ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ཁྲའོ་ཞན་མི་དམངས་དམག་ལྷོ་ནུབ་གཡུལ་ས་དམག་སྤྱི་ཁང་གི་མགྲིན་ཚབ་པས་ཚེས་ཉེར་གཉིས་ཉིན་གཏམ་བཤད་སྤེལ་ནས། ཧན་གོ་ཕྱོགས་ཀྱིས་ལོ་ལྔའི་སྔོན་གྱི་ཡན་ཕེན་གླིང་ཕྲན་སྟེང་གི་མེ་སྒྱོགས་འཇབ་རྒོལ་དོན་རྐྱེན་དེའི་བསླབ་བྱ་ཡིད་ལ་བཅངས་ནས། ཚེས་ཉེར་གསུམ་ཉིན་ནུབ་རྒྱུད་ཀྱི་རྩོད་གཞི་ཆེ་བའི་མཚོ་ཁོངས་ནས་ཡང་བསྐྱར་ཁྲའོ་ཞན་ཕྱོགས་ལ་འགྲན་སློང་མི་རུང་བའི་ཉེན་བརྡ་བཏང་།

མགྲིན་ཚབ་པ་དེས་བཤད་རྒྱུར། ཧན་གོ་ཕྱོགས་ཀྱིས་པད་ལིན་གླིང་ཕྲན་དང་ཡན་ཕེན་གླིང་ཕྲན་ནས་ཁྲའོ་ཞན་གྱི་ཆུ་ཁོངས་སུ་ཁ་གཏད་དེ་མེ་མདས་བརྒྱབ་སྟེ། དམག་དཔུང་གི་ངར་ཤུགས་བསྐྱེད་འདོད་འདུག་ཟེར། མགྲིན་ཚབ་པ་དེས་བཤད་རྒྱུར། ཁྲའོ་ཞན་མི་དམངས་དམག་ལྷོ་ནུབ་གཡུལ་ས་དམག་དཔུང་གི་དཔོན་དམག་གིས་མི་སུ་ལས་ཀྱང་ཞི་བདེ་ལ་གཅེས་སྤྲས་བྱེད་པ་དང་། ཞི་བདེར་གཏོར་བརླག་བྱེད་པའི་བྱ་སྤྱོད་ཡོད་ཚད་ལ་བཟོད་སྒོམ་གཏན་ནས་མི་བྱེད། གལ་ཏེ་ཧན་གོའི་དམག་ཕྱོགས་ཀྱིས་ཚེས་ཉེར་གསུམ་ཉིན་ནུབ་རྒྱུད་ཀྱི་རྩོད་གཞི་ཆེ་བའི་ཆུ་ཁོངས་ནས་ཁྲའོ་ཞན་ཕྱོགས་ལ་ཁ་གཏད་དེ་མེ་མདས་བརྒྱབ་ན། ཁྲའོ་ཞན་ཕྱོགས་ཀྱིས་སྙིང་རྗེ་སྤུ་ཙམ་ཡང་མེད་པར་དེར་རྒོལ་ལན་སྤྲོད་རྒྱུ་ཡིན་ཟེར།

ཉིས་སྟོང་བཅུ་ལོའི་ཟླ་བཅུ་གཅིག་པའི་ཚེས་ཉེར་གསུམ་ཉིན། ཧན་གོ་དང་ཁྲའོ་ཞན་ཕྱོགས་གཉིས་ཀྱིས་ཡན་ཕེན་ཕྱེད་གླིང་གི་ནུབ་རྒྱུད་མཚོ་ཁོངས་ཀྱི་རྩོད་གཞི་ཆེ་བའི་བྱང་ཕྱོགས་མཐའ་མཚམས་ཉེ་འདབས་ནས་ཕན་ཚུན་ལ་སྒྱོགས་མདེལ་འཕངས་པ་དང་། ཕྱོགས་གཉིས་ཀས་ཕ་རོལ་བས་སྔོན་ལ་སྒྱོགས་མདེལ་འཕངས་པ་རེད་ཅེས་བཤད།

ཁྲའོ་ཞན་དང་ཧན་གོའི་བར་དུ་ཁྲའོ་ཞན་ཕྱེད་གླིང་གི་ནུབ་རྒྱུད་མཚོ་ཁོངས་ཀྱི་ས་མཚམས་ཐད་ནས་རྩོད་གཞི་ཆེན་པོ་ཡོད། ཧན་གོས་ཡན་ཕེན་གླིང་ཕྲན་དང་བཅས་པའི་ནུབ་མཚོའི་གླིང་ལྔ་དང་ཁྲའོ་ཞན་ནུབ་རྒྱུད་མཚོ་འགག་བར་དུ་བྱང་ཕྱོགས་ས་རྟགས་ཞེས་པའི་མཚོ་ཐོག་ནས་རྟགས་ཤིག་བརྒྱབ་ཡོད་མོད། ཡིན་ནའང་ཁྲའོ་ཞན་ཕྱོགས་ཀྱིས་དེ་ཁས་ལེན་བཞིན་མེད་པས། ཕྱོགས་གཉིས་བར་ཐེངས་མང་བོར་མཚོ་ཐོག་ནས་འཁྲུག་རྩོད་བྱུང་མྱོང་།  །

རྩོམ་སྒྲིག་པ། ཚེ་མཁར་རྒྱལ།
རྩོམ་སྒྲིག་འགན་འཁུར་བ། གཡང་བྷ།


འབྲེལ་ཡོད་རྩོམ་ཡིག

པ་ཞི་རུ་ཆུ་རགས་རྡིབ་པའི་དོན་རྐྱེན་བྱུང་བ།

ཨ་ཧྥུའུ་ཧན་དུ་ས་འགུལ་དྲག་པོ་བྱུང་སྟེ་ཉུང་མཐར་ཡང་མི་ཉིས་བརྒྱ་དང་གྱ་གཉིས་རྐྱེན་ལམ་དུ་ཤོར་བ་དང་མེ་སྒོར་ས་ཡ་འགའི་གྱོང་གུད་ཐེབས།

དབྱི་སི་རལ་དང་ཅོར་ཏན་གྱིས་གྲོས་མཐུན་བཀོད་དེ་ཡེ་ལུའུ་སཱ་ལེམ་གནས་མཆོག་གི་ཛ་དྲག་གནས་བབ་ཞི་འཇགས་སུ་གཏོང་རྒྱུའི་ཚུལ་བསྟན།

འཇར་པན་གྱི་རྒྱལ་སྲུང་བློན་ཆེན་གྱིས་ད་ལོར་ཨོ་སི་ཁྲུ་ལི་ཡཱ་ལ་འཚམས་འདྲི་བྱས་ཏེ་རྒྱལ་ཁབ་གཉིས་ཀྱི་བདེ་སྲུང་ཁྱབ་ཁོངས་ཀྱི་མཉམ་ལས་ལ་ཤུགས་སྣོན་བྱེད་རྒྱུ་རེད།

ཨ་མེ་རི་ཁའི་ཙུང་ཐུང་གཞོན་པ་པེད་ཏིན་གྱིས་ཉིས་སྟོང་བཅུ་དྲུག་ལོའི་ཙུང་ཐུང་འདེམ་བསྐོར་ཞུགས་རྒྱུ་མིན་པ་ཁྱབ་སྒྲོག་བྱས།

བྱང་ཆིངས་རྩ་འཛུགས་ཀྱིས་གནམ་གྲུའི་ཁ་ལོ་བས་དབྱི་རག་གི་མཁའ་ཁོངས་ནས་ཨུ་རུ་སིའི་འཐབ་འཛིང་གནམ་གྲུར་ཕར་རྒོལ་བྱས་ཆོག་པའི་བཀའ་རྒྱ་བཏང་།

ཧན་གོའི་ཙུང་ཐུང་ཕེའོ་ཅིན་ཧོས་ཀྱིས་གཞི་རྒྱ་ཆེས་ཆེ་བའི་འཐུས་ཚབ་ཚོགས་པ་ཁྲིད་དེ་ཨ་མེ་རི་ཁར་འཚམས་འདྲི་བྱེད་རྒྱུ་རེད།

ཕུའུ་ཅིན་གྱིས་ཐུར་ཁེའི་འགས་གཏོར་འཇབ་རྒོལ་དོན་རྐྱེན་ཐད་ནས་འཚམས་འདྲི་བྱས་པ་དང་ཐུར་ཁེ་དང་མཉམ་ལས་བྱས་ཏེ་འཇིགས་སྐུལ་རིང་ལུགས་ལ་ཆམ་ཕབ་གཏོང་འདོད་ཡོད་པའི་ཚུལ་བསྟན།