ཐེན་ཅིན་གྲོང་ཁྱེར་གྱི་ཧོ་ཞི་ཆུས་འཕྲོད་བསྟེན་བདེ་ཐང་ཨུ་ཡོན་ལྷན་ཁང་གི་ཆེད་མཁས་པ་ཅོ་ནེ་རུ་ཡོང་ནས་སྨན་བཅོས་འཕྲོད་བསྟེན་གྱི་རོགས་སྐྱོར་བྱ་བ་སྤེལ་བ།

ཀྲུང་གོ་བོད་ཀྱི་དྲ་བའི་འཕྲིན། ཉེ་ཆར། ཐེན་ཅིན་གྲོང་ཁྱེར་ཧོ་ཞི་ཆུས་འཕྲོད་བསྟེན་བདེ་ཐང་ཨུ་ཡོན་ལྷན་ཁང་གིས་སྨན་བཅོས་ཆེད་མཁས་པ་སྒྲིག་འཛུགས་བྱས་ཏེ་ཅོ་ནེ་རྫོང་དུ་ཡོང་ནས་ཤར་ནུབ་རྒྱུད་ཀྱི་དབུལ་སྐྱོར་རོགས་ལས་ཀྱི“སྨན་བཅོས་ཞབས་ཞུའི”བྱ་འགུལ་སྤེལ།

ཆེད་མཁས་ཚན་ཆུང་སྔ་རྗེས་སུ་ཅོ་ནེ་རྫོང་མི་དམངས་སྨན་ཁང་གི་ཚན་ཁག་སོ་སོའི་ནང་དུ་བསྐྱོད་དེ་རིག་གཞུང་སྤེལ་རེས་དང་། ནད་ཁང་ཞིབ་བཤེར། འོས་འགན་སྨན་བཅོས་བཅས་ཀྱི་བྱ་འགུལ་སྤེལ་བ་དང་། ཅོ་ནེ་རྫོང་གཏོགས་སྨན་བཅོས་འཕྲོད་བསྟེན་ཚན་ཁག་གི་སྨན་ལས་མི་སྣ་དང་ཤང་གྲོང་ཁག་གི་འཕྲོད་བསྟེན་ཁང་གི་ཡོན་ཀྲང་དང་ལས་སྒོའི་རྐང་འཛིན་པར་ལས་སྒོའི་གསོ་སྦྱོང་སྤེལ།

རིགས་མཐུན་རོགས་སྐྱོར་བྱ་བའི་བཞུགས་མོལ་ཚོགས་འདུའི་ཐོག་ཏུ། ཕྱོགས་གཉིས་ཀྱིས་ཤར་ནུབ་རྒྱུད་ཀྱི་རོགས་ལས་ལ་སྔར་བས་ཤུགས་སྣོན་རྒྱག་པའི་ཞིབ་ཕྲའི་ལས་འགན་ཐད་སྤེལ་རེས་གཏིང་ཟབ་བྱས་པ་དང་འབྲེལ་ཁ་གཏད་རོགས་སྐྱོར་མཉམ་ལས་ཀྱི་གྲོས་མཐུན་ཡི་གེར་མིང་རྟགས་བཀོད།

ཤེས་རྟོགས་བྱུང་བར་གཞིགས་ན། ཧོ་ཞི་ཆུས་འཕྲོད་བསྟེན་བདེ་ཐང་ཨུ་ཡོན་ལྷན་ཁང་དང་ཅོ་ནེ་རྫོང་འཕྲོད་བསྟེན་བདེ་ཐང་ཅུས་ཀྱིས་ཤར་ནུབ་རྒྱུད་ཀྱི་དབུལ་སྐྱོར་རོགས་ལས་གྲོས་མཐུན་ལ་མིང་རྟགས་བཀོད་ཚུན། ཧོ་ཞི་ཆུས་འཕྲོད་བསྟེན་བདེ་ཐང་ཨུ་ཡོན་ལྷན་ཁང་གིས་ཤེས་ལྡན་མི་སྣའི་རོགས་སྐྱོར་དང་། ལག་རྩལ་རྒྱབ་སྐྱོར། སྒྲིག་ཆས་ཞལ་འདེབས། མ་དངུལ་གྱི་རོགས་སྐྱོར་སོགས་ཀྱི་ཐད་ནས་ཅོ་ནེ་རྫོང་གི་འཕྲོད་བསྟེན་བདེ་ཐང་བྱ་གཞག་ལ་ཐུགས་ཁུར་དང་རྒྱབ་སྐྱོར་ཆེན་པོ་གནང་ཡོད། རྫོང་ཡོངས་ཀྱི་མི་དམངས་ཀྱིས་དབུལ་ཐར་མཁྲེགས་གཏོར་དམག་འཐབ་ལ་རྒྱལ་ཁ་ལེན་པའི་ཡིད་ཆེས་དང་ཆོད་སེམས་སྔར་ལས་ཇེ་བརྟན་དུ་བཏང་། ཤར་རྒྱུད་དང་ནུབ་རྒྱུད་ཀྱི་དབུལ་སྐྱོར་རོགས་ལས་བྱས་པ་བརྒྱུད་རྫོང་ཡོངས་ཀྱི་སྨན་བཅོས་ཞབས་ཞུའི་ནུས་པ་སྔར་བས་ལེགས་སུ་ཕྱིན་ཡོད། ལག་རྩལ་གྱི་ཆུ་ཚད་རྒྱུན་ཆད་མེད་པར་མཐོ་རུ་ཕྱིན་པ་དང་ཚན་ཁག་འཛུགས་སྐྱོང་སྔར་བས་ཚད་ལྡན་དུ་གྱུར་བ། ནད་ཐོག་སྨན་བཅོས་ཀྱི་སྨན་བཅོས་ལག་རྩལ་གསར་བ་བཀོལ་སྤྱོད་བྱེད་ཚད་ཟམ་མི་ཆད་པར་མང་དུ་ཕྱིན་ནས་རྒྱ་ཆེའི་རོང་འབྲོག་མང་ཚོགས་ཀྱི་བདེ་ཐང་ཁྱོན་ཡོངས་ནས་འགན་ལེན་བྱས། །   

རྩོམ་སྒྲིག་པ། མཁའ་མཚོ་སྐྱིད།

དཔྱད་མཆན 0 ཡོད།