མདུན་ཤོག- གསར་འགྱུར།- ཡུལ་གྲུའི་གསར་འགྱུར།

ཀྲུང་དབྱང་མི་རིགས་སློབ་ཆེན་བོད་རིག་པ་ཞིབ་འཇུག་གླིང་དུ《སྐར་མ་འོད་ཆེན》འདོན་ཐེངས་བཅོ་བརྒྱད་པའི་འགྲེམ་སྤེལ་ཚོགས་འདུ་བསྡུས་པ།

རྩོམ་པ་པོ། འཕྲིན་གཏོང་བ། ཀླུ་འབུམ་རྒྱལ།  ཡོང་ཁུངས། ཀྲུང་གོ་བོད་ཀྱི་དྲ་བ།  2013-10-14 17:12

   ཀྲུང་གོ་བོད་ཀྱི་དྲ་བའི་འཕྲིན། 2013ལོའི་ཟླ10པའི་ཚེས8ཉིན། ཀྲུང་དབྱང་མི་རིགས་སློབ་གྲྭ་ཆེན་མོའི་བོད་རིག་པ་ཞིབ་འཇུག་གླིང་གིས་གཙོ་གཉེར་བྱས་པའི་རྩོམ་རིག་ལོ་དེབ《སྐར་མ་འོད་ཆེན》འདོན་ཐེངས18པའི་རྩོམ་སྒྲིག་གི་བྱ་བ་ཡོངས་སུ་ལེགས་འགྲུབ་བྱུང་སྟེ། ཀློག་པ་པོ་ཀུན་གྱི་སྤྱན་སྔར་བཀྲམས།

《སྐར་མ་འོད་ཆེན》འདོན་ཐེངས་བཅོ་བརྒྱད་པའི་འགྲེམ་སྤེལ་ཚོགས་འདུ་ཀྲུང་དབྱང་མི་རིགས་སློབ་གྲྭ་ཆེན་མོའི་བོད་རིག་པ་ཞིབ་འཇུག་གླིང་གི་ཚོགས་འདུ་ཁང་དུ་བསྡུས་པ་དང་། ཚོགས་འདུར་གླིང་གཙོ་གཞོན་པ་དགེ་རྒན་བཀྲ་བྷ་ལགས་དང་དགེ་རྒན་བན་དེ་མཁར་གཉིས་གཙོ་བྱས་པའི་རྩོམ་རིག་ལ་མོས་པའི་སློབ་མ་རྣམས་ཞུགས་འདུག་ལ། གླིང་གཙོ་གཞོན་པ་རྒན་བཀྲ་བྷ་ལགས་ནས་སྐར་མ་འོད་ཆེན་འདོན་ཐེངས་འདིའི་དགེ་སྐྱོན་དང་འདོན་ཐེངས་རྗེས་མའི་སྐབས་སུ་མཉམ་འཇོག་དགོས་པའི་ཆ་དང་འབྲེལ་བའི་གཏམ་བཤད་གནང་བ་མ་ཟད། སློབ་གླིང་འདིའི་སློབ་རའི་རིག་གནས་སྐོར་ལའང་ཀུ་རེའི་གཏམ་དང་བཅས་ཁོང་གི་བསམ་ཚུལ་རེ་འགའ་བརྗོད་པར་ཚོགས་ཞུགས་ཀུན་གྱིས་མོས་མཐུན་བྱེད་ཀྱིན་འདུག

ཚོགས་འདུར་རྩོམ་སྒྲིག་པ་རྣམས་ཀྱིས་དུས་དེབ་ཀྱི་སྒྲིག་གཞིའི་རིམ་པ་ལྟར་ལེ་ཚན་སོ་སོ་ངོ་སྤྲོད་མདོར་བསྡུས་རེ་བྱས་པ་དང་། དེ་ནས་ཚོགས་ཞུགས་དགེ་སློབ་རྣམས་ནས་དུས་དེབ་ཀྱི་ལེ་ཚན་བཀོད་སྒྲིག་དང་པར་རིས་ཇུས་འགོད། སློབ་གླིང་འདིའི་རྩོམ་རིག་གི་མཁའ་དབུགས་སོགས་ཀྱི་ཐད་ནས་སོ་སོས་བསམ་འཆར་དང་རེ་འདུན་བརྗོད་ནས་ཚོགས་འདུ་བདེ་ལེགས་ངང་མཇུག་བསྒྲིལ།

《སྐར་མ་འོད་ཆེན》གྱི་རྩོམ་བསྐུར་ཡུལ། kmvch@163.com

ཚོགས་ཞུགས་དགེ་སློབ་ཁག་གཅིག་གི་མཉམ་པར།

འདོན་ཐེངས་བཅོ་བརྒྱད་པའི་རྩོམ་སྒྲིག་ཚོ་ཆུང་གི་མཉམ་པར།

པར་དབང་གསལ་བསྒྲགས།      ངེད་ཀྱི་སྐོར།      འབྲེལ་གཏུགས་བྱེད་ཚུལ།

གློག་འཕྲིན་ཡིག་སྒམ། tibet3@126.com    ཁ་པར། 0971-8455441

©2006-2013 China Tibetannet Corporation པར་དབང་ངེད་དྲ་བར་དབང་བས་ཆོག་མཆན་མ་ཐོབ་པར་གཞན་གྱིས་རང་དགར་སྤྱོད་མི་ཆོག