ཀྲུང་གོ་བོད་ཀྱི་དྲ་བའི་འཕྲིན། རྒྱལ་ཁབ་བསྡོམས་རྩིས་ཅུའུ་ཡུན་ནན་བརྟག་བཤེར་སྤྱི་ཁྱབ་རུ་ཁག་གིས་ཉེ་ལམ་ཁྱབ་བསྒྲགས་བྱས་པའི་གཞི་གྲངས་ལས་མངོན་པ་ལྟར་ན། དུས་ཚིགས་གསུམ་པའི་མཇུག་ཏུ། ཡུན་ནན་ཞིང་ཆེན་གྱི་ཕྱིར་བསྐྱོད་རྩོལ་ལས་ཀྱི་ཞིང་སྡེའི་ངལ་རྩོལ་པ་བསྡོམས་པས་མི་ཁྲི657.55ཡོད་ལ་དུས་མཉམ་ལས3.9%འཕར་ཡོད།
དུས་ཚིགས་གསུམ་པར། ཡུན་ནན་གྱི་ཕྱིར་བསྐྱོད་རྩོལ་ལས་ཞིང་སྡེའི་ངལ་རྩོལ་པ་མི་རེའི་ཆ་སྙོམས་ཀྱི་ཟླ་ཕོགས་ནི་སྒོར4583དང་དུས་མཉམ་ལས7.1%འཕར་ཡོད། དེའི་ནང་ཞིང་ཆེན་ནང་ཁུལ་གྱི་རྩོལ་ལས་པའི་མི་རེའི་ཆ་སྙོམས་ཀྱི་ཟླ་ཕོགས་སྒོར4099དང་དུས་མཉམ་ལས4.9%འཕར་ཡོད། ཞིང་ཆེན་ཕྱིའི་རྩོལ་ལས་པའི་མི་རེའི་ཆ་སྙོམས་ཀྱི་ཟླ་ཕོགས་སྒོར5163དང་དུས་མཉམ་ལས7.9%འཕར་ཡོད།
རྒྱལ་ཁབ་བསྡོམས་རྩིས་ཅུའུ་ཡུན་ནན་བརྟག་བཤེར་སྤྱི་ཁྱབ་རུ་ཁག་གི་འབྲེལ་ཡོད་འགན་ཁུར་མི་སྣས་བསྟན་དོན། པྲོག་གསར་རིམས་ནད་རྗེས་སུ་ཡུན་ནན་གྱི་འབྲེལ་གཏུག་རང་བཞིན་གྱི་ཞབས་ཞུ་ལས་རིགས་མགྱོགས་མྱུར་ངང་སླར་གསོ་བྱུང་ནས། ཞིང་སྡེའི་ངལ་རྩོལ་པ་བསྡུ་ལེན་བྱེད་ཚད་ཇེ་ཆེར་སོང་ཡོད། ཞིང་ཆེན་ཡོངས་ཀྱི་སྤོ་བསྒྱུར་ལས་ཞུགས་དང་ལས་རྐང་སྲ་བརྟན་གྱི་སྲིད་ཇུས་ཕན་འབྲས་མངོན་གསལ་ཡིན་ལ། འབྲེལ་ཡོད་སྡེ་ཁག་གིས་ཕྱི་སྡོད་ངལ་རྩོལ་ལས་དོན་ས་ཚིགས་ཀྱི་བྱེད་ནུས་འདོན་སྤེལ་བྱས་ཏེ། ཡུན་ནན་རྩོལ་ལས་པ་གཅིག་བསྡུས་ཡིན་པའི་ས་ཁུལ་དུ་ཞབས་ཞུ་ལས་དོན་སྤེལ་ནས་སྔར་ལས་ལྷག་པར་ཞིང་ཆེན་ཕྱིའི་སྤོ་བསྒྱུར་ལས་ཞུགས་གཞི་ཁྱོན་གཏན་འཇགས་དང་རྒྱ་བསྐྱེད་དུ་བཏང་ཡོད། ཞིང་ཆེན་ཡོངས་ཀྱི་ས་ཁུལ་སོ་སོས་ཧུར་ཐག་གིས་རྩོལ་ལས་ཆས་རྟགས་གསོ་སྐྱོང་བྱས་ཏེ། གསོ་སྦྱོང་བྱེད་ཤུགས་ཇེ་ཆེར་བཏང་ནས་སྔར་ལས་ལྷག་པར་ཞིང་སྡེའི་ངལ་རྩོལ་པའི་ལས་ཞུགས་གཞི་ཁྱོན་དང་སྤུས་ཚད་མཐོར་འདེགས་སུ་བཏང་ཡོད་ཟེར། །