་ཆས་པའི་མི་གྲངས་ཁྲི5ལྷག་ལ་སླེབས་ཡོད། ཞིང་ཆེན་ལས་ཞུགས་ཞབས་ཞུ་ཅུའུ་དང་མཚོ་བོད་ལྕགས་ལམ་ཀུང་ཟི་གཞུང་སྒྲུབ་ཁང་། མཚོ་ཤར་གྲོང་ཁྱེར་ལས་ཞུགས་ཅུའུ། མིན་ཧི་རྫོང་གི་ལས་བྱེད་མི་སྣ་བཅས་ཀྱིས་མིན་ཧི་རྫོང་གི་སྲིང་བལ་བཏོག་པར་འགྲོ་མཁན་ལ་སྐྱེལ་མ་བྱས།

གསར་འགོད་པས་མཚོ་སྔོན་ཞིང་ཆེན་མི་ཤུགས་ཐོན་ཁུངས་དང་སྤྱི་ཚོགས་འགན་སྲུང་ཐིན་ནས་རྒྱུས་ལོན་པ་ལྟར་ན། མིག་སྔའི་བར་དུ། ཞིང་ཆེན་ཡོངས་སུ་སྲིང་བལ་བཏོག་པར་སོང་བའི་མི29718ཡོད་པ་དང་། དེའི་ནང་སྲིད་གཞུང་གིས་ཐེངས་གཉིས་ལ་རྩ་འཛུགས་བྱས་ཏེ་སྲིང་བལ་བཏོག་མཁན་མི5353སྐྱེལ་འདྲེན་བྱས་པ་དང་། བར་ཁེ་པས་མི12860སྣེ་ཁྲིད་ལ། མང་ཚོགས་རང་ཉིད་མི11505ཞིན་ཅང་ལ་སོང་ཡོད། ད་ལོའི་སྲིང་བལ་བཏོག་པའི་བྱ་འགུལ་ཁྲོད། མཚོ་ཤར་གྲོང་ཁྱེར་འབྲེལ་ཡོད་སྡེ་ཁག་གིས་ཚད་མཐོན་པོས་མཐོང་ཆེན་བྱས་ཏེ། ཆེད་དམིགས་ཀྱིས་སྲིང་བལ་བཏོག་པའི་བྱ་བའི་ལག་བསྟར་འཆར་གཞི་བཟོས་པ་དང་། དམིགས་ཚད་ལས་འགན་དང་བྱ་བའི་གོ་རིམ། སྡེ་ཁག་འགན་འཁྲི་སོགས་ཀྱི་ཐད་ནས་བཀོད་སྒྲིག་བྱས། རྩོལ་ལས་བར་ཁེ་པས་མི་གཅིག་ཕྱིར་ལས་ཀར་ཁྲིད་ན་སྒོར20ཡི་འགྲིམ་འགྲུལ་ཁ་གསབ་བྱས་ཏེ་བསྡོམས་པས་ཁ་གསབ་མ་དངུལ་སྒོར་ཁྲི20ལྷག་དངོས་འབེབས་བྱས། དུས་མཚུངས་སུ་བརྡ་འཕྲིན་སྡེ་ཁག་དང་འབྲེལ་གཏུག་བྱས་ཏེ་སྲིང་བལ་བཏོག་མཁན་ལ་རིན་མེད་སྒོས་རིན་གོང་སྒོར300ཡི“བརྡ་འཕྲིན་གཟིགས་སྐྱོང་བྱང་བུ”དང་རིན་གོང་སྒོར་ཁྲི42ཡི་འཚམ་འདྲི་དངོས་པོ་བྱིན།  །

པར་དབང་གསལ་བསྒྲགས།      ངེད་ཀྱི་སྐོར།      འབྲེལ་གཏུགས་བྱེད་ཚུལ།

གློག་འཕྲིན་ཡིག་སྒམ། tibet3@126.com    ཁ་པར། 0971-8455441

©2006-2013 China Tibetannet Corporation པར་དབང་ངེད་དྲ་བར་དབང་བས་ཆོག་མཆན་མ་ཐོབ་པར་གཞན་གྱིས་རང་དགར་སྤྱོད་མི་ཆོག