ཀྲུང་གོ་བོད་ཀྱི་དྲ་བའི་འཕྲིན། ད་ལོའི་ཟླ7པ་ནས་བཟུང་། ཀན་སུའུ་ཞིང་ཆེན་ཀན་ལྷོ་བོད་རིགས་རང་སྐྱོང་ཁུལ་ལིན་ཐན་རྫོང་སྒྲིག་ཨུས་དབུལ་སྐྱོར་ཁྱབ་ཁོངས་སུ་ཆེད་དམིགས་བྱ་བའི་ལྟ་ཞིབ་ཚན་ཆུང་བཙུགས་ནས། རྫོང་ཡོངས་ཀྱི་ཁྱབ་ཁོངས་སུ་ཆེད་དམིགས་ཞིབ་བཤེར་བྱས།
ལྟ་ཞིབ་ཚན་ཆུང་ཤང་དང་གྲོང་རྡལ16དང་རྫོང་གཏོགས་སྡེ་ཁག་དང་སྡེ་ཚན12ཀྱི་ནང་དུ་ཟབ་ཞུགས་བྱས་ཏེ། བསྡོམས་པས་གནད་དོན93རྙེད་པ་སྟེ། དབུལ་ཕོངས་ཁྱིམ་ཚང་དབུལ་ཐར་བྱས་ཀྱང་ཉེན་ཁང་བསྒྱུར་བཀོད་མ་བྱས་པ་དང་། ཤང་གྲོང་གིས་གཏོང་དགོས་པའི་དབུལ་སྐྱོར་མ་དངུལ་མ་གཏོང་བ། ཡིག་ཚགས་བྱང་བུ་བཟོས་པའི་དབུལ་ཕོངས་མི་འབོར་དབྱེ་འབྱེད་བྱས་པ་གནད་དུ་འཁེལ་མེད་པ་དང་། གཞི་གྲངས་ཀྱི་ཆ་འཕྲིན་ཁ་ཤས་ནང་འཇུག་བྱས་པ་ནོར་འཁྲུལ་ཡིན་པ་སོགས་དང་འབྲེལ། ཞིབ་བཤེར་བྱས་པའི་གནད་དོན་ལ་དམིགས་ནས། རྫོང་སྒྲིག་ཨུའི་རྒྱུན་ཨུའི་གྲོས་ཚོགས་བསྡུས་ཏེ་ཞིབ་འཇུག་བྱས་པ་མ་ཟད། རྫོང་ཏང་ཨུ་དང་རྫོང་སྲིད་གཞུང་གིས་མོས་མཐུན་བྱུང་བར་སྙན་ཞུ་ཞུས་པ་བརྒྱུད། འབྲེལ་ཡོད་ལས་བྱེད་མི་སྣ59ལ་རྩ་འཛུགས་ཀྱི་ཐག་གཅོད་དང་སྲིད་ཁྲིམས་ཀྱི་ཆད་པ་བཅད།།