ད་ལོར་མཚོ་སྔོན་གྱིས་གནས་སྐབས་རང་བཞིན་གྱི་རོགས་སྐྱོར་མ་དངུལ་སྒོར་དུང་ཕྱུར2.71འགྲེམ་གཏོང་བྱས།

 ད་ལོ་ནས་བཟུང་། རང་ཞིང་གིས་དུས་ལྟར་འབྲེལ་ཡོད་ཡིག་ཆ་བསྐྱར་དཔར་དང་འགྲེམ་སྤེལ་བྱས་ཏེ།  གཞི་རིམ་གྱི་དམངས་སྲིད་སྡེ་ཁག་ལ་མཛུབ་སྟོན་བྱས་ནས་མུ་མཐུད་དུ་མ་མཐའི་འགན་སྲུང་སྲིད་ཇུས་དོན་འཁྱོལ་ལ་ཤུགས་བསྣན་པ་དང་། རོགས་སྐྱོར་ཆ་རྐྱེན་དང་མཐུན་པའི་འཚོ་བ་དཀའ་ངལ་ཅན་གྱི་ཁྱིམ་ཚང་རྣམས་དུས་ཐོག་ཏུ་མ་མཐའི་འཚོ་བའི་འགན་སྲུང་གི་ཁྱབ་ཁོངས་སུ་བླངས་ཤིང་། ཟླ8པའི་ནང་ཞིང་ཆེན་ཡོངས་ཀྱི་མ་མཐའི་འཚོ་བའི་འགན་སྲུང་བྱ་ཡུལ་དང་དམིགས་བསལ་དཀའ་ངལ་ཅན་ཁྲི36.7ལ་འཚོ་བའི་ཁ་གསབ་སྒོར་དུང་ཕྱུར0.73འགྲེམ་གཏོང་བྱས།  ཁྱོན་ཡོངས་ནས་དངོས་ཟོག་རིན་གོང་ཐད་གནས་སྐབས་རང་བཞིན་གྱི་ཁ་གསབ་སྲིད་ཇུབ་དོན་འཁྱོལ་བྱས་པ་དང་། དུས་ཐོག་ཏུ་སྤྱི་ཚོགས་རོགས་སྐྱོར་དང་འགན་སྲུང་ཚད་གཞི་སོགས་དངོས་ཟོག་རིན་གོང་ཡར་འཕར་བར་མཐུན་སྦྱོར་མཉམ་འབྲེལ་ལམ་ལུགས་བཙུགས་ཏེ། ཡོང་སྒོ་དམའ་བའི་མང་ཚོགས་ཀྱི་འཚོ་བའི་ཆུ་ཚད་ལ་དངོས་ཟོག་གི་རིན་གོང་ཡར་འཕར་བའི་ཤུགས་རྐྱེན་མི་ཐེབས་པའི་འགན་སྲུང་བྱས། 

རིམས་ནད་ཀྱིས་ཤུགས་རྐྱེན་ཐེབས་ནས་འཚོ་བར་དཀའ་ཁག་བྱུང་བའི་མཚོ་སྔོན་དུ་སྡོད་པའི་ལས་བཟོ་བ་དང་།  མཚོ་སྔོན་དུ་སྡོད་པའི་ཞིང་ཆེན་ཕྱིའི་ལས་བཟོ་བ་དང་སློང་མོ་བ་སོགས་གནས་སྐབས་རང་བཞིན་གྱི་ཞག་སྡོད་བྱེད་ས་དང་ཟ་མ་སོགས་བཀོད་སྒྲིག་བྱས་ནས་དཀའ་ཁག་སེལ་རོགས་བྱས།  ཟླ10བའི་ཟླ་མཇུག་བར། ཞིང་ཆེན་ཡོངས་སུ་ཁྱིམ་ཐོ་རང་ཞིང་གི་མིན་པའི་དཀའ་ངལ་མང་ཚོགས་མི་ཐེངས304ལ་གནས་སྐབས་རང་བཞིན་གྱི་རོགས་སྐྱོར་མ་དངུལ་སྒོར་ཁྲི34.87བཏང་།  ལས་ཤོར་དཀའ་ངལ་མང་ཚོགས1823ལ་རོགས་སྐྱོར་མ་དངུལ209.08བྱིན།  རིམས་ནད་ཀྱིས་ཤུགས་རྐྱེན་ཐེབས་པའི་མ་མཐའི་འཚོ་བའི་འགན་སྲུང་མྱོང་མཁན་དང་དབུལ་ནག་མང་ཚོགས་མི་ཐེངས1310ལ་རོགས་སྐྱོར་མ་དངུལ་ཁྲི245.42བཏང་།  །