ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། དབྱིན་ཇིའི་རྒྱང་སྒྲོག་ཀུང་ཟིས་ཚེས་གཉིས་ཉིན་བསྒྲགས་པ་ལྟར་ན། ཨུ་རུ་སིའི་མཁའ་འགྲུལ་ཀུང་ཟིའི་ཁོ་ཅ་ལེ་མུའུ་ཟེར་བའི་ལས་བཟོ་བ་དེས་ཨེ་ཅིབ་ནས་ཐང་ལ་ལྷུང་བའི་འགྲུལ་སྐྱེལ་གནམ་གྲུ་དེ་ནི་ཕྱིའི་བྱ་འགུལ་གྱིས་ཐང་ལ་འཕངས་སྲིད་ཅེས་བཤད་ཟེར།

ཨུ་རུ་སིའི་འགྲུལ་སྐྱེལ་གནམ་གྲུ་ཞིག་གཟའ་འཁོར་སྔོན་མའི་གཟའ་སྤེན་པའི་ཉིན་ཨེ་ཅིབ་ཀྱི་ཞི་ནའེ་གླིང་ཕྲན་ནས་ཐང་ལ་ལྷུང་སྟེ། གནམ་གྲུའི་སྟེང་གི་མི་ཉིས་བརྒྱ་དང་ཉེར་བཞི་བོ་ཚང་མ་རྐྱེན་ལམ་དུ་ཤོར། མཁའ་འགྲུལ་ཀུང་ཟིའི་དཔོན་རིགས་ཤིག་གིས་ལུགས་མཐུན་གྱི་འགྲེལ་བཤད་ཉག་ཅིག་ནི་ཕྱིའི་བྱ་འགུལ་གྱིས་གནམ་གྲུ་དེ་ཐང་ལ་འཕངས་པ་དེ་ཡིན་ཞེས་བཤད།

ཨུ་རུ་སིའི་མཁའ་འགྲུལ་ཀུང་ཟིའི་ལས་བཟོ་བ་ཞིག་གིས་བཤད་རྒྱུར། གནམ་གྲུ་ལ་གས་སྲུབས་ཤོར་བ་དང་ཡང་ན་མ་ལག་ཅིག་གི་ནུས་པ་ཉམས་པ། ཡང་ན་སྣུམ་གྱི་སྤུས་ཚད་མི་བཟང་བ་གང་ཡིན་རུང་ཆག་སྒོ་དེ་འདྲ་ཞིག་འབྱུང་མི་སྲིད། ཆག་སྒོ་འབྱུང་དུས་གནམ་གྲུ་དེར་ཁ་ལོ་བྱེད་ཐབས་བྲལ་བས། དེ་ནི་འཕུར་བཞིན་མེད་པར་ཐང་ལ་ལྷུང་བཞིན་ཡོད་པ་རེད་ཟེར།

ཨུ་རུ་སིའི་མཁའ་འགྲུལ་ཀུང་ཟིའི་སྤྱི་གཉེར་བ་གཞོན་པ་མེར་ནོ་ཧྥུའུ་ཡིས་བཤད་རྒྱུར། གནམ་གྲུའི་སྟེང་གི་བྱ་བ་སྒྲུབ་མཁན་གྱིས་ཉེན་ཁའི་བརྡ་མ་བཏང་བར་བལྟས་ན། ཆག་སྒོ་འབྱུང་སྐབས་གནམ་གྲུ་དེ་ཚོད་འཛིན་ལས་བྲལ་ཡོད་པ་ཤེས་ཐུབ་ཟེར།

ཆག་སྒོ་བྱུང་བའི་འགྲུལ་སྐྱེལ་གནམ་གྲུའི་སྟེང་གི་གཞི་གྲངས་སྒམ་ཆུང་གཉིས་རྙེད་ཟིན་པ་དང་། མཁའ་འགྲུལ་ཆེད་མཁས་པས་སྒམ་ཆུང་གི་གཞི་གྲངས་ལ་ཞིབ་འཇུག་བྱེད་བཞིན་ཡོད་མོད། ཡིན་ནའང་མཇུག་མཐའི་སྡོམ་ཚིག་འགོད་པར་ད་དུང་གཟའ་འཁོར་འགར་སྒུག་དགོས།

ཨ་མེ་རི་ཁའི་རྒྱལ་ཁབ་གསང་འཕྲིན་སྤྱིའི་ལྟ་སྐུལ་བ་ཁི་ལ་པོ་ཡིས་བཤད་རྒྱུར། མིག་སྔར་དོན་རྐྱེན་དེ་འཇིགས་སྐུལ་འཇབ་རྒོལ་དང་འབྲེལ་བ་ཡོད་པའི་ཐད་ཀར་གྱི་བདེན་དཔང་མེད་ཟེར།

ཨུ་རུ་སིའི་ཁི་ལིན་མུའུ་ལིན་ཕོ་བྲང་གི་མགྲིན་ཚབ་པ་ཞིག་གིས་འཇིགས་སྐུལ་བྱ་འགུལ་གྱིས་གནམ་གྲུ་ཐང་ལ་འཕངས་པ་ཡང་ཡིན་སྲིད་ཅེས་བཤད།

དེ་དང་མཉམ་དུ་མོ་སི་ཁོ་ནས་བསྡུས་པའི་གསར་འགྱུར་སྒྲོག་སྤེལ་ཚོགས་འདུ་ཞིག་གི་སྟེང་ཡང་། འབྲེལ་ཡོད་འགན་ཁུར་པས་གནམ་གྲུ་དེར་ལག་རྩལ་ཐད་ཀྱི་སྐྱོན་ཆ་དང་ཁ་ལོ་བའི་སྐྱོན་ཆ་བྱུང་བ་མིན་པར་ཐག་བཅད། ཁོ་ཚོས་བཤད་རྒྱུར། ལུགས་མཐུན་གྱི་འགྲེལ་བཤད་ཉག་ཅིག་ནི་གནམ་གྲུ་བར་སྣང་ནས་འགས་གཏོར་བྱུང་བ་དེས་དེར་གཏོར་བརླག་ཐེབས་པ་མཚོན་ཐུབ་སྟེ། རྒྱུ་མཚན་ནི་གནམ་གྲུའི་མ་ལག་གི་སྐྱོན་ཆས་གནམ་གྲུ་དེ་བར་སྣང་ནས་དུམ་བུ་གཉིས་སུ་གཏོང་མི་ཐུབ་ཟེར།  །

རྩོམ་སྒྲིག་པ། ཚེ་མཁར་རྒྱལ།
རྩོམ་སྒྲིག་འགན་འཁུར་བ། གཡང་བྷ།


འབྲེལ་ཡོད་རྩོམ་ཡིག

པ་ཞི་རུ་ཆུ་རགས་རྡིབ་པའི་དོན་རྐྱེན་བྱུང་བ།

ཨ་ཧྥུའུ་ཧན་དུ་ས་འགུལ་དྲག་པོ་བྱུང་སྟེ་ཉུང་མཐར་ཡང་མི་ཉིས་བརྒྱ་དང་གྱ་གཉིས་རྐྱེན་ལམ་དུ་ཤོར་བ་དང་མེ་སྒོར་ས་ཡ་འགའི་གྱོང་གུད་ཐེབས།

དབྱི་སི་རལ་དང་ཅོར་ཏན་གྱིས་གྲོས་མཐུན་བཀོད་དེ་ཡེ་ལུའུ་སཱ་ལེམ་གནས་མཆོག་གི་ཛ་དྲག་གནས་བབ་ཞི་འཇགས་སུ་གཏོང་རྒྱུའི་ཚུལ་བསྟན།

འཇར་པན་གྱི་རྒྱལ་སྲུང་བློན་ཆེན་གྱིས་ད་ལོར་ཨོ་སི་ཁྲུ་ལི་ཡཱ་ལ་འཚམས་འདྲི་བྱས་ཏེ་རྒྱལ་ཁབ་གཉིས་ཀྱི་བདེ་སྲུང་ཁྱབ་ཁོངས་ཀྱི་མཉམ་ལས་ལ་ཤུགས་སྣོན་བྱེད་རྒྱུ་རེད།

ཨ་མེ་རི་ཁའི་ཙུང་ཐུང་གཞོན་པ་པེད་ཏིན་གྱིས་ཉིས་སྟོང་བཅུ་དྲུག་ལོའི་ཙུང་ཐུང་འདེམ་བསྐོར་ཞུགས་རྒྱུ་མིན་པ་ཁྱབ་སྒྲོག་བྱས།

བྱང་ཆིངས་རྩ་འཛུགས་ཀྱིས་གནམ་གྲུའི་ཁ་ལོ་བས་དབྱི་རག་གི་མཁའ་ཁོངས་ནས་ཨུ་རུ་སིའི་འཐབ་འཛིང་གནམ་གྲུར་ཕར་རྒོལ་བྱས་ཆོག་པའི་བཀའ་རྒྱ་བཏང་།

ཧན་གོའི་ཙུང་ཐུང་ཕེའོ་ཅིན་ཧོས་ཀྱིས་གཞི་རྒྱ་ཆེས་ཆེ་བའི་འཐུས་ཚབ་ཚོགས་པ་ཁྲིད་དེ་ཨ་མེ་རི་ཁར་འཚམས་འདྲི་བྱེད་རྒྱུ་རེད།

ཕུའུ་ཅིན་གྱིས་ཐུར་ཁེའི་འགས་གཏོར་འཇབ་རྒོལ་དོན་རྐྱེན་ཐད་ནས་འཚམས་འདྲི་བྱས་པ་དང་ཐུར་ཁེ་དང་མཉམ་ལས་བྱས་ཏེ་འཇིགས་སྐུལ་རིང་ལུགས་ལ་ཆམ་ཕབ་གཏོང་འདོད་ཡོད་པའི་ཚུལ་བསྟན།