ཀྲུང་གོ་བོད་ཀྱི་དྲ་བ།

ཀན་སུའུ་ཡིས་དབུལ་སྐྱོར་ཁྱབ་ཁོངས་ཀྱི་རུལ་སུངས་གནད་དོན་གྱི་དཔེ་མཚོན་གྱོད་དཔེ4བརྡ་ཁྱབ་བཏང་བ།

ཡོང་ཁུངས། : མི་དམངས་ཉིན་རེའི་ཚགས་པར།     སྤེལ་དུས། : 2019-12-10
ཡིག་གཟུགས། :ཆུང་། འབྲིང་། ཆེ།

ཀྲུང་གོ་བོད་ཀྱི་དྲ་བའི་འཕྲིན། ཉེ་ཆར། ཀན་སུའུ་ཞིང་ཆེན་སྒྲིག་ཨུད་ལྟ་ཞིབ་ཨུ་ལྷན་གྱིས་དབུལ་སྐྱོར་ཁྱབ་ཁོངས་ཀྱི་རུལ་སུངས་གནད་དོན་གྱི་དཔེ་མཚོན་གྱི་གྱོད་དཔེ4བརྡ་ཁྱབ་བཏང་བ་དེ་དག་གནད་སྨིན་དབུལ་སྐྱོར་གྱི་ཆེད་དོན་དངུལ་བུན་སྒེར་སྤྱོད་བྱས་པ་དང་། དབུལ་སྐྱོར་མ་དངུལ་བཙན་ཉར་བྱས་པ། དབུལ་སྐྱོར་ལས་གྲྭའི་མ་དངུལ་ཧམ་ཟ་བྱས་པ་སོགས་ཀྱི་གནད་དོན་དང་འབྲེལ་བ་ཡོད་པ་དང་། གནས་ཚུལ་དེ་དང་འབྲེལ་བ་ཡོད་པའི་ལས་བྱེད་པ་ཚང་མར་ཏང་གི་སྒྲིག་ཁྲིམས་ཀྱི་ཆད་པ་བཅད་པ། ཉེས་གསོག་དོགས་པ་ཡོད་པའི་གནད་དོན་ཁྲིམས་འཛིན་ལས་ཁུངས་ལ་ཁྲིམས་བཞིན་ཐག་གཅོད་བྱ་རྒྱུར་རྩིས་སྤྲད་པ་བཅས་རེད།

དཔེ་མཚོན་གྱི་གྱོད་དཔེ4ནི་ཏིང་ཤིས་གྲོང་ཁྱེར་ལུང་ཤིས་རྫོང་ཧྲོའུ་དབྱང་གྲོང་རྡལ་གྱི་དེ་སྔའི་ཀྲེན་ཀྲང་གཞོན་པ་ཧྲི་ཅིན་ཧྥུང་གིས་གནད་སྨིན་དབུལ་སྐྱོར་གྱི་ཆེད་དོན་དངུལ་བུན་གཞན་སྤྱོད་བྱས་པའི་གནད་དོན། ཧྲི་ཅིན་ཧྥུང་ལ་ཏང་གི་སྐྱིད་སྡུག་དང་གཞུང་གི་ལས་གནས་ནས་ཕྱིར་འབུད་བྱེད་པའི་ཆད་པ་བཅད་པ་དང་། གཞུང་དངུལ་སྒེར་སྤྱོད་ཀྱི་ནག་ཉེས་བསགས་པས་དུས་བཀག་བཙོན་འཇུག་ལོ་གཉིས་དང་ཁྲིམས་ཆད་འགྱངས་གཅོད་ལོ་གསུམ་བྱས་པ་དང་།

ཀན་ལྷོ་བོད་རིགས་རང་སྐྱོང་ཁུལ་ཀླུ་ཆུ་རྫོང་བླ་རི་མགུལ་ཤང་མ་རུ་གྲོང་ཚོའི་ཏང་ཀྲི་པུའི་དེ་སྔའི་ཧྲུའུ་ཅི་ལྷ་མོ་དོན་གྲུབ་དང་གྲོང་ཚོ་ཨུ་ལྷན་གྱི་དེ་སྔའི་ཀྲུའུ་རེན་གཞོན་པ་བཀྲ་ཤིས་དོན་གྲུབ་ཀྱིས་དབུལ་སྐྱོར་མ་དངུལ་བཙན་ཉར་གཞན་སྤྱོད་བྱས་པ་སོགས་ཀྱི་གནད་དོན། མི་གཉིས་ལ་ཏང་གི་སྐྱིད་སྡུག་ལས་ཕྱིར་འབུད་བྱས་པའི་ཆད་པ་བཅད་པ་དང་སྒྲིག་ཁྲིམས་དང་འགལ་བའི་མ་དངུལ་ཚང་མ་ཚུར་བླངས་ཡོད་པ་དང་ཉེས་གསོག་དོགས་པ་ཡོད་པའི་གནད་དོན་ཁྲིམས་འཛིན་ལས་ཁུངས་ལ་ཐག་གཅོད་བྱ་རྒྱུར་རྩིས་སྤྲད་པ།

ལུང་ནན་གྲོང་ཁྱེར་ཁང་རྫོང་ཝང་པ་གྲོང་རྡལ་ཧོ་ཅ་ཀྲོང་གྲོང་ཚོའི་ཏང་ཀྲི་པུའི་དེ་སྔའི་ཧྲུའུ་ཅི་ཧོ་ཀྲེང་ཧྲན་གྱིས་དབུལ་སྐྱོར་རོགས་རེས་ཀྱི་དངུལ་བུན་གཡོ་ལེན་བྱས་པའི་གནད་དོན། ཧོ་ཀྲེང་ཧྲན་ལ་ཏང་ནང་ལོ་གཉིས་བཞག་ནས་ལྟ་ཞིབ་བྱ་རྒྱུའི་ཆད་པ་བཅད་པ།

ཕིང་ལེང་གྲོང་ཁྱེར་ཁུང་ཏུང་ཆུས་སོའུ་ལོའུ་ཤང་ཧུའུ་ཝ་གྲོང་ཚོའི་ཏང་ཀྲི་པུའི་དེ་སྔའི་ཧྲུའུ་ཅི་ཀྲང་ཧུའུ་ཁྲེང་གིས་ཡུལ་གཞན་དུ་དབུལ་སྐྱོར་གནས་སྤོའི་ལས་གྲྭའི་མ་དངུལ་ཧམ་ཟ་དང་གཞན་སྤྱོད་བྱས་པའི་གནད་དོན། ཀྲང་ཧུའུ་ཁྲེང་ཏང་གི་སྐྱིད་སྡུག་ནས་ཕྱིར་འབུད་བཏང་བ་དང་ཉེས་གསོག་དོགས་པ་ཡོད་པའི་གནད་དོན་ཁྲིམས་འཛིན་ལས་ཁུངས་ལ་ཐག་གཅོད་བྱ་རྒྱུར་རྩིས་སྤྲད་པ་བཅས་རེད།

ཀྲུང་དབྱང་གིས་དབུལ་སྒྲོལ་འགག་སྒྲོལ་གྱི་དམག་འཐབ་ལ་རྒྱལ་ཁ་ལེན་རྒྱུའི་ཐབས་ཇུས་བཀོད་སྒྲིག་གལ་ཆེན་བྱས་པ་ནས་བཟུང་། 2019ལོའི་ཟླ11པར་ཀན་སུའུ་ཞིང་ཆེན་རིམ་ཁག་སྒྲིག་བཤེར་ལྟ་ཞིབ་ལས་ཁུངས་ཀྱིས་ཁྱོན་དབུལ་སྐྱོར་ཁྱབ་ཁོངས་ཀྱི་རུལ་སུངས་གནད་དོན7307ཞིབ་བཤེར་ཐག་གཅོད་བྱས་པར་མི་གྲངས14439ལ་ཐག་གཅོད་བྱས་པའི་ནང་ཁྲིམས་འཛིན་ལས་ཁུངས་ལ་མི319རྩིས་སྤྲད་པ་རེད། །

རྩོམ་སྒྲིག་པ། : ཀླུ་མོ་མཚོ།