ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། སིང་ཀ་ཕོར་གྱི་མཉམ་འབྲེལ་ཞོགས་པའི་ཚགས་པར་སྟེང་ཚེས་བཅུ་དྲུག་ཉིན་བཀོད་པའི་གནས་ཚུལ་ལྟར་ན། རྒྱལ་སྤྱིའི་འཇིགས་སྐུལ་རྩ་འཛུགས་དབྱི་སི་ལན་རྒྱལ་ཁབ་ཅེས་པས་ཕ་རི་སིའི་འཇིགས་སྐུལ་འཇབ་རྒོལ་དོན་རྐྱེན་དེ་ཁོ་ཚོས་བཟོས་པ་ཁས་བླངས་པ་དང་བསྟུན་ནས། དབྱེ་ཞིབ་མི་སྣ་མང་བོས་དེས་དབྱི་སི་ལན་རྒྱལ་ཁབ་ཅེས་པའི་རྩ་འཛུགས་ཉིན་རེར་སྟོབས་ཅན་དུ་འགྲོ་བའི་དུས་རིམ་གསར་བར་སླེབས་པ་མཚོན་ཡོད་ལ། དེ་ནི་རྩ་འཛུགས་དེས་ཡོ་རོབ་གླིང་ནས་སྤེལ་བའི་གཞི་རྒྱ་ཆེ་བའི་འཇབ་རྒོལ་ཡིན་པས། རྩ་འཛུགས་དེའི་འཇབ་རྒོལ་དེ་དབྱི་རག་དང་སི་རི་ཡའི་ས་གནས་རང་བཞིན་གྱི་འཇབ་རྒོལ་ནས་ཐད་ཀར་ནུབ་ཕྱོགས་རྒྱལ་ཁབ་ལ་འཇིགས་སྣང་སློང་བའི་ཚད་དུ་སླེབས་པ་མཚོན་ཡོད་ཟེར།

དབྱི་སི་ལན་རྒྱལ་ཁབ་ཅེས་པའི་རྩ་འཛུགས་ཀྱིས་ཡོ་རོབ་གླིང་ལ་འཇབ་རྒོལ་བྱེད་རྒྱུ་ཡིན་ཞེས་ཐེངས་མང་བོར་བསྒྲགས་པ་དང་། ད་ལོའི་ཟླ་བདུན་པའི་ཚེས་གཅིག་ཉིན་ད་དུང་དབྱི་སི་ལན་རྒྱལ་ཁབ་ཅེས་པའི་རྩ་འཛུགས་ཀྱི་དྲག་ཆས་མི་སྣས་ཧྥ་རན་སིའི་སྐད་ཀྱིས་རྩ་འཛུགས་དེས་ཕ་རི་སིའི་སྲང་ལམ་ནས་དམར་གསོད་བྱེད་རྒྱུ་ཡིན་ཞེས་བཤད་པའི་བརྙན་རིས་ཤིག་བསྟན་ལ། ཟླ་འདིའི་ཚེས་བཅུ་གསུམ་ཉིན་གྱི་དགོང་མོར་ཕ་རི་སིའི་ས་ཁུལ་དྲུག་ནས་དུས་མཉམ་དུ་འཇབ་རྒོལ་དོན་རྐྱེན་བྱུང་སྟེ། མི་བརྒྱ་ལྷག་རྐྱེན་ལམ་དུ་ཤོར།

འདི་ནི་དབྱི་སི་ལན་རྒྱལ་ཁབ་ཀྱིས་ཡོ་རོབ་གླིང་ལ་དམིགས་ཏེ་རྩ་འཛུགས་བྱས་པའི་གཞི་ཁྱོན་ཆེ་བའི་འཇབ་རྒོལ་ཐེངས་དང་བོ་རེད། ཨ་མེ་རི་ཁའི་ཕྱི་འབྲེལ་སྲིད་ཇུས་ཞིབ་འཇུག་ཁང་གི་མཐོ་རིམ་ཞིབ་འཇུག་པ་ཝོ་ཚིས་ཀྱིས་བཤད་རྒྱུར། དབྱི་སི་ལན་རྒྱལ་ཁབ་ཅེས་པའི་རྩ་འཛུགས་ཀྱིས་འགུལ་སྐྱོད་སྤེལ་ཡུལ་ཧྥ་རན་སི་ལ་རྒྱ་བསྐྱེད་པ་དེས། རྩ་འཛུགས་དེ་འཕེལ་རྒྱས་ཀྱི་དུས་རིམ་གསར་བར་སླེབས་པ་མཚོན་ཡོད་ལ། དབྱི་རག་དང་སི་རི་ཡའི་འཇབ་རྒོལ་གྱི་གཞི་ཁྱོན་སྔར་ལས་ཆེ་རུ་བསྐྱེད་པ་མཚོན་ཡོད་ཟེར།  །

རྩོམ་སྒྲིག་པ། ཚེ་མཁར་རྒྱལ།
རྩོམ་སྒྲིག་འགན་འཁུར་བ། གཡང་བྷ།


འབྲེལ་ཡོད་རྩོམ་ཡིག

པ་ཞི་རུ་ཆུ་རགས་རྡིབ་པའི་དོན་རྐྱེན་བྱུང་བ།

ཨ་ཧྥུའུ་ཧན་དུ་ས་འགུལ་དྲག་པོ་བྱུང་སྟེ་ཉུང་མཐར་ཡང་མི་ཉིས་བརྒྱ་དང་གྱ་གཉིས་རྐྱེན་ལམ་དུ་ཤོར་བ་དང་མེ་སྒོར་ས་ཡ་འགའི་གྱོང་གུད་ཐེབས།

དབྱི་སི་རལ་དང་ཅོར་ཏན་གྱིས་གྲོས་མཐུན་བཀོད་དེ་ཡེ་ལུའུ་སཱ་ལེམ་གནས་མཆོག་གི་ཛ་དྲག་གནས་བབ་ཞི་འཇགས་སུ་གཏོང་རྒྱུའི་ཚུལ་བསྟན།

འཇར་པན་གྱི་རྒྱལ་སྲུང་བློན་ཆེན་གྱིས་ད་ལོར་ཨོ་སི་ཁྲུ་ལི་ཡཱ་ལ་འཚམས་འདྲི་བྱས་ཏེ་རྒྱལ་ཁབ་གཉིས་ཀྱི་བདེ་སྲུང་ཁྱབ་ཁོངས་ཀྱི་མཉམ་ལས་ལ་ཤུགས་སྣོན་བྱེད་རྒྱུ་རེད།

ཨ་མེ་རི་ཁའི་ཙུང་ཐུང་གཞོན་པ་པེད་ཏིན་གྱིས་ཉིས་སྟོང་བཅུ་དྲུག་ལོའི་ཙུང་ཐུང་འདེམ་བསྐོར་ཞུགས་རྒྱུ་མིན་པ་ཁྱབ་སྒྲོག་བྱས།

བྱང་ཆིངས་རྩ་འཛུགས་ཀྱིས་གནམ་གྲུའི་ཁ་ལོ་བས་དབྱི་རག་གི་མཁའ་ཁོངས་ནས་ཨུ་རུ་སིའི་འཐབ་འཛིང་གནམ་གྲུར་ཕར་རྒོལ་བྱས་ཆོག་པའི་བཀའ་རྒྱ་བཏང་།

ཧན་གོའི་ཙུང་ཐུང་ཕེའོ་ཅིན་ཧོས་ཀྱིས་གཞི་རྒྱ་ཆེས་ཆེ་བའི་འཐུས་ཚབ་ཚོགས་པ་ཁྲིད་དེ་ཨ་མེ་རི་ཁར་འཚམས་འདྲི་བྱེད་རྒྱུ་རེད།

ཕུའུ་ཅིན་གྱིས་ཐུར་ཁེའི་འགས་གཏོར་འཇབ་རྒོལ་དོན་རྐྱེན་ཐད་ནས་འཚམས་འདྲི་བྱས་པ་དང་ཐུར་ཁེ་དང་མཉམ་ལས་བྱས་ཏེ་འཇིགས་སྐུལ་རིང་ལུགས་ལ་ཆམ་ཕབ་གཏོང་འདོད་ཡོད་པའི་ཚུལ་བསྟན།