ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། འབར་མ་རྒྱལ་ཁབ་བྱང་ཕྱོགས་ཀྱི་ཁི་ཆིན་མངའ་སྡེའི་ཕ་ཁན་གྲོང་རྡལ་གྱི་སྲིད་འཛིན་འགན་ཁུར་བ་ཝུའུ་ཏེན་རོས་མེན་གྱིས་ཚེས་བཅུ་གཉིས་ཉིན་ཞིན་ཧྭ་གསར་འགྱུར་གི་གསར་འགོད་པར་བདེན་དཔང་བྱེད་རྒྱུར། ཉིན་དེའི་ཞོགས་པའི་དུས་ཚོད་བདུན་བར་དུ། ཕ་ཁན་གྲོང་རྡལ་ཉེ་འདབས་ཀྱི་གཡང་ཊིའི་གཏེར་རི་ཉིལ་བའི་དོན་རྐྱེན་ཁྲོད་ནས་མི་དགུ་བཅུ་གོ་བཞི་རྐྱེན་ལམ་དུ་ཤོར་ཟེར།

ཕ་ཁན་གྲོང་རྡལ་གྱི་སང་ཁ་སྡེ་བའི་ཉེ་འདབས་ཀྱི་གཡང་ཊིའི་གཏེར་རི་ཞིག་ཚེས་ཉི་ཤུ་ཉིན་གྱི་ནམ་གུང་གི་དུས་ཚོད་གསུམ་དང་ཕྱེད་ཀའི་ཉིལ་ནས། ཁང་བ་བརྒྱད་ཅུ་ཙམ་འོག་ཏུ་མནན་པ་དང་། གཏེར་འདོན་པ་བརྒྱ་ཕྲག་ལྷག་གར་སོང་མ་ཤེས།

ཝུའུ་ཏེན་རོས་མེན་གྱིས་བཤད་རྒྱུར། ཚེས་ཉེར་གཅིག་ཉིན་གྱི་ནམ་གུང་། མྱུར་སྐྱོབ་མི་སྣས་བེམ་པོ་བདུན་ཅུ་དོན་དགུ་ས་འོག་ནས་བླངས་པ་དང་། ཚེས་ཉེར་གཉིས་ཉིན་གྱི་ཞོགས་པའི་དུས་ཚོད་བདུན་བར་དུ། བེམ་པོ་གོ་དགུ་ས་ཁར་བླངས། ས་དེའི་དཔོན་རིགས་དང་དང་བླངས་པ་སུམ་བརྒྱ་ཙམ་མྱུར་སྐྱོབ་ཁྲོད་ཞུགས་པ་དང་། ས་སློག་འཕྲུལ་ཆས་བཅུ་བཞི་བཀོལ། མྱུར་སྐྱོབ་བྱ་བ་ད་དུང་མུ་མཐུད་དུ་སྒྲུབ་བཞིན་ཡོད་ཟེར།

ཁོས་མཚམས་སྦྱོར་བྱེད་རྒྱུར། གཏེར་འདོན་ཀུང་ཟིས་ས་དེའི་རྒྱ་ཁྱོན་ལ་སྤྱི་ཆིངས་བརྒྱད་ཅུ་གྱ་གཅིག་ཙམ་གྱི་ས་སྟོང་དུ་གོ་མི་ཆོད་པའི་གཏེར་རྡོ་སྤུངས་ཡོད་ལ། མི་ལ་ལས་རྒྱུན་དུ་རྡོ་ཕུང་དེའི་ཁྲོད་ནས་རིན་ཐང་ཅན་གྱི་གཏེར་རྡོ་འཚོལ་བཞིན་ཡོད། ཐེངས་འདིའི་རི་ཉིལ་བའི་དོན་རྐྱེན་ཁྲོད་དུ། རྡོ་ཕུང་ཆེན་པོ་གཉིས་ཀྱི་དཀྱིལ་དུ་ཡོད་པའི་ཁང་རྙིང་དུ་བསྡད་ཡོད་པའི་མི་ཚེ་ལས་འདས་པ་ཧ་ཅང་མང་ཟེར།

ས་དེའི་སྡོད་དམངས་ཀྱིས་བཤད་རྒྱུར། ཕ་ཁན་གྲོང་རྡལ་གྱི་ཉེ་འདབས་སུ་ཉིན་རེ་རེར་རྡོ་ཕུང་ཉིལ་ནས་མི་གཅུར་བའི་དོན་རྐྱེན་འབྱུང་བཞིན་ཡོད་ལ། ད་ལོའི་ལོ་མགོར་རི་ཉིལ་བའི་དོན་རྐྱེན་ཞིག་གི་ཁྲོད་ནས། མི་ལྔ་བཅུ་རྐྱེན་ལམ་དུ་ཤོར་ཟེར།  །

རྩོམ་སྒྲིག་པ། ཚེ་མཁར་རྒྱལ།
རྩོམ་སྒྲིག་འགན་འཁུར་བ། གཡང་བྷ།


འབྲེལ་ཡོད་རྩོམ་ཡིག

པ་ཞི་རུ་ཆུ་རགས་རྡིབ་པའི་དོན་རྐྱེན་བྱུང་བ།

ཨ་ཧྥུའུ་ཧན་དུ་ས་འགུལ་དྲག་པོ་བྱུང་སྟེ་ཉུང་མཐར་ཡང་མི་ཉིས་བརྒྱ་དང་གྱ་གཉིས་རྐྱེན་ལམ་དུ་ཤོར་བ་དང་མེ་སྒོར་ས་ཡ་འགའི་གྱོང་གུད་ཐེབས།

དབྱི་སི་རལ་དང་ཅོར་ཏན་གྱིས་གྲོས་མཐུན་བཀོད་དེ་ཡེ་ལུའུ་སཱ་ལེམ་གནས་མཆོག་གི་ཛ་དྲག་གནས་བབ་ཞི་འཇགས་སུ་གཏོང་རྒྱུའི་ཚུལ་བསྟན།

འཇར་པན་གྱི་རྒྱལ་སྲུང་བློན་ཆེན་གྱིས་ད་ལོར་ཨོ་སི་ཁྲུ་ལི་ཡཱ་ལ་འཚམས་འདྲི་བྱས་ཏེ་རྒྱལ་ཁབ་གཉིས་ཀྱི་བདེ་སྲུང་ཁྱབ་ཁོངས་ཀྱི་མཉམ་ལས་ལ་ཤུགས་སྣོན་བྱེད་རྒྱུ་རེད།

ཨ་མེ་རི་ཁའི་ཙུང་ཐུང་གཞོན་པ་པེད་ཏིན་གྱིས་ཉིས་སྟོང་བཅུ་དྲུག་ལོའི་ཙུང་ཐུང་འདེམ་བསྐོར་ཞུགས་རྒྱུ་མིན་པ་ཁྱབ་སྒྲོག་བྱས།

བྱང་ཆིངས་རྩ་འཛུགས་ཀྱིས་གནམ་གྲུའི་ཁ་ལོ་བས་དབྱི་རག་གི་མཁའ་ཁོངས་ནས་ཨུ་རུ་སིའི་འཐབ་འཛིང་གནམ་གྲུར་ཕར་རྒོལ་བྱས་ཆོག་པའི་བཀའ་རྒྱ་བཏང་།

ཧན་གོའི་ཙུང་ཐུང་ཕེའོ་ཅིན་ཧོས་ཀྱིས་གཞི་རྒྱ་ཆེས་ཆེ་བའི་འཐུས་ཚབ་ཚོགས་པ་ཁྲིད་དེ་ཨ་མེ་རི་ཁར་འཚམས་འདྲི་བྱེད་རྒྱུ་རེད།

ཕུའུ་ཅིན་གྱིས་ཐུར་ཁེའི་འགས་གཏོར་འཇབ་རྒོལ་དོན་རྐྱེན་ཐད་ནས་འཚམས་འདྲི་བྱས་པ་དང་ཐུར་ཁེ་དང་མཉམ་ལས་བྱས་ཏེ་འཇིགས་སྐུལ་རིང་ལུགས་ལ་ཆམ་ཕབ་གཏོང་འདོད་ཡོད་པའི་ཚུལ་བསྟན།