ཀྲུང་གོ་བོད་ཀྱི་དྲ་བའི་འཕྲིན། ཟླ1པའི་ཚེས19ཉིན་གྱི་ཕྱི་དྲོར། སྲིད་གྲོས་ཀན་ལྷོ་བོད་རིགས་རང་སྐྱོང་ཁུལ་སྐབས་བཅུ་བཞི་བའི་ཨུ་ཡོན་ལྷན་ཁང་གི་གྲོས་ཚོགས་ཐེངས་བཞི་བའི་གྲོས་རིམ་སོ་སོ་ཡོངས་སུ་གྲུབ་ནས་ཀན་ལྷོའི་ཟློས་གར་ཚོམས་ཆེན་དུ་གྲོལ།
ཚོགས་ཆེན་གྱི་ལག་བསྟར་ཀྲུའུ་ཞི་ནི་ཞུས་ཆང་དང་བསེ་ཚང་བློ་བཟང་དཔལ་ལྡན། ཀྲའོ་ཧུང་ཚའེ། དུས་འཁོར་ཚང་། དབྱང་ཞའོ་ནན། ཨན་ཞུས་ལིན། སྒྲོལ་མ་སྐྱབས། ཀྲོའུ་མེ། དབྱང་ཞུའེ་ཧྥུན། མེང་ཡན་ལིན། ཆོན་ཡུང་ཁང་། རྒྱལ་མཁན་པོ་ཚང་བློ་བཟང་མཁས་གྲུབ་རྒྱ་མཚོ། སྐལ་བཟང་རྒྱ་མཚོ། ཀྲང་པིན། ཨན་ཝུན་ཞི། ཧྲང་ཀྲི་རྨིན། ཝུའུ་ཞའོ་ཧྲུན། འཕགས་པ་ཚེ་རིང་བཅས་ཡིན།
གྲོས་ཚོགས་སུ་ཞུགས་འོས་པའི་ཨུ་ཡོན220ཡོད་ཅིང་དངོས་སུ་ཞུགས་པའི་ཨུ་ཡོན186ཡོད་པས། ཁྲིམས་ཀྱིས་གཏན་འབེབས་བྱས་པའི་མི་གྲངས་དང་མཐུན་པ་ཡིན།
ཚོགས་ཆེན་ལ་གདན་ཞུ་བྱས་པའི་འགོ་ཁྲིད་པ་ནི་ཁུལ་དམངས་ཆེན་རྒྱུན་ཨུ་ཁང་གི་ཀྲུའུ་རེན་ཨན་ཅིན་ལུང་དང་ཁུལ་ཨུའི་ཧྲུའུ་ཅི་གཞོན་པའམ་ཁུལ་དཔོན་ཀྲའོ་ལིན་ཡུན། ཁུལ་ཨུའི་ཧྲུའུ་ཅི་གཞོན་པའམ་དྲིལ་བསྒྲགས་པུའུ་ཡི་པུའུ་ཀྲང་བཀྲ་ཤིས་འཚོ། ཁུལ་ཨུའི་ཧྲུའུ་ཅི་གཞོན་པ་ཧོ་མོའུ་པའོ། ཁུལ་ཨུའི་རྒྱུན་ཨུའམ་བསང་ཆུ་རྫོང་ཨུའི་ཧྲུའུ་ཅི་དབྱང་ཞུང་། ཁུལ་ཨུའི་རྒྱུན་ཨུའམ་ཁུལ་དཔོན་གཞོན་པ་ཧུའུ་ཞའོ་ཧྥུན། ཁུལ་ཨུའི་རྒྱུན་ཨུའམ་ཁུལ་ཨུའི་སྲིད་ཁྲིམས་ཨུའི་ཧྲུའུ་ཅི་དབྱང་ཅུན། ཁུལ་ཨུའི་རྒྱུན་ཨུའམ་ཁུལ་ཨུའི་འཐབ་ཕྱོགས་གཅིག་གྱུར་པུའུ་ཡི་པུའུ་ཀྲང་ཧྲི་ཀྲན་ལིའང་། ཁུལ་ཨུའི་རྒྱུན་ཨུའམ་ཁུལ་ཨུའི་རྩ་འཛུགས་པུའུ་ཡི་པུའུ་ཀྲང་ལུའེ་ཀྲེ་ཅུན། ཁུལ་ཨུའི་རྒྱུན་ཨུའམ་གཙོས་གྲོང་ཁྱེར་ཏང་ཨུའི་ཧྲུའུ་ཅི་ལིའུ་ཡུང་ཀོ ཁུལ་དམངས་ཆེན་རྒྱུན་ཨུ་ཁང་གི་ཀྲུའུ་རེན་གཞོན་པ་ཚེ་རིང་དོན་གྲུབ་དང་ལི་རུའེ་ཕིང་། ཁུལ་དམངས་ཆེན་རྒྱུན་ཨུ་ཁང་གི་ཏང་ཙུའུ་ཡི་ཧྲུའུ་ཅི་གཞོན་པ་ཝང་ཡ་ནན། ཁུལ་དམངས་ཆེན་རྒྱུན་ཨུ་ཁང་གི་ཀྲུའུ་རེན་གཞོན་པ་དབྱང་ཅན་གོ་དང་དབྱང་ཀྲི་ཚའེ། དབྱང་ཁྲང་ཏེ། ཁུལ་དཔོན་གཞོན་པ་ནམ་མཁའ་སངས་རྒྱས། ཞིང་ཆེན་སྤྱི་བདེ་ཐིང་གི་ཐིང་ཀྲང་གཞོན་པའམ་ཁུལ་དཔོན་གཞོན་པ། ཁུལ་སྤྱི་བདེ་ཅུས་ཀྱི་ཅུས་ཀྲང་ཕུའུ་ཁྲོན་ཧུང་། ཁུལ་དཔོན་གཞོན་པའམ་ཐེ་བོ་རྫོང་ཨུའི་ཧྲུའུ་ཅི་རིན་ཆེན་དོན་གྲུབ། ཁུལ་དཔོན་གཞོན་པ་ཝང་ཧྥང་། ཁུལ་འབྲིང་རིམ་མི་དམངས་ཁྲིམས་ཁང་གི་འགོ་གཙོ་ལི་ཞའོ་ཉིང་། ཁུལ་མི་དམངས་ཞིབ་དཔྱོད་ཁང་གི་འགོ་གཙོ་མ་ལུང་ཆོན། དྲག་སྤྲས་ཀན་ལྷོའི་རུ་ཁག་གི་ཆབ་སྲིད་ཨུ་ཡོན་དབྱང་ལི། རྒྱལ་ཁབ་བདེ་སྲུང་ཅུས་ཀན་ལྷོའི་ཡན་ལག་རུ་ཁག་གི་ཅུས་ཀྲང་གོ་ཝེ་རྨིན། རྒྱལ་ཡོངས་སྲིད་གྲོས་ཀྱི་ཨུ་ཡོན་ནམ་ཀྲུང་གོའི་བོད་བརྒྱུད་མཐོ་རིམ་ནང་བསྟན་སློབ་གླིང་གི་ཡོན་ཀྲང་གཞོན་པའམ་ཀན་སུའུ་ནང་བསྟན་སློབ་གླིང་གི་ཡོན་ཀྲང་གཞོན་པ་སྒོ་མང་ཚང་བློ་བཟང་བརྩོན་འགྲུས་རྒྱ་མཚོ། སྔར་གྱི་ཁུལ་སྲིད་གྲོས་སྐབས་བཅུ་གཉིས་པའི་ཨུ་ཡོན་ལྷན་ཁང་གི་ཀྲུའུ་ཞི་གཞོན་པ་ཡིའུ་ཏ་ཀང་། ཨ་མགོན། སྔར་གྱི་ཁུལ་སྲིད་གྲོས་སྐབས་བཅུ་གསུམ་པའི་ཨུ་ཡོན་ལྷན་ཁང་གི་ཀྲུའུ་ཞི་གཞོན་པ་ཏིང་མུའུ་ཏི། སྔར་གྱི་ཁུལ་སྲིད་གྲོས་སྐབས་བཅུ་བཞི་བའི་ཨུ་ཡོན་ལྷན་ཁང་གི་ཀྲུའུ་ཞི་གཞོན་པ་ཏུང་ཀྲེན་གོ་བཅས་ཡིན།
ཁུལ་སྲིད་གྲོས་ཀྱི་ཀྲུའུ་ཞི་ཞུས་ཆང་གིས་གྲོས་ཚོགས་ཀྱི་གཙོ་འགན་ཁུར་བ་མ་ཟད་གཏམ་བཤད།
ཞུས་ཆང་གིས་བསྟན་པར་སྲིད་གྲོས་ཀན་ལྷོ་བོད་རིགས་རང་སྐྱོང་ཁུལ་སྐབས་བཅུ་བཞི་བའི་ཨུ་ཡོན་ལྷན་ཁང་གི་ཚོགས་འདུ་ཐེངས་བཞི་བས་ཀྲུང་གུང་ཀན་ལྷོ་ཁུལ་ཨུའི་འགྱུར་མེད་སྟོབས་ལྡན་གྱི་འགོ་ཁྲིད་འོག་ཨུ་ཡོན་ཡོངས་དང་ཚོགས་ཞུགས་བློ་མཐུན་ཚོས་ཐུན་མོང་ཐོག་འབད་བརྩོན་བྱས་པ་བརྒྱུད། གྲོས་རིམ་ཁག་ལེགས་གྲུབ་བྱུང་ནས་ཕུན་སུམ་ཚོགས་པའི་ངང་མཇུག་འགྲིལ།
ཁུལ་ཨུས་ཚོགས་འདུར་ཚད་མཐོའི་མཐོང་ཆེན་གནང་ཞིང་། ཧྲུའུ་ཅི་ཡུས་ཁྲིན་ཧུའེ་ཡིས་ཚོགས་འདུ་འགོ་ཚུགས་སྐབས་སྤྲོ་སེམས་འཁོལ་བའི་གཏམ་བཤད་གནང་ནས་ཁུལ་སྲིད་གྲོས་ཀྱིས་རྒྱ་ཆེའི་སྲིད་གྲོས་ཨུ་ཡོན་ལ་མཐུན་སྒྲིལ་སྣེ་ཁྲིད་བྱས་ཏེ་སྒྱུར་འཕེལ་བརྟན་གསུམ་གྱི་སྤྱི་ཡོངས་ཁྲོད་ནུས་པ་གལ་ཆེན་བཏོན་པར་ཁས་ལེན་གང་ལེགས་གནང་བ་དང་སྲིད་གྲོས་བྱ་བར་རྒྱུན་ཆད་མེད་པར་རྣམ་པ་གསར་བ་མངོན་པ་དང་བྱས་རྗེས་གསར་བ་འཇོག་རྒྱུར་བླང་བྱ་ཁ་གསལ་བཏོན་ནས་ཨུ་ཡོན་ཡོངས་ལ་སྐུལ་ལྕག་ཆེན་པོ་གནང་ །
ཐེངས་འདིའི་གྲོས་ཚོགས་ཚོགས་ཡུན་ཐུང་ན་ཡང་ནང་དོན་ཕུན་སུམ་ཚོགས་པ་དང་། གྲོས་རིམ་ཚགས་དམ་པ། ཕན་འབྲས་ཆེ་བ་བཅས་ཐོན་ཡོད། དེ་ནི་སེམས་ཤུགས་གཅིག་སྒྲིལ་དང་ཐུན་མོང་ཐོག་འཕེལ་རྒྱས་དོན་གཉེར་བྱེད་པའི་ཚོགས་ཆེན་ཞིག་ཡིན་ལ། མཐུན་སྒྲིལ་དམངས་གཙོ་དང་བདེན་འཚོལ་ཡར་བརྩོན་གྱི་ཚོགས་ཆེན་ཞིག་ཀྱང་ཡིན། འདིར་ངས་ཁུལ་སྲིད་གྲོས་སྐབས་བཅུ་བཞི་བའི་རྒྱུན་ལས་ཨུ་ཡོན་ལྷན་ཁང་གི་ཚབ་བྱས་ནས་ཁུལ་ཨུ་དང་ཁུལ་སྲིད་གཞུང་ལ་སྙིང་ཐག་པ་ནས་ཐུགས་རྗེ་ཆེ་ཞུ་རྒྱུ་དང་། སྲིད་གྲོས་ཀྱི་བྱ་བ་ལ་ཐུགས་ཁུར་དང་རྒྱབ་སྐྱོར་མཐའ་གཅིག་ཏུ་གནང་མཁན་གྱི་སྡེ་ཁག་དང་སྡེ་ཚན། སྤྱི་ཚོགས་ལས་རིགས་ཁག་བཅས་ལ་ལྷག་བསམ་ཟོལ་མེད་ཀྱིས་ཐུགས་རྗེ་ཆེ་ཞུ་རྒྱུ་ཡིན།
ཞུས་ཆང་གིས་བསྟན་པར། ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱིས་རབས་གསར་བར་སླེབས་པས། ཕྱོགས་གང་ཅིའི་ཐད་ཀྱི་བློ་གྲོས་དང་སྟོབས་ཤུགས་གོང་བུར་འགྲིལ་གང་ཐུབ་བྱ་དགོས། ཀན་ལྷོའི་དབུལ་མཐར་མཁྲེགས་གཏོར་ལ་རྒྱལ་ཁ་ཕུ་ཐག་ཆོད་པ་ལོན་པ་དང་། ཕྱོགས་ཡོངས་ནས་འབྱོར་འབྲིང་སྤྱི་ཚོགས་སྐྲུན་པ། “ལོ་ལྔའི་འཆར་གཞི་ཨང་བཅུ་གསུམ་པའི”འཆར་འགོད་ལེགས་གྲུབ་དང་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད། ལྗང་མདོག་དར་རྒྱས་མངོན་འགྱུར་བཅས་ཀྱི་འགག་རྩའི་དུས་མཚམས་སུ་སླེབས་ཡོད་པས་ཁུལ་ཡོངས་ཀྱི་གོང་འོག་ཚང་མས་མཐུན་སྒྲིལ་རྡོག་རྩ་གཅིག་སྒྲིལ་དང་འབད་འབུངས་ཡར་བརྩོན་བྱ་དགོས། ཁུལ་ཡོངས་ཀྱི་རིམ་པ་ཁག་གི་སྲིད་གྲོས་རྩ་འཛུགས་དང་རྒྱ་ཆེའི་སྲིད་གྲོས་ཨུ་ཡོན་གྱིས་མི་དམངས་སྲིད་གྲོས་ཀྱི་བྱ་བ་ལ་ཤུགས་སྣོན་དང་ལེགས་སུ་གཏོང་རྒྱུའི་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་དགོངས་པ་གལ་ཆེན་སློབ་སྦྱོང་ལག་བསྟར་གཏིང་ཟབ་བྱེད་པ་དང་། ཀྲུང་དབྱང་དང་ཞིང་ཆེན་ཏང་ཨུའི་སྲིད་གྲོས་བྱ་བའི་ཐད་ཀྱི་ཚོགས་འདུ་དང་ཁུལ་ཏང་གི་སྐབས་བཅུ་གཉིས་པའི་ཚང་འཛོམས་གྲོས་ཚོགས་ཐེངས་བདུན་པའི་དགོངས་དོན་ལག་བསྟར་དོན་འཁྱོལ་ནན་ཏན་བྱེད་པ། འགན་འཁྲི་བློ་ལ་བརྟན་པོར་ངེས་པ་དང་། ཐུན་མོང་མ་ཡིན་པའི་ལེགས་ཆ་འདོན་སྤེལ། བསམ་བློའི་ཁྲིད་སྟོན་ལ་ཤུགས་སྣོན། ཐུན་མོང་གི་ངོས་འཛིན་རྒྱ་ཁྱབ་ངང་གཅིག་སྒྲིལ་བཅས་བྱས་ནས་བསམ་བློ་དང་བྱ་སྤྱོད་ཀྲུང་དབྱང་དང་། ཞིང་ཆེན། ཁུལ་ཨུ་བཅས་ཀྱི་ཐབས་ཇུས་བཀོད་སྒྲིག་ཐོག་གཅིག་གྱུར་ཏན་ཏིག་བྱས་ཏེ་བདེ་སྐྱིད་དང་མཛེས་སྡུག་ལྡན་པའི་ཀན་ལྷོའི་འཛུགས་སྐྲུན་ལ་སྲིད་གྲོས་ཀྱི་བློ་གྲོས་དང་སྟོབས་ཤུགས་ལེགས་སྐྱེས་སུ་འབུལ་དགོས་པ་སྟེ། གཅིག་ནས་གནས་བབ་གསར་བར་གཞི་ཚུགས་ཏེ་ཆབ་སྲིད་ཀྱི་ལངས་གནས་མཐོ་རུ་གཏོང་བའི་ཐད་ཐུན་མོང་གི་ངོས་འཛིན་གསར་བ་གཅིག་སྡུད་བྱ་དགོས། གཉིས་སུ་དམིགས་ཚད་གསར་བ་གཏན་ཁེལ་བྱས་ནས་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་བའི་ཐད་བྱས་རྗེས་གསར་བ་འཇོག་དགོས། གསུམ་དུ་བླང་བྱ་གསར་བ་ལག་བསྟར་བྱས་ནས་གྲོས་མོལ་དམངས་གཙོར་སྐུལ་འདེད་གཏོང་བའི་ཐད་རྣམ་པ་གསར་བ་གཏོད་དགོས། བཞི་རུ་རེ་སྒུག་གསར་བ་དང་བསྟུན་ནས་མི་དམངས་ཀྱི་བདེ་སྐྱིད་ཆེ་རུ་གཏོང་རྒྱུའི་ཐད་ལེགས་སྐྱེས་གསར་བ་འབུལ་དགོས། ལྔ་རུ་སྟོབས་ཤུགས་གསར་བ་གཅིག་སྡུད་བྱས་ཏེ་འཐབ་ས་དང་བོའི་འདུ་ཤེས་ཟབ་ཏུ་གཏོང་བའི་ཐད་འགན་འཁྲི་གསར་བ་འཁུར་དགོས། དྲུག་དུ་བསམ་ཕྱོགས་གསར་བ་རྒྱ་ཆེར་བཏང་ནས་དངོས་སྒྲུབ་སྤྱོད་ཚུལ་ལ་ཤུགས་སྣོན་པའི་ཐད་རྣམ་པ་གསར་བ་མངོན་དགོས།
