ཟླ3པའི་ཚེས8ཉིན་ཀན་སུའུ་རུ་ནང་འདྲེན་ཅན་གྱི་ཏོག་གསར་གློ་ཚད་ཀྱི་ནད་གཞི་གཏན་འཁེལ་བྱས་པའི་ནད་དཔེ་གསར་བ4ཡིས་མང་དུ་ཕྱིན།

ཀྲུང་གོ་བོད་ཀྱི་དྲ་བའི་འཕྲིན། ཟླ3ཚེས8ཉིན་གྱི་ཆུ་ཚོད20བར། ཀན་སུའུ་རང་ས་ནས་ཏོག་གསར་གློ་ཚད་ཀྱི་ནད་རྟགས་གཏན་འཁེལ་བྱས་པའི་ནད་དཔེ་གསར་བ་མ་ཐོན་ལ།     ད་ལྟ་རིམ་བསགས་སྙན་ཞུ་ལས་ཏོག་གསར་གློ་ཚད་ཀྱི་ནད་རྟགས་གཏན་འཁེལ་བྱས་པའི་ནད་པ91ཡོད་ལ།  ཚེ་ལས་འདས་པ2དང་། སྨན་ཁང་ནས་སྒོར་བུད་པའི་ནད་པ87ཡོད། ནད་པ2ད་དུང་སྨན་ཁང་དུ་ལོགས་སུ་བཀར་ནས་སྨན་བཅོས་བྱེད་བཞིན་ཡོད། དེའི་ནང་ལན་ཀྲོའུ་གྲོང་ཁྱེར་དུ་ནད་པ1དང་ཏིན་ཞི་གྲོང་ཁྱེར་དུ་ནད་པ1བཅས་ཡོད།

ཀན་སུའུ་རང་ས་ན་ནད་རྟགས་འདྲ་བའི་ནད་པ་མེད། མིག་སྔར་རིམ་བསགས་ཀྱིས་བརྩིས་ན་ཞིང་ཆེན་ཡོངས་སུ་འབྲེལ་འདྲིས་དམ་ཟབ་བྱས་ཡོད་པའི་མི4337ཡོད་པ་དང་།   སྨན་བཅོས་ཚན་ཁག་གིས་མི4270ལ་ལྟ་ཞིབ་བྱས་ཟིན་པ་དང་མི67ལ་ལྟ་ཞིབ་བྱེད་བཞིན་པའི་སྒང་རེད། 

ཟླ3པའི་ཚེས8ཉིན་ནང་འདྲེན་ཅན་གྱི་ནད་པ4མང་དུ་ཕྱིན།   ད་ལྟ་ཞིང་ཆེན་རིམ་པའི་གནས་གཏན་འཁེལ་གྱི་སྨན་ཁང་དུ་ལོགས་སུ་བཀར་ནས་སྨན་བཅོས་བྱས་པས་ནད་གཞི་བརྟན་པོ་ཡོད། ད་ལྟ་རིམ་བསགས་སྙན་ཞུ་ལས་ཏོག་གསར་གློ་ཚད་ཀྱི་ནང་འདྲེན་ཅན་གྱི་ནད་པ33ཡོད་ལ།  མངའ་ཁོངས་ཕྱི་རོལ་ནས་ཐོན་པའི་ནད་པ་དང་འབྲེལ་བ་དམ་ཟབ་ཡོད་པའི་མི278ཡོད་པ་དང་།   དེ་ལས་མི60ཞིང་ཆེན་རིམ་པའི་གནས་གཏན་འཁེལ་གྱི་སྨན་ཁང་དུ་ཟུར་འཇོག་བྱས་པ་དང་མི218གཅིག་སྡུད་ཟུར་འཇོག་བྱ་ཡུལ་དུ་ལོགས་སུ་བཀར་ནས་གསོ་རིག་ཞིབ་དཔྱད་ཚད་ལེན་དང་ཞིབ་བཤེར་བྱེད་བཞིན་ཡོད། །

རྩོམ་སྒྲིག་པ། ཀླུ་མོ་མཚོ།

དཔྱད་མཆན 0 ཡོད།