ཀྲུང་གོ་བོད་ཀྱི་དྲ་བའི་འཕྲིན། ཟླ་བདུན་པའི་ཚེས་བཅུ་དྲུག་ཉིན་ནས་ཚེས་བཅུ་བདུན་ཉིན་བར། ཀོང་ཏུང་ཞིང་ཆེན་སྲིད་གྲོས་ཀྱི་ཀྲུའུ་ཞི། ཏང་ཙུའུ་ཧྲུའུ་ཅི་ཀྲུའུ་མེན་གོ་ཡིས་ཚོགས་པ་ཁྲིད་དེ་མཚོ་སྔོན་གྱི་བྱ་བར་རྟོག་ཞིབ་བྱས། རྟོག་ཞིབ་བྱེད་སྐབས་རྟོག་ཞིབ་ཚོགས་པས་མཚོ་སྔོན་ཞིང་ཆེན་སྲིད་གྲོས་བར་དུ་བཞུགས་མོལ་དང་བརྗེ་རེས་བྱས། མཚོ་སྔོན་ཞིང་ཆེན་སྲིད་གྲོས་ཀྱི་ཀྲུའུ་ཞི་རིན་ཆེན་རྒྱལ་དང་། ཀྲུའུ་ཞི་གཞོན་པ་ཁྲིན་ཙི་ཆོན་དང་ཀྲང་ཧྲུག་ཁྲིན། མཚོ་སྔོན་ཞིང་ཆེན་སྲིད་གྲོས་འབྲེལ་ཡོད་སྡེ་ཁག་གི་འགན་ཁུར་པ་བཞུགས་མོལ་ཚོགས་འདུར་ཞུགས།
རྟོག་ཞིབ་ཚན་ཁག་གིས་བལྟས་ན། མཚོ་སྔོན་ཞིང་ཆེན་སྲིད་གྲོས་ཀྱིས་བཅོས་སྒྱུར་དང་འཕེལ་རྒྱས། བརྟན་འཇགས་བཅས་ཀྱི་ཆེ་ཕྱོགས་ལ་དམིགས་ནས། ཧུར་ཐག་སྒོས་སྲིད་ཞུགས་སྲིད་གྲོས་དང་བློ་འདོན་ཇུས་འབུལ་བྱས། ལྷག་པར་དུ་དམངས་གཙོའི་གྲོས་མོལ་སྤེལ་བ་དང་། ཨུ་ཡོན་གྱི་དོ་དམ་ལ་ཤུགས་སྣོན་པ། ཨུ་ཡོན་གྱི་ནུས་པ་འདོན་སྤེལ་བྱེད་པ་སོགས་ཐད་ནས་བསམ་ཕྱོགས་གསར་བ་དང་བྱེད་ཐབས་གསར་བ་ཡོན་ལ། བྱ་བར་འཕེལ་རིམ་གསར་བ་ཡོད་པར་འདོད།
ཞིང་ཆེན་སྲིད་གྲོས་ཀྱི་ཀྲུའུ་ཞི་རིན་ཆེན་རྒྱལ་གྱིས་བཞུགས་མོལ་ཚོགས་འདུའི་སྟེང་བཤད་རྒྱུར། ཀོང་ཏུང་ཞིང་ཆེན་སྲིད་གྲོས་ཀྱི་རྟོག་ཞིབ་ཚོགས་པས་མཚོ་སྔོན་ནས་རྟོག་ཞིབ་བྱེད་སྐབས། མཚོ་སྔོན་ཞིང་ཆེན་གྱི་དཔལ་འབྱོར་དང་སྤྱི་ཚོགས་འཕེལ་རྒྱས་དང་། མཚོ་སྔོན་ཞིང་ཆེན་མི་དམངས་སྲིད་གྲོས་ཀྱི་བྱ་བར་རོགས་རམ་དང་མཛུབ་སྟོན་བྱས་ཏེ། བསམ་འཆར་རྩ་ཆེན་འདོན་རྒྱུ་ནི་ང་ཚོའི་རེ་བ་ཡིན་ཟེར། རྟོག་ཞིབ་ཚོགས་པ་ད་དུང་མཚོ་བྱང་དང་མཚོ་ལྷོ་བོད་རིགས་རང་སྐྱོང་ཁུལ་དུ་སོང་སྟེ་ཡུལ་དངོས་ནས་ས་དེའི་སྐྱེ་ཁམས་ཁོར་ཡུག་སྲུང་སྐྱོབ་བྱ་བར་རྟོག་ཞིབ་བྱས། །
