ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ཧྥ་རན་སིའི་ཙུང་ཐུང་ཨོ་ལིང་ཏི་ཡིས་ཟླ་བཅུ་བའི་ཚེས་སུམ་ཅུའི་ཉིན་བསྟན་དོན། རྒྱུན་ཆད་མེད་པར་ཡོང་བའི་ཡུལ་གྱར་བའི་རླབས་རྒྱུན་གྱི་མདུན་ནས། ཡོ་རོབ་གླིང་མནའ་འབྲེལ་གྱི་ཁོངས་གཏོགས་རྒྱལ་ཁབ་དག་གིས་ཡོ་རོབ་གླིང་མནའ་འབྲེལ་ནང་ཁུལ་དུ་བར་གྱང་ལས་མི་རུང་བ་དང་། ཡོ་རོབ་གླིང་མནའ་འབྲེལ་གྱི་མཐའ་མཚམས་དམག་དཔུང་བེད་སྤྱོད་པ་སོགས་ཀྱི་ཐབས་ལ་བརྟེན་ནས་མཐའ་མཚམས་ལ་སྲུང་སྐྱོབ་བྱེད་དགོས་ཟེར།

ཨོ་ལིང་ཏི་ཡིས་ཉིན་དེར་ཙུང་ཐུང་བཞུགས་ཤག་ནས་ཨོ་སི་ཁྲུ་རི་ཡཱའི་ཙུང་ལི་ཧྥ་དབྱེ་མན་ལ་ཐུག་འཕྲད་བྱས་རྗེས་བསྡུས་པའི་གསར་འགོད་པའི་སྣེ་ལེན་ཚོགས་འདུའི་སྟེང་གོང་གི་སྐད་ཆ་དེ་བཤད་པ་རེད། ཨོ་ལིང་ཏི་ཡིས་ད་རུང་ཨོ་སི་ཁྲུ་རི་ཡཱའི་མི་དམངས་ལ་གུས་སེམས་བསྟན་པ་དང་། ཨོ་སི་ཁྲུ་རི་ཡཱ་ཡིས་འབད་པ་ཆེན་པོ་བྱས་ཏེ་ཡུལ་གྱར་བར་སྣེ་ལེན་བྱས་ཏེ། ཡུལ་གྱར་བའི་ལ་རྒྱར་སྲུང་སྐྱོབ་བྱས་པ་རེད་ཟེར། ཧྥ་དབྱེ་མན་གྱིས་གསར་འགོད་པའི་སྣེ་ལེན་ཚོགས་འདུའི་སྟེང་བསྟན་དོན། ཡོ་རོབ་གླིང་མནའ་འབྲེལ་གྱིས་ཐུན་མོང་འགུལ་སྐྱོད་སྤེལ་ན་ད་གཟོད་ཡུལ་གྱར་བའི་གནད་དོན་ཐག་གཅོད་བྱེད་ཐུབ་ཟེར།

ཡོ་རོབ་གླིང་མནའ་འབྲེལ་ཨུ་ཡོན་ལྷན་ཁང་གིས་ཟླ་བཅུ་བའི་ཚེས་ཉེར་ལྔ་ཉིན་ཡོ་རོབ་གླིང་གི་རྒྱལ་ཁབ་རེ་འགའི་མགོ་ཁྲིད་པའི་དམིགས་བསལ་གྲོས་ཚོགས་བསྡུས་ཏེ། ཉིན་རེར་ཚབས་ཆེན་དུ་འགྱུར་བཞིན་པའི་ཡུལ་གྱར་བའི་ཉམས་ཉེན་ལ་གྲོས་བསྡུར་བྱས། གྲོས་ཚོགས་ལ་ཞུགས་པའི་ཕྱོགས་ཁག་སོ་སོས་འགུལ་སྐྱོད་འཆར་གཞི་བཅུ་བདུན་གཏན་འབེབས་བྱས་པ་དང་། དེའི་དམིགས་ཡུལ་ནི་པཱ་ཨར་ཀན་ས་ཁུལ་གྱི་རྒྱལ་ཁབ་དག་གི་ཡུལ་གྱར་བའི་གནོན་ཤུགས་ཇེ་ཡང་དུ་གཏོང་བའི་ཆེད་དུ་རེད།  །

རྩོམ་སྒྲིག་པ། ཚེ་མཁར་རྒྱལ།
རྩོམ་སྒྲིག་འགན་འཁུར་བ། གཡང་བྷ།


འབྲེལ་ཡོད་རྩོམ་ཡིག

པ་ཞི་རུ་ཆུ་རགས་རྡིབ་པའི་དོན་རྐྱེན་བྱུང་བ།

ཨ་ཧྥུའུ་ཧན་དུ་ས་འགུལ་དྲག་པོ་བྱུང་སྟེ་ཉུང་མཐར་ཡང་མི་ཉིས་བརྒྱ་དང་གྱ་གཉིས་རྐྱེན་ལམ་དུ་ཤོར་བ་དང་མེ་སྒོར་ས་ཡ་འགའི་གྱོང་གུད་ཐེབས།

དབྱི་སི་རལ་དང་ཅོར་ཏན་གྱིས་གྲོས་མཐུན་བཀོད་དེ་ཡེ་ལུའུ་སཱ་ལེམ་གནས་མཆོག་གི་ཛ་དྲག་གནས་བབ་ཞི་འཇགས་སུ་གཏོང་རྒྱུའི་ཚུལ་བསྟན།

འཇར་པན་གྱི་རྒྱལ་སྲུང་བློན་ཆེན་གྱིས་ད་ལོར་ཨོ་སི་ཁྲུ་ལི་ཡཱ་ལ་འཚམས་འདྲི་བྱས་ཏེ་རྒྱལ་ཁབ་གཉིས་ཀྱི་བདེ་སྲུང་ཁྱབ་ཁོངས་ཀྱི་མཉམ་ལས་ལ་ཤུགས་སྣོན་བྱེད་རྒྱུ་རེད།

ཨ་མེ་རི་ཁའི་ཙུང་ཐུང་གཞོན་པ་པེད་ཏིན་གྱིས་ཉིས་སྟོང་བཅུ་དྲུག་ལོའི་ཙུང་ཐུང་འདེམ་བསྐོར་ཞུགས་རྒྱུ་མིན་པ་ཁྱབ་སྒྲོག་བྱས།

བྱང་ཆིངས་རྩ་འཛུགས་ཀྱིས་གནམ་གྲུའི་ཁ་ལོ་བས་དབྱི་རག་གི་མཁའ་ཁོངས་ནས་ཨུ་རུ་སིའི་འཐབ་འཛིང་གནམ་གྲུར་ཕར་རྒོལ་བྱས་ཆོག་པའི་བཀའ་རྒྱ་བཏང་།

ཧན་གོའི་ཙུང་ཐུང་ཕེའོ་ཅིན་ཧོས་ཀྱིས་གཞི་རྒྱ་ཆེས་ཆེ་བའི་འཐུས་ཚབ་ཚོགས་པ་ཁྲིད་དེ་ཨ་མེ་རི་ཁར་འཚམས་འདྲི་བྱེད་རྒྱུ་རེད།

ཕུའུ་ཅིན་གྱིས་ཐུར་ཁེའི་འགས་གཏོར་འཇབ་རྒོལ་དོན་རྐྱེན་ཐད་ནས་འཚམས་འདྲི་བྱས་པ་དང་ཐུར་ཁེ་དང་མཉམ་ལས་བྱས་ཏེ་འཇིགས་སྐུལ་རིང་ལུགས་ལ་ཆམ་ཕབ་གཏོང་འདོད་ཡོད་པའི་ཚུལ་བསྟན།