ཀྲུང་གོ་བོད་ཀྱི་དྲ་བའི་འཕྲིན། ནག་སེལ་གཤེད་བཅོམ་བྱ་བའི་ཆེད་དོན་འཐབ་རྩོད་བྱ་འགུལ་གཏིང་ཟབ་ཏུ་སྤེལ་བར་སྐུལ་འདེད་གཏོང་ཆེད། ཀན་ལྷོ་བོད་རིགས་རང་སྐྱོང་ཁུལ་རྨ་ཆུ་རྫོང་ཨུའི་ལས་བྱེད་པ་རྒན་པས་དྲིལ་བསྒྲགས་བྱེད་སྟངས་གཙིགས་སུ་འཛིན་པ་དང་དྲིལ་བསྒྲགས་ཐབས་ལམ་རྒྱ་བསྐྱེད་བཏང་བ། དྲིལ་བསྒྲགས་ཁོར་ཡུག་ལེགས་པོ་བསྐྲུན་ནས། ལས་བྱེད་པ་རྒན་པ་རྣམས་ནག་སེལ་གཤེད་བཅོམ་གྱི་ཆེད་དོན་འཐབ་རྩོད་ནང་ཞུགས་པར་ཁོར་ཡུག་ལེགས་པོ་བསྐྲུན།
རྫོང་འདིས་བྱ་བྱེད་མི་སྣ་རྩ་འཛུགས་བྱས་ཏེ་ལས་བྲལ་དང་ལས་འཁྱུར་ངལ་གསོ་བར་རྫོང་ཡོངས་ཀྱི་ཏང་ཡོན་ལས་བྱེད་པར་བཏང་བའི་འཕྲིན་ཡིག་གཅིག་པར་དུ་བཀྲམ་ནས། དྲིལ་བསྒྲགས་ཕན་འབྲས་ཆེ་རུ་བཏང་ཞིང་དྲིལ་བསྒྲགས་ཟིལ་ཤུགས་རྒྱ་ཆེར་བཏང་བ་དང་། ལས་བྱེད་པ་རྒན་པ་རྣམས་ཀྱི་ཤེས་རྟོགས་བྱེད་ཚད་མཐོར་འདེགས་བཏང་ནས། ནག་སེལ་གཤེད་བཅོམ་གྱི་ཆེད་དོན་འཐབ་རྩོད་དམངས་སེམས་སུ་ཟུག་ཏུ་བཅུག་པ་དང་། རྩ་འཛུགས་བྱ་བྱེད་པའི་འཕྲིན་ཕྲན་སྟེགས་བུ་དང་རྨ་ཆུ་རྫོང་བརྙན་འཕྲིན་ཁང་སོགས་སྨྱན་སྦྱོར་ཐབས་ལམ་བེད་སྤྱོད་གང་ལེགས་བྱས་ཏེ་ནག་སེལ་གཤེད་བཅོམ་གྱི་ཆེད་དོན་འཐབ་རྩོད་ཀྱི་དྲིལ་བསྒྲགས་བྱ་འགུལ་སྤེལ། ལས་འཁྱུར་ཏང་ཡོན་རྒན་པ་རྣམས་སྣེ་ཁྲིད་དེ་ཁྱིམ་ཚང་རེ་རེར་ཞུགས་པའི་རྣམ་པས་དྲིལ་བསྒྲགས་བྱས་ཤིང་། གྲོང་མིར་ནག་ཚོགས་སྟོབས་ཤུགས་ལ་རྡུང་རྡེག་གཏོང་བའི་འབྲེལ་ཡོད་བཅའ་ཁྲིམས་ཀྱི་རྒྱུན་ཤེས་དྲིལ་བསྒྲགས་བྱས་ནས། སྡོད་དམངས་མང་ཚོགས་ཀྱིས་བཅའ་ཁྲིམས་དང་ཁྲིམས་སྲོལ་ལ་བརྩི་སྲུང་བྱེད་པར་སྐུལ་འདེབས་དང་ཁྲིད་སྟོན་བྱས། དཔྱད་གཞིའི་ཡིག་ཆ་སྒོ་ཁར་སྐྱེལ་བའི་བྱེད་ཐབས་སྤྱད་དེ་ནག་སེལ་གཤེད་བཅོམ་གྱི་དམིགས་ཡུལ་དང་དོན་སྙིང་། བྱ་ཐབས་བྱེད་སྟངས་དྲིལ་བསྒྲགས་བྱས། དྲིལ་བསྒྲགས་དཔྱད་གཞིའི་ཡིག་ཆ་ལས་བྱེད་པ་རྒན་པ་རེ་རེའི་ལག་ཏུ་འབྱོར་བར་བྱས་པས། ནུས་ལྡན་གྱི་སྒོ་ནས་ལས་བྱེད་པ་རྒན་པ་རྣམས་ཀྱི་ཤེས་རྟོགས་བྱེད་ཚད་དང་ཞུགས་ཚད་མཐོར་འདེགས་སུ་བཏང་བས། དྲིལ་བསྒྲགས་བྱ་བར་གྲུབ་འབྲས་མངོན་གསལ་ཐོན།།