ཀྲུང་གོ་བོད་ཀྱི་དྲ་བའི་འཕྲིན།“བདུན་གཅིག”སྔ་རོལ་དུ། མཚོ་སྔོན་ཞིང་ཆེན་ཏང་ཨུའི་ཧྲུའུ་ཅི་ལའོ་ཧུའེ་ཉིན་མགོ་ལོག་ཁུལ་པད་མ་རྫོང་ཧོང་ཅིན་ལུང་བ་རུ་ཕྱིན་ནས་ཡར་ཐང་ཤང་ཏང་ཨུའི་བསྡུས་པའི་ཏང་ཡོན་གསར་བ་ཏང་ནང་དུ་ཞུགས་པའི་དམ་བཅའ་འཇོག་པའི་མཛད་སྒོར་ཞུགས། ལའོ་ཧུའེ་ཉིན་གྱིས་ཏང་ཡོན་གསར་བར་ཏང་གི་རྟགས་མ་བཏགས་ཏེ་ཁོ་ཚོར་རྟེན་འབྲེལ་ཞུས་པ་མ་ཟད། ཏང་ཡོན་གསར་བར། “ཏང་ནང་དུ་ཞུགས་པ་དེས་དཀའ་སྤྱད་འབད་བརྩོན་བྱེད་དགོས་པ་མཚོན་ཡོད་ལ། སྤྱི་ཚོགས་རིང་ལུགས་དང་གུང་ཁྲན་རིང་ལུགས་ཀྱི་ཆེད་འབད་བརྩོན་བྱེད་དགོས། ཏང་ནང་དུ་ཞུགས་པ་དེས་མང་ཚོགས་ཀྱི་ཆེད་དུ་བྱ་བ་སྒྲུབ་ནས་དཀའ་བ་ཁྱད་སེལ་གྱིས་རང་སྲོག་བློས་གཏོང་བའི་སྙིང་སྟོབས་དགོས་པ་མཚོན་ཡོད། ཁྱེད་ཚོ་ཚད་མཐུན་དང་ཕུལ་བྱུང་གི་གུང་ཁྲན་ཏང་ཡོན་ཞིག་ཏུ་འགྱུར་བར་ཡིད་ཆེས་ཡོད”ཅེས་རེ་སྨོན་ཞུས། །
