ཀྲུང་གོ་བོད་ཀྱི་དྲ་བ།

རྨ་ཆུ་རྫོང་གིས་ཏང་འཛུགས་ལ་ཤུགས་བསྣན་ནས་དབུལ་སྐྱོར་མཁྲེགས་གཏོར་བྱ་བར་སྐུལ་འདེད་བཏང་བ།

ཡོང་ཁུངས། : མདོ་ལྷོ་དྲ་བ།     སྤེལ་དུས། : 2019-03-07
ཡིག་གཟུགས། :ཆུང་། འབྲིང་། ཆེ།

ཀྲུང་གོ་བོད་ཀྱི་དྲ་བའི་འཕྲིན། མཚོ་ངོས་ལས་མཐོ་ཚད་སྨི3600ཡོད་པའི་རྨ་ཆུའི་མཐོ་སྒང་དུ། གུང་ཁྲན་ཏང་ཡོན་རེ་རེ་ནི་སྔོན་ཐོན་དང་མིག་དཔེ་ཡི་དར་ཆ་རེ་རེ་ཡིན། གཞི་རིམ་གྱི་ཏང་རྩ་འཛུགས་རེ་རེ་ནི་དབུལ་ཕོངས་ལ་རྒྱལ་ཁ་ཕུ་ཐག་གཅོད་པའི“བཙན་རྫོང”རེ་རེ་ཡིན། དམངས་ཕྱུག་ཐོན་ལས་རེ་རེ་ནི་ཕྱུག་འགྱུར་ཕྱོགས་སུ་བསྐྱོད་པའི་ལམ་ཆེན་རེ་རེ་ཡིན།

ཏང་ཡོན་རེ་རེ་ནི་དར་ཆ་རེ་རེ་ཡིན། འཇམ་དབྱངས་ཚེ་བརྟན་གྱིས2016ལོ་ནས་སྟོང་དཔོན་སྡེ་བ་འགན་ལེན་བྱས་པ་ནས་བཟུང་། ཁོས་ནམ་ཡང་སྡེ་བའི་ནང་གི་དབུལ་ཕོངས་ཁྱིམ་ཚང་རྣམས་འཚོ་བ་གསར་བ་ཇི་ལྟར་རོལ་ཐུབ་པར་བསམ་བློ་གཏོང་དགོས་པར་གྱུར།

འཚོ་བའི་དགོས་མཁོའི་དབང་གིས་རྩྭ་ཐང་སྟེང་གི་ཕོ་མོ་རྒན་གཞོན་སུ་ཡིན་ཡང་སྦྲ་གུར་བཟོ་ཤེས་པ་དང་། ཡང་ན་འཚོ་བའི་ཆུ་ཚད་ཇེ་མཐོར་སོང་བ་དང་བསྟུན་ནས་གུང་སེང་དང་དུས་ཆེན་སྐབས་སུ་མི་རྣམས་ཕྱི་རོལ་ཏུ་སྤྲོ་སེང་ལ་འགྲོ་སྐབས་སྦྲ་གུར་བཀོལ་མཁན་ཇེ་མང་དུ་ཕྱིན། འཇམ་དབྱངས་ཚེ་བརྟན་གྱིས་གནས་ཚུལ་འདིར་དམིགས་ནས་སྟོང་དཔོན་སྡེ་བ་ནས་སྦྲ་གུར་ལས་སྣོན་རིག་གནས་ཐོན་ལས་རྒྱས་སྐྲུན་བྱ་དགོས་པར་སེམས་ཐག་བཅད།

བྱ་བ་གང་ཞིག་ཡིན་ཡང་འགོ་རྩོམ་དཀའ་བས། དང་ཐོག་དབུལ་ཕོངས་ཁྱིམ་ཚང་དག་ལས་དེར་བརྩོན་སེམས་དང་ཞུགས་འདོད་མེད་པས། ཁོས་ཁྱིམ་ཚང་རེ་རེ་བཞིན་བསམ་བློའི་སློབ་གསོ་ཐེངས་མང་བཏང་མཐར་སྡེ་བ་ཡོངས་ཀྱི་ཡིག་ཚགས་བསྐྲུན་ནས་བྱང་བུ་བཟོས་པའི་ཁྱིམ་ཚང11དང་མ་མཐའི་འཚོ་རྟེན་འགན་སྲུང་ཅན་གྱི་ཁྱིམ་ཚང12ཡོད་པ་ཚང་མ“བསོད་ནམས་ཡར་འགྲོ་འཚེམ་བཟོ་ཆེད་ལས་མཉམ་ལས་ཁང”དུ་ཞུགསསུ་བཅུག  དེང་སྐབས། རིམ་པ་སོ་སོའི་རོགས་སྐྱོར་ལས་བྱེད་པའི་རོགས་སྐྱོར་འོག སྟོང་དཔོན་སྡེ་བའི་སྡེ་བ་ཐུན་མོང་གི་དཔལ་འབྱོར་ཧ་ཅང་དར་བ་དང་མིང་གྲགས་ཡོད་པའི་འབྱོར་ཕྱུག་སྡེ་བ་རུ་གྱུར་ཡོད། ཡིག་ཚགས་བསྐྲུན་ནས་བྱང་བུ་བཟོས་པའི་དབུལ་ཕོངས་ཁྱིམ་ཚང་དང་ཐོག་གི་ཁྱིམ་ཚང30ཡོད་པ་ལས་ད་ལྟ་ཁྱིམ་ཚང1ལས་མེད། 

ད་དུང་མང་ཚོགས་དབུལ་ཐར་ཕྱུག་འགྱུར་གྱི་སྣེ་ཁྲིད་བྱེད་པའི་དཔུང་ཁག་ཁྲོད་དུ་དབུལ་ཕོངས་མང་ཚོགས་དབུལ་ཐར་ཕྱུག་འགྱུར་ཡོང་བར་འབད་བརྩོན་བྱ་རྒྱུ་དེ་མི་ཚེ་འདིའི་དམིགས་འབེན་དུ་འཛིན་པའི་ཏང་ཡོན་འཇོན་ཐང་ཅན་ཞིག་ཡོད། ཁོ་ནི་ཞིང་ཆེན་ཡོངས་ཀྱི་སྐབས་ལྔ་བའི་ཀུན་སྤྱོད་དཔེ་ལེགས་ཅན་དེ་རྨ་ཆུ་རྫོང་དབལ་བན་ཚང་ཤང་མདོ་སྐྱ་སྡེ་བའི་ཏང་ཡོན་འབྲོག་པ་ཐུབ་ཁོ་རེད། ཁོས་ལོ15ཡི་རིང་ལ་དབུལ་ཕོངས་མང་ཚོགས་ལ་རྟ་ནོར་ལུག་གསུམ་དང་སྒོར་མོ་སོགས་རིམ་བསགས་ཀྱིས་བརྩིས་ན་དབུལ་ཕོངས་ཁྱིམ་ཚང100ལྷག་ལ་རོགས་སྐྱོར་མ་དངུལ་སྒོར་ཁྲི200ལྷག་བྱིན་པ་རེད། 2011ལོར། རིམ་པ་སོ་སོའི་ཏང་ཨུའི་རྒྱབ་སྐྱོར་འོག ཁོས་རྨ་ཆུ་རྫོང་དཔལ་བན་ཚན་ཤང་ཐུབ་ཁོ་ནོར་གནག་གསོ་སྤེལ་ཆེད་ལས་མཉམ་ལས་ཁང་བཙུགས་པ་དང་དབུལ་ཕོངས་ཁྱིམ་ཚང13མཉམ་ལས་ཁང་དུ་བཞག་པ་དང་ཁྱིམ་ཚང་རེའི་ལོ་རེའི་ཡོང་སྒོ་སྒོར3000ཇེ་མང་དུ་བཏང་།།                                                             

རྩོམ་སྒྲིག་པ། : ཀླུ་མོ་མཚོ།