ཀྲུང་གོ་བོད་ཀྱི་དྲ་བའི་འཕྲིན། གསར་འགོད་པས་ཟླ7པའི་ཚེས1ཉིན་མཚོ་སྔོན་ཞིང་ཆེན་སྡོད་ཁང་དང་ཤང་གྲོང་འཛུགས་སྐྲུན་ཐིན་ནས་རྒྱུས་ལོན་པ་ལྟར་ན། མཚོ་སྔོན་ཞིང་ཆེན་ལ་སྔ་སྣུར་སྒོས2014ལོའི་ཞིང་སྡེའི་ཁང་རྙིང་བསྒྱུར་བཅོས་ཁ་གསབ་མ་དངུལ་སྒོར་ཁྲི23310བཏང་བའི་རྨང་གཞིའི་སྟེང་། ནོར་སྲིད་པུའུ་དང་རྒྱལ་ཁབ་འཕེལ་རྒྱས་བཅོས་བསྒྱུར་ཨུ་ཡོན་ལྷན་ཚོགས། སྡོད་ཁང་དང་ཤང་གྲོང་འཛུགས་སྐྲུན་པུའུ་བཅས་ཀྱིས་ཉེ་ལམ་ཡང་བསྐྱར་མཚོ་སྔོན་ལ2014ལོའི་ཞིང་སྡེའི་ཁང་རྙིང་བསྒྱུར་བཅོས་ཁ་གསབ་མ་དངུལ་སྒོར་ཁྲི5390བཏང་བ་དང་། དེའི་ནང་ཀྲུང་དབྱང་གི་གཞི་རྩའི་འཛུགས་སྐྲུན་མ་དངུལ་སྒོར་ཁྲི2000ཡོད།
རྒྱུས་ལོན་པ་ལྟར་ན། 2014ལོར་མཚོ་སྔོན་ཞིང་ཆེན་གྱིས་ཞིང་སྡེའི་སྡོད་ཁང་འཛུགས་སྐྲུན་ལས་འགན་ཁྱིམ་ཚང་ཁྲི6.5བཀོད་སྒྲིག་བྱས་ཡོད་པ་དང་། དེའི་ནང་དཀའ་ངལ་མང་ཚོགས་ཀྱི་ཁང་རྙིང་བསྒྱུར་བཅོས་ཁྱིམ་ཚང་ཁྲི2.5ཡོད་ལ། སྤྱིར་བཏང་མང་ཚོགས་ཀྱི་བྱ་དགའི་རང་བཞིན་གྱི་སྡོད་ཁང་འཛུགས་སྐྲུན་ཁྱིམ་ཚང་ཁྲི4ཡོད་པ་མ་ཟད། བཟོ་སྐྲུན་ནུས་གྲོན་དཔེ་སཏོན་ཁྱིམ་ཚང8000བཀོད་སྒྲིག་བྱས་ཡོད། ཟླ5བའི་ཟླ་མཇུག་བར་དུ་ཞིང་ཆེན་ཡོངས་སུ་ཞིང་སྡེའི་སྡོད་ཁང་འཛུགས་སྐྲུན་ལས་འགོ་བརྩམས་པ་ཁྱིམ་ཚང26192ཡོད་ལ། བཟོ་སྐྲུན་རྒྱ་ཁྱོན་མུས་གྲུ་བཞི་མ་ཁྲི171.44དང་ལས་འགོ་བརྩམས་ཚད40%ལ་སླེབས་ཡོད། ཁྱིམ་ཚང20120ལེགས་འགྲུབ་བྱས་ཤིང་ལེགས་འགྲུབ་བྱུང་ཚད3%ལ་སླེབས། ཀྲུང་དབྱང་དང་ཞིང་ཆེན་རིམ་པའི་ནོར་སྲིད་ཁ་གསབ་ཀྱི་ཞིང་སྡེའི་སྡོད་འཛུགས་སྐྲུན་མ་དངུལ་སྒོར་དུང་ཕྱུར11.85ཚང་མ་རྩིས་སྤྲོད་བྱས་ཡོད། བླང་བྱར་གཞིགས་ན་ཐེངས་འདིར་བཏང་བའི་ཆེད་སྤྱོད་མ་དངུལ་དེ་མཚོ་སྔོན་གྱི་ཞིང་སྡེའི་ཁ་ཐོར་གསོ་གཉོར་བྱས་པའི་ལྔ་སྐྱོང་ཁྱིམ་ཚང་དང་མ་མཐའི་འཚོ་བའི་འགན་སྲུང་ཁྱིམ་ཚང་། དབུལ་ཕོངས་དབང་བོ་སྐྱོན་ཅན་ཁྱིམ་ཚང་དང་གཞན་པའི་དབུལ་ཕོངས་ཁྱིམ་ཚང་གི་ཁང་རྙིང་བསྒྱུར་བཅོས་བྱེད་པའི་ཐད་བཀོལ་རྒྱུ་རེད། །
