ཀྲུང་གོ་བོད་ཀྱི་དྲ་བའི་འཕྲིན། ཀན་ལྷོ་གྱི་ཏང་ཨུས་གཟབ་ནན་གསུམ་དང་དངོས་གཉེར་གསུམ་གྱི་སློབ་གསོའི་བྱ་འགུལ་སྤེལ་བའི་བརྒྱུད་རིམ་ཁྲོད། བྱ་བ་བསྒྲུབ་ན་དམངས་སེམས་དང་བསྟུན་པར་བྱེད་པ་དང་བྱ་བ་བསྒྲུབ་ན་དམངས་སེམས་སྤྲོ་བ། དྲང་བདེན་གྱིས་དམངས་སེམས་འགུག་པ་བཅས་ཀྱི་བྱ་འགུལ་ སྤེལ་ཅིང་། རིགས་སོ་སོའི་མི་དམངས་མང་ཚོགས་ཀྱིས་ལས་བྱེད་པའི་བྱ་བར་གཞོགས་འདེགས་དང་བརྩི་བཀུར་བྱས་ཏེ། བོད་ཁུལ་གྱི་གོང་འོག་ཚང་མར་སྔར་མེད་ཀྱི་ལས་བྱེད་པ་དང་མང་ ཚོགས་བར་དུ་འཆམ་མཐུན་རྣམ་པ་ཞིག་མངོན་ཡོད། དེའི་ཕྱིར། ཀན་ལྷོ་ཁུལ་ཨུའི་ཧྲུའུ་ཅི་ཡུས་ཁྲིན་ཧའེ་ཡིས་འདི་ནི་ཁུལ་དང་ཏང་ཨུའི་གཟབ་ནན་གསུམ་དང་དངོས་གཉེར་གསུམ་གྱི་སློབ་གསོ་ལག་ལེན་བྱས་པ་དང་དུས་དང་རྣམ་པ་ཀུན་ཏུ་རང་འགུལ་གྱིས་བྱ་བ་བསྒྲུབ་པ།གཟབ་ནན་ གྱིས་ལས་བྱེད་པ་དང་མང་ཚོགས་བར་གྱི་འཆམ་མཐུན་གྱི་རྣམ་པ་བསྐྲུན་པའི་དགའ་འོས་པའི་ གྲུབ་འབྲས་རེད་ཟེར།
ཀན་ལྷོ་ཁུལ་ཨུས་རྒྱལ་ཁབ་ཀྱི་སྲིད་ཇུས་དང་ཐོན་ལས་གོ་སྐབས་དམ་འཛིན་དང་རིགས་སོ་སོའི་མི་དམངས་མང་ཚོགས་མཐུན་སྒྲིལ་ངང་སྣེ་ཁྲིད་དེ་ལས་དོན་བསྒྲུབ་པ་དང་འཛུགས་སྐྲུན་བྱེད་པ།འཕེལ་རྒྱས་ལ་བརྩོན་པ་བརྒྱུད་དེ། ལས་དོན་ལ་འབད་པ་བྱེད་ཕོད་པ་དང་བྱ་བའི་ཆེད་དུ་རང་སྲོག་བློས་གཏོང་ཐུབ་པའི་མི་སྐོར་ཞིག་བྱུང་ཞིང་། རྫོང་དང་ཞང་རིམ་པའི་གྲོང་བརྡལ་གྱི་རྨང་གཞིའི་སྒྲིག་བཀོད་ལས་གཞི་མང་བོ་ཞིག་ལག་བསྟར་བྱས་ཤིང་། དེའི་ཁྲོད་དུ་གྲོང་ཁྱེར་འཛུགས་སྐྲུན་བཟོ་འགོད་དང་གནད་སའི་གྲོང་བརྡལ་གཞུང་ལམ་ལེགས་བཅོས་བྱེད་པའི་ལས་གཞི་དོན་བདུན་དང་མཁར་གྲོང་གི་སྦག་བཙོག་གད་སྙིགས་གཙང་སེལ་གྱི་ལས་གཞི་དྲུག་བཅས་ལག་བསྟར་བྱས། ད་སྔའི་བར་དུ། ཁུལ་ཡོངས་ཀྱི་གཞུང་ལམ་ཤར་བསྐྱོད་ཐུབ་པའི་སྤྱིའི་ལམ་ཚད་སྤྱི་ ལེ་བརྒྱད་སྟོང་ཡོད་ཤིང་། ཀན་ལྷོའི་དཔལ་འབྱོར་འཛུགས་སྐྲུན་དང་སྤྱི་ཚོགས་ལས་དོན་འཕེལ་རྒྱས་ཐད་འགན་སྲུང་བཟང་བོ་འདོན་སྤྲོད་བྱས་ཡོད།
ཀན་ལྷོ་ཁུལ་ཨུས་དམངས་འཚོ་ལེགས་བཅོས་དང་འགན་སྲུང་རྒྱུན་འཁྱོངས་བྱ་རྒྱུ་དེ་བྱ་བ་ཡོངས་ཀྱི་འགོ་འཛུགས་ས་དང་མཇུག་བསྡུ་ས་རུ་བརྩིས་ཏེ།སེར་སྐྱ་མང་ཚོགས་ཀྱི་འཚོ་བའི་ ཆུ་ཚད་དང་བདེ་སྐྱིད་ཀྱི་དམིགས་ཚད་མུ་མཐུད་དུ་མཐོར་འདེགས་བཏང་། བསང་ཆུ་རྫོང་ཨ་མཆོག་གྲོང་བརྡལ་གྱི་སྡེ་མི་ལྷ་མོ་ཚེ་རིང་ཚང་ལ་རིམ་པ་སོ་སོའི་ལས་བྱེད་པའི་རོགས་སྐྱོར་འོག སྡེ་བའི་ནང་དུ་མིང་ཡོད་པའི་བོད་ཕག་གསོ་སྤེལ་བྱེད་སའི་ཁྱིམ་ཚང་དུ་གྱུར་ཡོད།བྱེད་ཐབས་སྣ་མང་གི་རོགས་སྐྱོར་བྱ་སྤྱོད་ཀྱིས་ལྷ་མོ་ཚེ་རིང་ཕྱུག་འགྱུར་གྱི་ལམ་དུ་སོང་བའི་མི་ཚད། ད་རུང་སྔར་ལས་མང་བའི་རོང་འབྲོག་མང་ཚོགས་ཀྱང་དབུལ་ཐར་ཡོང་སུ་བཅུག2014ལོར། ཀན་ལྷོ་ཁུལ་གྱིས་སྒོར་དུང་ཕྱུར30གཅིག་གྱུར་འཆར་འགོད་བྱས་ཏེ། ཁྱོན་ཡོངས་ནས་ཞིང་ཆེན་དང་ཁུལ་གྱིས་གཏན་ལ་ཕབ་པའི་དམངས་ཀྱི་དོན་དངོས་ཉེར་བཞི་དངོས་འབེབས་བྱས་ཤིང་།རིགས་སོ་སོའི་རྒུད་སྐྱོབ་མ་དངུལ་སྒོར་བྱེ་བ་གཉིས་དང་ས་ཡ་གཅིག་འབུམ་དྲུག་ཁྲི་བདུན་ལྷག་བྱིན་ཏེ། གནོད་ཐེབས་མང་ཚོགས་འབུམ་གཅིག་དང་ཁྲི་བཞི་ལྷག་ལ་རོགས་སྐྱོར་ཐོབ། ཉེ་བའི་ལོ་གསུམ་གྱི་རིང་རིམ་པ་སོ་སོའི་ཉིས་འབྲེལ་ལས་ཁུངས་ཀྱིས་རིམ་བསགས་སུ་མ་དངུལ་སྒོར་དུང་ཕྱུར་ཞེ་བརྒྱད་ལྷག་བཏང་ནས་དོན་དངོས་བྱ་བ་རིགས་ཁྲི་གཉིས་ལྷག་བསྒྲུབས། རོང་འབྲོག་སྡེའི་དབུལ་ཕོངས་མི་འབོར་དེ2011ལོའི་ཁྲི་ཉེར་བརྒྱད་ལྷག་ནས་ད་སྔའི་ཁྲི་བཅུ་གཉིས་ལྷག་ཏུ་ཇེ་ཉུང་དུ་སོང་ཡོད། །
རྩོམ་སྒྲིག་པ། མཁའ་མཚོ།
རྩོམ་སྒྲིག་འགན་འཁུར་བ། རིག་འཛིན།
འབྲེལ་ཡོད་རྩོམ་ཡིག
མི་རིགས་ཀྱི་ཁྱད་ཆོས་ལྡན་པའི་ཀླུ་ཆུ་རྫོང་མཁར།
བླ་བྲང་དགོན་པའི་རིག་རྫས་སྲུང་སྐྱོང་ལས་གཞི་མགོ་ཚུགས་པ།
དཔའ་རིས་རྫོང་མི་རིགས་སློབ་འབྲིང་གིས་དགེ་རྒན་དུས་ཆེན་གྱི་བྱ་འགུལ་སྤེལ་བ།
འབྲོག་པ་མང་ཚོགས་ཀྱིས་ལས་རིགས་བརྗེ་ནས་ཚོང་ལས་གཉེར་བ།
པར་རིས་གསར་འགྱུར།
ཞི་ཅིན་ཕེན་གྱིས་ཞང་ཀང་དམིགས་བསལ་སྲིད་འཛིན་ས་ཁུལ་གྱི་སྲིད་འཛིན་དཔོན་པོ་ལིང་ཀྲིན་དབྱིན་ལ་མཇལ་འཕྲད་གནང་།
ཡུས་ཀྲིན་ཧྲིན་གྱིས་ཧུའུ་ནན་ཞིང་ཆེན་གྱི་བྱ་བར་གཟིགས་ཞིབ་མཛད།
ཞི་ཅིན་ཕེན་གྱིས་ནེའུ་ཙི་ལན་རྒྱལ་ཁབ་ཀྱི་ཙུང་ལི་ཡོ་ཧན་ཅི་ལ་མཇལ་འཕྲད་གནང་།
ཞི་ཅིན་ཕེན་ཉིས་སྟོང་བཅོ་ལྔ་ལོའི་ཨེ་ཤ་ཡ་དང་ཞི་བདེ་རྒྱ་མཚོ་ཆེན་མོ་ས་ཁུལ་གྱི་དཔལ་འབྱོར་མཉམ་ལས་རྩ་འཛུགས་ཀྱི་བཟོ་ཚོང་མགོ་ཁྲིད་པའི་མཐོ་རིམ་གྲོས་ཚོགས་ལ་ཞུགས་ནས་གསུང་བཤད་གལ་ཆེན་གནང་།
བོད་ཁུལ་གསར་འགྱུར།
- སྤྱིའི་དངུལ་གཏོང་སྒོར་དུང་ཕྱུར་གསུམ་དང་བྱེ་བ་ལྔ་ལྷག་ཡིན་པའི་རྨ་ཆུའི་ཆུ་རགས་ལས་གྲྭ་དངོས་སུ་ལས་འགོ་བཙུགས་པ།
- མཚོ་ལྷོ་ཁུལ་གྱིས་རྫོང་རིམ་པའི་ལས་ཞུགས་དང་སྤྱི་ཚོགས་འགན་སྲུང་ཞབས་ཞུའི་སྒྲིག་བཀོད་ཡོངས་སུ་ཁེབས་པར་བྱས།
- ལོ་ལྔའི་འཆར་གཞི་བཅུ་གཉིས་པའི་དུས་སྐབས་ནི་གཙང་གསུམ་འབྱུང་ཡུལ་གྱི་འབྲོག་པ་མང་ཚོགས་འབྱོར་ཕྱུག་གི་ལམ་དུ་བསྐྱོད་པའི་གནད་འགག་གི་ལོ་ལྔ་རེད།
- མཚོ་སྔོན་ཞིང་ཆེན་གྱིས་ད་ལོའི་དགུན་ཁ་དང་སང་ལོའི་དཔྱིད་ཀའི་བར་གྱི་གནས་སྐོར་བྱ་འགུལ་སྤེལ་བའི་མཛད་སྒོ་མཚོ་བྱང་ཁུལ་ཆི་ལེན་རྫོང་ནས་བསྡུས།
- མཚོ་སྔོན་ཞིང་ཆེན་ཏང་ཨུའི་སྐོར་ཞིབ་ཚན་ཁག་ལྔ་བ་ཞིང་ཆེན་སྤྱི་བདེ་ཐིན་དང་བཟོ་ཚོང་ཅུའུ་རུ་བསྡད་དེ་བྱ་བར་ཆེད་དོན་སྐོར་ཞིབ་བྱས།
- མཚོ་སྔོན་ཞིང་ཆེན་ཏང་ཨུའི་བཅོས་བསྒྱུར་ཟབ་སྤེལ་མགོ་ཁྲིད་ཚན་ཆུང་གིས་གྲོས་ཚོགས་བསྡུས་ནས་བཅོས་བསྒྱུར་བྱ་བ་གཙོ་བོར་ཞིབ་འཇུག་དང་བཀོད་སྒྲིག་བྱས།
- མཚོ་སྔོན་གྱིས་ཞིང་ཆེན་ཡོངས་ཀྱི་ཏང་གི་མང་ཚོགས་ཚོགས་པའི་ཆེད་དོན་གྲོས་ཚོགས་བསྡུས།
- མཚོ་སྔོན་གྱིས་སྤྱི་ཚོགས་རོགས་སྐྱོར་བྱ་གཞག་བཅོས་བསྒྱུར་འཕེལ་རྒྱས་སྐུལ་འདེད་བྱེད་པའི་ཆེད་དོན་བགྲོ་གླེང་འཛིན་གྲྭ་བསྡུས།
- དྲག་ཆས་ཉེན་རྟོག་བོད་ལྗོངས་སྤྱི་ཁྱབ་རུ་ཁག་གི་ཉིང་ལག་རུ་ཁག་གཉིས་པའི་དཔོན་དམག་ཚོའི་རིག་གནས་འཚོ་བ་ཕུན་སུམ་ཚོཌ་སུ་ཕྱིན་པ།