རྨ་ཆུ་རྫོང་གིས་སྐབས་བཅུ་གཅིག་པའི“ཀྲུང་གོའི་བསྡོམས་རྩིས་སྒོ་འབྱེད་ཉིན་མོ”དང་རྒྱལ་ཡོངས་ཀྱི་མི་འབོར་ཡོངས་བཤེར་ཐེངས་བདུན་པའི་དྲིལ་བསྒྲགས་ཟླ་བའི་འགོ་ཚུགས་མཛད་སྒོ་སྤེལ་བ།

ཀྲུང་གོ་བོད་ཀྱི་དྲ་བའི་འཕྲིན། ཟླ9ཚེས21ཉིན་རྨ་ཆུ་རྫོང་གི་སྐབས་བཅུ་གཅིག་པའི“ཀྲུང་གོའི་བསྡོམས་རྩིས་སྒོ་འབྱེད་ཉིན་མོ”དང་རྒྱལ་ཡོངས་ཀྱི་མི་འབོར་ཡོངས་བཤེར་ཐེངས་བདུན་པའི་དྲིལ་བསྒྲགས་ཟླ་བའི་འགོ་ཚུགས་མཛད་སྒོ་རྫོང་གེ་སར་རིག་གནས་ཐང་ཆེན་དུ་སྤེལ།

སྐབས་བཅུ་གཅིག་པའི“ཀྲུང་གོའི་བསྡོམས་རྩིས་སྒོ་འབྱེད་ཉིན་མོ”དང་རྒྱལ་ཡོངས་ཀྱི་མི་འབོར་ཡོངས་བཤེར་དྲིལ་བསྒྲགས་ཟླ་བའི་འགོ་ཚུགས་མཛད་སྒོ་སྤེལ་བའི་དམིགས་ཡུལ་ནི་བསྡོམས་རྩིས་བྱ་བ་སྔར་ལས་ལྷག་པར་གསལ་ཆ་ཐོན་པར་བྱས་ཏེ། སྤྱི་ཚོགས་ལས་རིགས་ཁག་བསྡོམས་རྩིས་བྱ་བའི་ནང་ཞུགས་པ་དང་། བསྡོམས་རྩིས་ལ་རྒྱུས་ལོན་བྱེད་པ། བསྡོམས་རྩིས་ལ་རྒྱབ་སྐྱོར་བྱེད་པའི་དུས་མཚུངས་སུ། སྤྱི་ཚོགས་ལས་རིགས་ཁག་ལ་རྒྱལ་ཡོངས་ཀྱི་མི་འབོར་ཡོངས་བཤེར་ཐེངས་བདུན་པ་ངོ་སྤྲོད་དང་དྲིལ་བསྒྲགས་བྱས་ཏེ། མང་ཚོགས་སྐུལ་སློང་དང་མང་ཚོགས་ལ་རྒྱབ་རྟེན་བཅོལ་ནས་རྒྱལ་ཡོངས་ཀྱི་མི་འབོར་ཡོངས་བཤེར་ཐེངས་བདུན་པའི་བྱ་བ་ལེགས་པར་སྒྲུབ་ཐུབ་པ་བྱ་རྒྱུ་དེ་ཡིན།     

རྒྱལ་ཡོངས་ཀྱི་མི་འབོར་ཡོངས་བཤེར་ཐེངས་བདུན་པ་སྤེལ་བ་ནི་རང་རྒྱལ་གྱི་མི་འབོར་གྱི་གནས་ཚུལ་གསལ་རྟོགས་བྱེད་པའི་བྱ་ཐབས་གལ་ཆེན་ཞིག་ཡིན། ཐེངས་འདིའི་ཡོངས་བཤེར་དེ་ཡོངས་བཤེར་བ་ཁྱིམ་ཚང་དུ་བསྐྱོད་ནས་ཐོ་འགོད་བྱེད་པའམ་ཡང་ན་སྐད་འཕྲིན་གྱི་བྱ་རིམ་ཆུང་ངུ་བརྒྱུད་དེ་རང་འགུལ་གྱིས་རེའུ་མིག་བཀོད་དེ་ཐོ་འགོད་བྱེད་སྟངས་སྤྱོད། ཡོངས་བཤེར་བྱ་བ 2020ལོའི་ཟླ11པའི་ཚེས1ཉིན་གྱི་ཐོ་རེངས་ནས་དངོས་སུ་སྤེལ་འགོ་བརྩམ་རྒྱུ་ཡིན་པ་དང་། གཙོ་བོ་མི་འབོར་དང་ཁྱིམ་ཚང་གི་གཞི་རྩའི་གནས་ཚུལ་ལ་བརྟག་དཔྱད་བྱ་རྒྱུ་དེ་ཡིན། དེའི་ནང་དུ་རུས་མིང་དང་། སྤྱི་དམངས་ཀྱི་ཐོབ་ཐང་མཚོན་བྱེད་ཀྱི་ཨང་རྟགས། ཕོ་མོ། ན་ཚོད། མི་རིགས། སློབ་གསོ་མྱོང་ཚད། ལས་རིགས། གནས་སྤོ་འཁོར་སྐྱོད། གཉེན་སྒྲིག་བུ་བཙའ། ཚེ་འདས། སྡོད་ཁང་སོགས་ཀྱི་གནས་ཚུལ་ཚུད་ཡོད།    

རྒྱུས་ལོན་བྱུང་བ་ལྟར་ན། ཐེངས་འདིའི་དྲིལ་བསྒྲགས་བྱ་འགུལ་ཁྲོད་འཕྲེད་འགེལ་སྦྱར་ཡིག3བཀལ་བ་དང་འགྲེམས་པང8འགྲེམས་སྟོན་བྱས་ཤིང་། མི་འབོར་ཡོངས་བཤེར་གྱི་དྲིལ་བསྒྲགས་ཤོག་ལྷེ1000ལྷག་དང་། དྲིལ་བསྒྲགས་ཤོག་ཕོར3000ལྷག  གཙང་ཤོག་ཤོག་སྒམ300ལྷག་དང་དྲིལ་བསྒྲགས་པང་ཁེབས300འགྲེམ་གཏོང་བྱས།  །             

རྩོམ་སྒྲིག་པ། མཁའ་མཚོ་སྐྱིད།

དཔྱད་མཆན 0 ཡོད།