ཀྲུང་གོ་བོད་ཀྱི་དྲ་བ།

​ཀན་ལྷོ་ཁུལ་གྱི་འབྲོག་ལས་འཕེལ་རྒྱས་དང་འབྲོག་པ་ཕྱུག་འགྱུར་གྱི་ཡིད་ཆེས་དེ་བས་ཆེ་རུ་ཕྱིན་པ།

ཡོང་ཁུངས། : ཀྲུང་གོ་བོད་ཀྱི་དྲ་བ།     སྤེལ་དུས། : 2019-01-21
ཡིག་གཟུགས། :ཆུང་། འབྲིང་། ཆེ།

ཀྲུང་གོ་བོད་ཀྱི་དྲ་བའི་འཕྲིན། ཀན་སུའུ་ཞིང་ཆེན་ཀན་ལྷོ་བོད་རིགས་རང་སྐྱོང་ཁུལ་གཙོས་གྲོང་ཁྱེར་མཛོད་དགེ་སྟོད་མ་ཤང་ཤིན་སི་གྲོང་ཚོའི་ལོ58ལ་སླེབས་པའི་བོད་རིགས་བུད་མེད་གུ་རུ་མཚོས་ཁང་པའི་ཉི་གཡབ་འོག་དགུན་ཁའི་ཉི་མ་སྲོ་བཞིན་འདུག

“ཟས་རིགས་སྣ་ཁ་མང་ལ་གྱོན་གོས་གཙང་བ་མ་ཟད་ཁྱིམ་དུ་དྲོད་རླངས་ཀྱང་ཡོད”ཅེས་གུ་རུ་མཚོས་ཁྱིམ་གྱི་སྒྲོག་ཙེའི་སྟེང་དུ་ཤིང་འབྲས་སོས་པ་སྣ་ཚོགས་དང་བཟོས་མ་ཐག་པའི་ཁ་ཟས་སོགས་བསྒྲིགས་ཡོད།

“དེ་སྔ་སྐྱས་སྤོའི་འཚོ་བ་སྐྱེལ་སྐབས། དགུན་དུས་གྲང་ངར་ཆེ་ལ་དབྱར་དུས་ཆར་ཆུའི་ཁྲོད་དུ་སྡོད་དགོས་ཀྱི་ཡོད་པས་གཟུགས་པོ་ཚང་མ་འདམ་པས་ཁེངས་ཀྱི་ཡོད”ཉེ་བའི་ལོ་ཤས་རིང་། ཀན་ལྷོ་ཁུལ་གྱིས་རྩྭ་ཐང་སྲུང་སྐྱོང་བྱེད་ཤུགས་ཆེ་རུ་བཏང་བས་ཤིན་སི་གྲོང་ཚོའི་འབྲོག་པས་ཕྱུགས་རིགས་འཚོ་ཡི་མེད། གུ་རུ་མཚོའི་ཁྱིམ་ཡང་གཏན་སྡོད་ཐུབ་པ་དང་རྒྱལ་ཁབ་ཀྱིས་སྤྲད་པའི་རྩྭ་བཀག་ཁ་གསབ་སྒོར་ཁྲི2ལེན་རྒྱུ་བྱུང་བ་དང་། རྩྭ་ཐང་གི་ཞིང་འབྲོག་ཁེ་ལས་ཤིག་གི་མ་རྐང་ནང་ཞུགས་པས་ལོ་གཅིག་ནང་བགོ་བཤའ་སྒོར800ལེན་རྒྱུ་ཡོད་པ། གྲོང་ཚོས་མཉམ་དུ་བསྐྲུན་པའི་ཉི་འོད་ནུས་པའི་གློག་ཁང་ནས་ལོ་གཅིག་ལ་བགོ་བཤའ་སྒོར3000ཡོད་པ་རེད།

ཀན་ལྷོ་བོད་རིགས་རང་སྐྱོང་ཁུལ་ནི་མཚོ་བོད་ས་མཐོའི་བྱང་ཤར་མཚམས་སུ་གནས་ཤིང་། རྨ་ཆུ་དང་འབྲི་ཆུའི་ཆུ་འགོ་དང་རྒྱལ་ཁབ་ཀྱི་གཙོ་གནད་སྣོད་བཅུད་བདེ་འཇགས་སྲུང་ཡོལ་ཞིག་ཡིན་པས། ཆ་ཚང་རྒྱལ་ཁབ་ཀྱི་སྣོད་བཅུད་ནུས་པའི་ཁུལ་དུ་བཅུག་སྟེ་རྒྱལ་ཁབ་ཀྱི་སྣོད་བཅུད་ཤེས་དཔལ་སྔོན་ལ་ལག་བསྟར་བྱ་ཁུལ་དང་རྒྱལ་ཁབ་ཀྱི་ས་ཁོངས་ཧྲིལ་པོའི་ཡུལ་སྐོར་དཔེ་སྟོན་ཁུལ་ཐོག་མ་དེ་ཡིན། ཡིན་ནའང་ས་བབ་དང་ལྗོངས་བབ་སོགས་ཕྱོགས་བསྡུས་རྒྱུ་རྐྱེན་གྱི་ཚོད་འཛིན་ཕོག་པས་ཀན་ལྷོ་སྔར་བཞིན་འཕེལ་རྒྱས་འགྲོ་འགོར་བའི་ཁུལ་དང་། སྣོད་བཅུད་ཉམས་ཞན་ཁུལ། གནོད་འཚེ་མང་བའི་ཁུལ། ཤིན་ཏུ་དབུལ་བའི་ཁུལ། བརྟན་ལྷིང་ཐད་འཚུབ་ཆ་ཆེ་བའི་ཁུལ། སྲུང་སྐྱོབ་དང་འཕེལ་རྒྱས་སོགས་ཀྱི་འགལ་བ་ཧ་ཅང་མངོན་གསལ་དོད་པོ་ཡོད།

ཀན་ལྷོ་ཁུལ་ཨུད་ཀྱི་ཧྲུའུ་ཅི་གཞོན་པ་ཀྲོའུ་ཀྲང་ཀྲའོ་ལིང་ཡུན་གྱིས་ཀན་ལྷོ་ཁུལ་གྱིས2020ལོར་སླེབས་སྐབས་ཞིང་ཆེན་ཡོངས་དང་རྒྱལ་ཡོངས་དང་མཉམ་དུ་ཕྱོགས་ཡོངས་ནས་འབྱོང་འབྲིང་སྤྱི་ཚོགས་བསྐྲུན་པའི་དཀའ་གནད་ཆེ་ཤོས་དང་ཞན་ཆ་ཆེ་ཤོས་ནི་རྒྱ་ཆེའི་ཞིང་འབྲོག་ཁུལ་གྱི་གྲོང་ཚོར་ཐུག་ཡོད་ཅེས་བཤད།

ཉེ་བའི་ལོ་ཤས་རིང་། ཀན་ལྷོ་ཁུལ་གྱིས་ལས་ཀའི་གཙོ་རྒོལ་ཁ་ཕྱོགས་དང་། ཤུགས་རྒྱག་ས། གཙོ་གནད་བཅས་རྒྱ་ཆེའི་ཞིང་འབྲོག་གྲོང་ཚོར་ཕྱོགས་ཏེ་ཞིང་འབྲོག་གྲོང་ཚོའི་འཕེལ་རྒྱས་ཀྱི་རྣམ་པ་གསར་པ་འཚོལ་ཞིབ་དང་གསར་གཏོད་ཤིང་། རང་བྱུང་གྲོང་ཚོ་ཚན་པར་བྱས་ཏེ་སྣོད་བཅུད་ཤེས་དཔལ་གྱི་འབྱོར་འབྲིང་གྲོང་ཚོ་བསྐྲུན་པའི་བསམ་ཕྱོགས་དང་བྱེད་ཐབས་གསར་གཏོད་རང་བཞིན་གྱི་སྒོ་ནས་བཏོན་ཡོད། ཀན་ལྷོ་ཁུལ་གཙོས་གྲོང་ཁྱེར་མཛོད་དགེ་སྟོད་མ་ཤང་ཤིན་སི་གྲོང་ཚོ་ནི་སྣོད་བཅུད་ཤེས་དཔལ་གྱི་འབྱོར་འབྲིང་གྲོང་ཚོ་སྐྲུན་པའི་གསོན་ཉམས་དོད་པའི་མཚོན་ཚུལ་ཞིག་རེད།

2015ལོར་ཀན་ལྷོ་ཁུལ་གྱིས་སྣོད་བཅུད་ཤེས་དཔལ་གྱི་འབྱོར་འབྲིང་གྲོང་ཚོ103སྔོན་ལ་བསྐྲུན་རྒྱུའི་ཚོད་ལྟ་བྱས་པ་དང་ཆབས་ཅིག སྣོད་བཅུད་ཤེས་དཔལ་གྱི་འབྱོར་འབྲིང་གྲོང་ཚོ་སྐྲུན་པའི་ཚད་གཞིའི་མ་ལག་དང་། དཔྱད་ཞིབ་མ་ལག འགན་ལེན་མ་ལག་བཅས་འཛུགས་པ་དང་འཐུས་སྒོ་ཚང་དུ་བཏང་ཡོད། མིག་སྔར། སྣོད་བཅུད་ཤེས་དཔལ་གྱི་འབྱོར་འབྲིང་གྲོང་ཚོ103ཚང་མ་བསྐྲུན་ཟིན་པ་རེད། །

རྩོམ་སྒྲིག་པ། : ཀླུ་མོ་མཚོ།