ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ཨ་ཧྥེ་རི་ཁ་དབུས་མ་སྤྱི་མཐུན་རྒྱལ་ཁབ་ནུབ་རྒྱུད་ཀྱི་ཁ་མེ་ལུང་དང་ཀྲ་ཏི་རྒྱལ་ཁབ་གཉིས་ལ་འབྲེལ་བའི་མཐའ་མཚམས་ས་ཁུལ་གྱི་སྡེ་བ་ཞིག་ལ་ཚེས་ཉེར་གཅིག་ཉིན་གྱི་དགོང་མོར་དྲག་ཆས་མི་སྣའི་འཇབ་རྒོལ་ཐེབས་ཏེ། མི་ཉེར་དྲུག་ཙམ་རྐྱེན་ལམ་དུ་ཤོར།

ཁ་མེ་ལུང་དམག་ཕྱོགས་ཀྱི་མི་སྣས་བཤད་རྒྱུར། ཁོ་ཚོར་ཨ་ཧྥེ་རི་ཁ་དབུས་མ་སྤྱི་མཐུན་རྒྱལ་ཁབ་དམག་ཕྱོགས་ཀྱིས་འདོན་སྤྲོད་བྱས་པའི་གནས་ཚུལ་ལྟར་ན། མཚོན་ཆ་དྲག་པོ་བཟུང་བའི་དྲག་ཆས་མི་སྣས་མུའུ་ཧ་ལོ་ལོ་རིགས་ཀྱི་འབྲོག་དམངས་འདུག་སའི་པུའུ་ཙུའུ་སྡེ་བར་འཇབ་རྒོལ་བྱས་པ་དང་། འབྲོག་པ་རྣམས་ཀྱིས་རི་དྭགས་རྔོན་བྱེད་ཀྱི་མེ་མདའ་བཟུང་ནས་རྒོལ་ལན་སྤྲད། འཇབ་རྒོལ་ཁྲོད་ནས་མི་ཉེར་དྲུག་རྐྱེན་ལམ་དུ་ཤོར་བ་དང་། མི་མང་བོར་རྨས་ཕོག མིག་སྔར་འཇབ་རྒོལ་དེ་དག་གི་ཐོབ་ཐང་གསལ་བོར་མི་ཤེས་མོད། ཡིན་ན་ཡང་ཁོ་ཚོས་འཇབ་རྒོལ་བྱེད་པའི་དམིགས་ཡུལ་ནི་ཕྱུགས་ཟོག་འཕྲོག་རྒྱུ་དེ་ཡིན་ངེས་ཟེར།

ཨ་ཧྥེ་རི་ཁ་དབུས་མ་སྤྱི་མཐུན་རྒྱལ་ཁབ་ཏུ་ཡུན་རིང་བོར་ཟིང་འཁྲུག་བྱུང་བ་དང་། དྲག་ཆས་རྩ་འཛུགས་པ་ལ་ཁར་ངོ་རྒོལ་བྱེད་པ་ཞེས་པ་དང་སྔོན་ཆད་ཀྱི་དྲག་ཆས་རྩ་འཛུགས་སའེ་ལེ་ཁ་ཞེས་པའི་ཁོངས་མིའི་བར་རྒྱུན་དུ་འཁྲུག་རྩོད་འབྱུང་བཞིན་པས། མི་ཆོས་རིང་ལུགས་ཀྱི་ཉེན་ཚབས་ཆེན་པོ་བྱུང་ཡོད། ཉིས་སྟོང་བཅུ་བཞི་ལོའི་ཟླ་བཞི་བར། མཉམ་འབྲེལ་རྒྱལ་ཚོགས་བདེ་འཇགས་ལས་འཛིན་ལྷན་ཚོགས་གྲོས་ཆོད་ཅིག་ལ་གྲོས་འཆམ་བྱུང་ནས། མི་ཁྲི་གཅིག་ལས་བརྒལ་བའི་ཨ་ཧྥེ་རི་ཁ་དབུས་མའི་བརྟན་འཇགས་ཚོགས་པ་བཙུགས་པ་དང་། དེའི་ལས་འགན་སྒྲུབ་པའི་དུས་ཡུན་དེ་ཉིས་སྟོང་བཅུ་དྲུག་ལོའི་ཟླ་བཞི་བའི་ཚེས་སུམ་ཅུ་ཉིན་བར་ཇེ་རིང་དུ་བཏང་ཡོད།  །

རྩོམ་སྒྲིག་པ། ཚེ་མཁར་རྒྱལ།
རྩོམ་སྒྲིག་འགན་འཁུར་བ། གཡང་བྷ།


འབྲེལ་ཡོད་རྩོམ་ཡིག

པ་ཞི་རུ་ཆུ་རགས་རྡིབ་པའི་དོན་རྐྱེན་བྱུང་བ།

ཨ་ཧྥུའུ་ཧན་དུ་ས་འགུལ་དྲག་པོ་བྱུང་སྟེ་ཉུང་མཐར་ཡང་མི་ཉིས་བརྒྱ་དང་གྱ་གཉིས་རྐྱེན་ལམ་དུ་ཤོར་བ་དང་མེ་སྒོར་ས་ཡ་འགའི་གྱོང་གུད་ཐེབས།

དབྱི་སི་རལ་དང་ཅོར་ཏན་གྱིས་གྲོས་མཐུན་བཀོད་དེ་ཡེ་ལུའུ་སཱ་ལེམ་གནས་མཆོག་གི་ཛ་དྲག་གནས་བབ་ཞི་འཇགས་སུ་གཏོང་རྒྱུའི་ཚུལ་བསྟན།

འཇར་པན་གྱི་རྒྱལ་སྲུང་བློན་ཆེན་གྱིས་ད་ལོར་ཨོ་སི་ཁྲུ་ལི་ཡཱ་ལ་འཚམས་འདྲི་བྱས་ཏེ་རྒྱལ་ཁབ་གཉིས་ཀྱི་བདེ་སྲུང་ཁྱབ་ཁོངས་ཀྱི་མཉམ་ལས་ལ་ཤུགས་སྣོན་བྱེད་རྒྱུ་རེད།

ཨ་མེ་རི་ཁའི་ཙུང་ཐུང་གཞོན་པ་པེད་ཏིན་གྱིས་ཉིས་སྟོང་བཅུ་དྲུག་ལོའི་ཙུང་ཐུང་འདེམ་བསྐོར་ཞུགས་རྒྱུ་མིན་པ་ཁྱབ་སྒྲོག་བྱས།

བྱང་ཆིངས་རྩ་འཛུགས་ཀྱིས་གནམ་གྲུའི་ཁ་ལོ་བས་དབྱི་རག་གི་མཁའ་ཁོངས་ནས་ཨུ་རུ་སིའི་འཐབ་འཛིང་གནམ་གྲུར་ཕར་རྒོལ་བྱས་ཆོག་པའི་བཀའ་རྒྱ་བཏང་།

ཧན་གོའི་ཙུང་ཐུང་ཕེའོ་ཅིན་ཧོས་ཀྱིས་གཞི་རྒྱ་ཆེས་ཆེ་བའི་འཐུས་ཚབ་ཚོགས་པ་ཁྲིད་དེ་ཨ་མེ་རི་ཁར་འཚམས་འདྲི་བྱེད་རྒྱུ་རེད།

ཕུའུ་ཅིན་གྱིས་ཐུར་ཁེའི་འགས་གཏོར་འཇབ་རྒོལ་དོན་རྐྱེན་ཐད་ནས་འཚམས་འདྲི་བྱས་པ་དང་ཐུར་ཁེ་དང་མཉམ་ལས་བྱས་ཏེ་འཇིགས་སྐུལ་རིང་ལུགས་ལ་ཆམ་ཕབ་གཏོང་འདོད་ཡོད་པའི་ཚུལ་བསྟན།