མདུན་ཤོག- གསར་འགྱུར།- ཡུལ་གྲུའི་གསར་འགྱུར།- མཚོ་སྔོན།

མཚོ་སྔོན་གྱི་ཡང་བའི་བཟོ་ལས་ཐོན་སྐྱེད་མགྱོགས་མྱུར་ངང་གོང་དུ་འཕེལ་ཞིང་སྤྱི་ཟླ5བར་འཕར་བའི་རིན་ཐང་སྒོར་དུང་ཕྱུར85ལེགས་འགྲུབ་བྱས་པ།

རྩོམ་པ་པོ། རྡོ་རྗེ་བསམ་འགྲུབ་ཀྱིས་བསྒྱུར།  ཡོང་ཁུངས། ཀྲུང་གོ་བོད་ཀྱི་དྲ་བ།  2013-06-19 11:58

ཀྲུང་གོ་བོད་ཀྱི་དྲ་བའི་འཕྲིན། མཚོ་སྔོན་ཞིང་ཆེན་བསྡོམས་རྩིས་ཅུའུ་ཡིས་བསྡོམས་རྩིས་ཆ་འཕྲིན་ལས་མངོན་པ་ལྟར་ན། སྤྱི་ཟླ5བར། མཚོ་སྔོན་ཞིང་ཆེན་གྱི་གཞི་ཁྱོན་ཡན་གྱི་བཟོ་ལས་ཀྱིས་འཕར་བའི་རིན་ཐང་སྒོར་དུང་ཕྱུར85ལེགས་འགྲུབ་བྱས་པ་དང་ལོ་སྔོན་མའི་དུས་མཉམ་ལས10.5%འཕར་ཡོད། དེའི་ནང་ཡང་བའི་བཟོ་ལས་ཀྱིས་འཕར་བའི་རིན་ཐང་སྒོར་དུང་ཕྱུར6.82ལེགས་འགྲུབ་བྱས་པ་དང་དུས་མཉམ་ལས25.6%འཕར་ཡོད།

ལས་རིགས་ཐད་ལ་གཞིགས་ན། ཐོན་འབབ་ཡོད་པའི་ཡང་བའི་བཟོ་ལས་ལས་རིགས11ཁྲོད་ལས་རིགས8ལ་འཕེལ་རྒྱས་བྱུང་ལ། འཕར་ཚད72.7%ལ་སླེབས། ན་ནིང་གི་དུས་མཉམ་ལས་འཕར་ཚད་ཅུང་མགྱོགས་པའི་ལས་རིགས་ལ་ཞིང་ཞོར་ཟས་རིགས་ལས་སྣོན་བཟོ་ལས32%འཕར་བ་དང་། ཟས་རིགས་བཟོ་སྐྲུན་ལས་རིགས27.8%འཕར་ཡོད། སྨན་རྫས་བཟོ་སྐྲུན་ལས་རིགས51.2%འཕར་ཞིང་། རིག་སློབ་དང་བཟོ་རྩལ། ལུས་རྩལ་དང་རོལ་རྩེད་མཁོ་རྫས་བཟོ་སྐྲུན་ལས་རིགས20.5%འཕར། འཁལ་འཐག་ལས་རིགས73.6%འཕར་ཡོད་པ་དང་། ལས་རིགས་ལྔ་བོ་འདི་ཡིས་བཟོ་ལས་ཀྱི་འཕར་བའི་རིན་ཐང་སྒོར་དུང་ཕྱུར4.44མངོན་འགྱུར་བྱས་ལ། གཞི་ཁྱོན་ཡན་གྱི་བཟོ་ལས་ཀྱི་འཕར་ཚད་བརྒྱ་ཆའི་ཆ1.6འཕར་བར་སྐུལ་ཁྲིད་བྱས།

ཐོན་རྫས་ཐད་ལ་གཞིགས་ན། ལག་བཟོས་ས་གདན་དང་འགེལ་གདན་ལ་ལྡབ1.3འཕར་བ་དང་། འཕྲུལ་འཐག་ས་གདན་དང་འགེལ་གདན95.3%འཕར་ཞིང་། གྱོན་གོས་ཐོན་རྫས40%དང་འོ་མའི་ཐོན་རྫས10.8%འཕར་བ་དང་། ཤ་རིགས་འཕར་ཚད55.6%ལ་སླེབས། ། 

པར་དབང་གསལ་བསྒྲགས།      ངེད་ཀྱི་སྐོར།      འབྲེལ་གཏུགས་བྱེད་ཚུལ།

གློག་འཕྲིན་ཡིག་སྒམ། tibet3@126.com    ཁ་པར། 0971-8455441

©2006-2013 China Tibetannet Corporation པར་དབང་ངེད་དྲ་བར་དབང་བས་ཆོག་མཆན་མ་ཐོབ་པར་གཞན་གྱིས་རང་དགར་སྤྱོད་མི་ཆོག