ཀྲུང་གོ་བོད་ཀྱི་དྲ་བ།

ཀན་ལྷོ་ཁུལ་གྱི་ཞིང་གསུམ་ཐོན་ལས་ལ་ནུས་ལྡན་གྱི་རྒྱབ་རྟེན་ཡོད་པར་གྱུར་པ།

ཡོང་ཁུངས། : ཀན་ལྷོའི་གསར་འགྱུར།     སྤེལ་དུས། : 2019-08-12
ཡིག་གཟུགས། :ཆུང་། འབྲིང་། ཆེ།

ཀྲུང་གོ་བོད་ཀྱི་དྲ་བའི་འཕྲིན། ཉེ་ཆར། ཀན་ལྷོ་བོད་རིགས་རང་སྐྱོང་ཁུལ་གྱི་ཞིང་གསུམ་ཐོན་ལས་གོང་འཕེལ་ཞིབ་འཇུག་ཁང་བཙུགས་པའི་མཛད་སྒོ་གཙོས་གྲོང་ཁྱེར་དུ་གཟབ་རྒྱས་ངང་སྤེལ། 

རྒྱུས་ལོན་བྱུང་བ་ལྟར་ན། ཞིབ་འཇུག་ཁང་འདི་ནི་ཞིང་གསུམ་དང་དངུལ་རྩ། དྲ་སྦྲེལ་སོགས་ཀྱི་ཐད་དུ་ཆེད་མཁས་པས་རྟོག་ཞིབ་གང་ལེགས་བྱས་པའི་རྨང་གཞིའི་ཐོག་ཏུ་བཙུགས་པའི་ཀན་ལྷོ་ཁུལ་གྱི“ཞིང་གསུམ་ཐོན་ལས”ཀྱིས་གཙོ་ཁྲིད་བྱེད་པའི་དམངས་ཁྲོད་ཀྱི་ཞིབ་འཇུག་ལས་ཁུངས་ཤིག་ཡིན། ལས་ཁུངས་བཙུགས་པའི་མཛད་སྒོའི་སྟེང་དུ་ཞིབ་འཇུག་ཁང་གི་འགན་ཁུར་བས་བཤད་རྒྱུར། ཞིབ་འཇུག་ཁང་གིས“ཞིང་གསུམ”བྱ་བའི་དོན་སྙིང་གལ་ཆེན་ལ་གོ་བ་གཏིང་ཟབ་ཏུ་བླངས་ནས་ཉམས་མྱོང་བརྗེ་རེས་དང་དཀའ་ངལ་སེལ་བ། ཐུན་མོང་གི་ངོས་ཟིན་མཐོ་རུ་གཏོང་བ། ཁ་ཕྱོགས་གསལ་བོ་བྱས་ནས། དེ་བས་བཟང་བའི་སྒོ་ནས་རང་ཁུལ་གྱི་ཞིང་སྡེ་དར་སྤེལ་གཏོང་བའི་བྱ་བར་རྨང་གཞི་བཏིང་སྟེ་བརྟན་པོའི་ངང་གོང་དུ་འཕར་བར་སྐུལ་འདེད་གཏོང་དགོས།

རྒྱུས་ལོན་བྱུང་བ་ལྟར་ན། སྔར་ལས་ལྷག་པར་དུ་རང་ཁུལ་གྱི་ཞིང་གསུམ་གོང་འཕེལ་གྱི་གཞི་ཁྱོན་ཇེ་ཆེར་གཏོང་ཆེད། ཞིང་གསུམ་ཐོན་ལས་ཀྱི་གོང་འཕེལ་རྒྱུན་ཐག་རིང་དུ་བཏང་བ་དང་། ཐོན་ལས་ཀྱི་རིན་ཐང་རྒྱུན་ཐག་རིང་དུ་བཏང་ནས། ཐོན་ལས་གསར་བ་དང་སྐྱེ་ཁམས་གསར་བ་རྣམ་པ་གསར་བ་བཅས་གསོ་སྤེལ་བྱས་ཏེ། ཞིང་ལས་ཀྱི་འགྲན་རྩོད་ནུས་པ་མཐོར་འདེགས་སུ་བཏང་ཞིང་ཞིང་སྡེའི་གསོན་ཤུགས་གསར་བར་ཤུགས་བསྣན་ནས་ཞིང་སྡེའི་མཁོ་འདོན་ཕྱོགས་གྲུབ་ཚུལ་རང་བཞིན་གྱི་བཅོས་སྒྱུར་གཏིང་ཟབ་ཏུ་བཏང་ནས། དབུལ་སྐྱོར་མཁྲེགས་གཏོར་གྱི་རྒྱལ་ཁ་མཐའ་གཅིག་ཏུ་བླངས་ནས་ཞིང་སྡེ་དར་སྤེལ་གྱི་འཐབ་ཇུས་ལ་ནུས་ལྡན་གྱི་འདེགས་སྐྱོར་ནུས་པ་འདོན་སྤྲོད་བྱས། 

ཀན་ལྷོ་ཁུལ་གྱི་ཞིང་གསུམ་ཐོན་ལས་གོང་འཕེལ་ཞིབ་འཇུག་ཁང་བཙུགས་རྗེས་ཕྱོགས་ཡོངས་ནས 2019ལོའི་ཀྲུང་དབྱང་གི་ཡིག་ཆ་ཨང་དང་བོའི“ཞིང་གསུམ”བྱ་བ་ལག་བསྟར་ལེགས་པོ་བྱས་པའི་སྐོར་གྱི་བླང་བྱ་ཕྱོགས་ཡོངས་ནས་ལག་བསྟར་བྱས་ཤིང་། “ཞིང་སྡེ་དར་རྒྱས་གཏོང་བར་དམིགས་ནས། ཞིང་གསུམ་གོང་འཕེལ་ལ་སྐུལ་འདེད་གཏོང་བ”འགན་འཁྲི་རུ་བརྩིས་ནས“ཞིང་ལས་སྟོབས་ལྡན་དུ་གཏོང་བ་གསར་གཏོད་དང་ཞིང་ཕན་ལ་མཐུན་སྦྱོར་བྱས་ནས། ལྗང་མདོག་གི་ཞིང་ལས་དར་རྒྱས་སུ་གཏོང་བ་དང་སྒོ་འབྱེད་ཀྱིས་ཞིང་ལས་ལ་རོགས་སྐྱོར་བྱེད་པ། མཉམ་སྤྱོད་ཀྱིས་ཞིང་བ་ཕྱུག་པོར་གཏོང་བའི”གོང་འཕེལ་གྱི་འདུ་ཤེས་དར་སྤེལ་གཏོང་དགོས་ཞེས་ཞིབ་འཇུག་ཁང་གི་འགན་ཁུར་བས་བཤད། ། 

རྩོམ་སྒྲིག་པ། : ཀླུ་མོ་མཚོ།