ཀྲུང་གོ་བོད་ཀྱི་དྲ་བའི་འཕྲིན། ཟླ་བདུན་པའི་ཚེས་བཅུ་གཅིག་ཉིན། རྒྱལ་ཁབ་བཟོ་ཚོང་སྤྱི་ཁྱབ་ཅུའུ་ཡི་ཞིང་ཆེན་ལས་བརྒལ་བའི་དྲ་རྒྱའི་ཉོ་ཚོང་ལྟ་སྐུལ་དོ་དམ་བྱ་བའི་མཉམ་ལས་སྒྲིག་གཞིའི་བགྲོ་གླེང་ཚོགས་འདུ་ཟི་ལིང་ནས་བསྡུས། རྒྱལ་ཡོངས་ཀྱི་ཞིང་ཆེན་དང་ཐད་གཏོགས་གྲོང་ཁྱེར་ཁ་ཤས་ཀྱི་བཟོ་ཚོང་ཅུའུ་ཡི་དྲ་རྒྱའི་ཉོ་ཚོང་ལྟ་སྐུལ་དོ་དམ་ལས་ཁུངས་ཀྱི་འཐུས་མི་གྲོས་ཚོགས་སུ་ཞུགས།
གྲོས་ཚོགས་སྟེང་རྒྱལ་ཁབ་བཟོ་ཚོང་སྤྱི་ཁྱབ་ཅུའུ་ཚོང་ར་ཟིའི་མགོ་ཁྲིད་ཀྱིས་རྒྱལ་ཡོངས་ཀྱི་རིམ་པ་སོ་སོའི་བཟོ་ཚོང་ལས་ཁུངས་ཀྱིས་དྲ་རྒྱའི་ཚོང་རྫས་ཉོ་ཚོང་ལྟ་སྐུལ་དོ་དམ་བྱ་བ་བཟང་བོར་སྒྲུབ་པ་དང་། ཡིད་ཆེས་དང་བདེ་འཇགས། ཚད་ལྡན། གོ་རིམ་བཅས་ལྡན་པའི་དྲ་རྒྱའི་ཚོང་རྫས་ཉོ་ཚོང་ཁོར་ཡུག་ཧུར་ཐག་སྒོས་བསྐྲུན་ཏེ། དྲ་རྒྱའི་ཚོང་རྫས་ཉོ་ཚོང་རྒྱུན་མཐུད་དང་བདེ་བླག་ངང་འཕེལ་རྒྱས་སུ་གཏོང་བའི་ཐད་ལ་རེ་བ་བཏོན། །
