སྙན་ངག་དུས་ཆེན་སྡུད་བཞིན་པའི་ཡུལ་དངོས།
སྙན་ངག་འདུ་ཚོགས་ཀྱི་ཡུལ་དངོས།
ལང་ཚོའི་ཕྱི་མིག་ཅེས་པའི་སྙན་ངག་གླེང་སྟེགས་བསྡུས།
ཀྲུང་གོ་བོད་ཀྱི་དྲ་བའི་འཕྲིན། ཟླ་བདུན་པའི་ཚེས་ལྔ་ཉིན་ནས་ཚེས་བརྒྱད་ཉིན། ཀྲུང་གོ་རྩོམ་པ་པོ་མཐུན་ཚོགས་སྙན་ངག་དུས་དེབ་ཁང་དང་མཚོ་སྔོན་ཡུལ་ཤུལ་ཁུལ་དྲིལ་སྒྲོག་པུའུ་གཉིས་ཀྱིས་གཙོ་བསྒྲུབས་དང་། ཡུལ་ཤུལ་ཁུལ་རྩོམ་རིག་སྒྱུ་རྩལ་མཉམ་འབྲེལ་ལྷན་ཚོགས་དང་ཡུལ་ཤུལ་གྲོང་ཁྱེར་མི་དམངས་སྲིད་གཞུང་གིས་འགན་བསྒྲུབས་གནང་བའི་སྐབས་ལྔ་པའི«ཡུལ་ཤུལ་ལང་ཚོའི་ཕྱི་མིག་ཅེས་པའི»སྙན་ངག་དུས་ཆེན་དང་སྐབས་གཉིས་པའི་ཀྲུང་གོའི་ཡུལ་ཤུལ་ཐང་བོད་གནའ་ལམ་སྙན་ངག་དུས་ཆེན་དེ་ཡུལ་ཤུལ་དུ་བསྡུས་པ་རེད། ཞིང་ཆེན་ཏང་ཨུའི་རྒྱུན་ལས་ཨུ་ཡོན། དྲིལ་བསྒྲགས་པུའུ་ཀྲང་ཅི་ཏིས་མ་ཅཱ་དང་། ཧུའུ་ཏི་ཆིན། ལཱི་ནན་སོགས་རྒྱལ་ཡོངས་ཀྱི་ཡུལ་སོ་སོ་ནས་ཡོང་བའི་སྙན་ངག་པ་གྲགས་ཅན་དང་། དབང་ཕྱུག་ཚེ་བརྟན། ཨ་ལྡོང་དཔལ་རྡོ་ཐར། གངས་ཅན་གསོམ་སྡོང་སོགས་བོད་ཀྱི་སྙན་ངག་པ་གྲགས་ཅན་རྣམས་སྙན་ངག་འདུ་ཚོགས་སྟེང་ཞུགས་ཡོད་པ་རེད།
ཐེངས་འདིའི་སྙན་ངག་འདུ་ཚོགས་སྟེང་ཐང་བོད་གནའ་ལམ་གྱི་རྩོམ་རིག་བྱ་དགའ་དང་དབྱངས་ཅན་མ་རྟགས་མའི་སྙན་ངག་བྱ་དགའ་གནང་བའི་བྱེད་སྒོ་སྤེལ་བར་མ་ཟད། «སྙན་ངག་དུས་དེབ»དང«ཁམས་པ་རྩོམ་རིག»གིས«ཁམས་པ་རྩོམ་རིག»གི་གྲོས་ཞིབ་ཚོགས་འདུ་བསྡུས་ནས།«ཁམས་པ་རྩོམ་རིག»མུ་མཐུད་དུ་གོང་འཕེལ་དང་། ཡུལ་ཤུལ་གྱི་གཙང་གསུམ་འབྱུང་ཡུལ་རིག་གནས་གནས་སྐོར་ཐོན་ཁུངས་དྲིལ་སྒྲོག་བྱེད་པ། ཡུལ་ཤུལ་ས་ཁུལ་གྱི་ཁྱད་འཕགས་རིག་གནས་མཚོན་རྟགས་བསྐྲུན་པའི་ཐད་བགྲོ་གླེང་རྒྱ་ཆེན་པོ་གནང་བ་རེད།
