ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། མཉམ་འབྲེལ་རྒྱལ་ཚོགས་ཀྱི་དྲུང་ཡིག་ཆེན་མོ་ཕན་ཅི་ཝུན་གྱིས་ཟླ་བཅུ་བའི་ཚེས་ཉེར་དགུའི་ཉིན་མགྲིན་ཚབ་པ་བརྒྱུད་དེ་གསལ་སྒྲོག་སྤེལ་ནས། ཐན་ཙན་ནི་ཡཱ་རྒྱལ་ཁབ་ཀྱིས་ཞི་བ་དང་གོ་རིམ་ལྡན་པའི་སྒོ་ནས་འདེམ་བསྐོའི་བྱ་འགུལ་སྤེལ་བར་རྟེན་འབྲེལ་ཞུས་པ་དང་། སིང་ཀེ་པཱ་ཨར་གྱི་གནས་བབ་ལ་སེམས་ཁུར་བྱེད་པའི་ཚུལ་བསྟན།

གསལ་སྒྲོག་ལས་བཤད་རྒྱུར། ཕན་ཅི་ཝུན་གྱིས་ཐན་ཙན་ནི་ཡཱའི་མི་དམངས་དང་སྲིད་གཞུང་། ཆབ་སྲིད་ཏང་ཁག་སོ་སོར་རྟེན་འབྲེལ་ཞུས། ཐན་ཙན་ནི་ཡཱའི་སྤྱི་དམངས་ཀྱིས་འདེམ་ཤོག་འཕེན་པའི་དབང་ཆ་ལག་བསྟར་བྱས་ཏེ་འདེམ་ཤོག་འཕང་བའི་མཇུག་འབྲས་ལ་སྒུག་ཡོད་པ་དང་། ཁོ་ཚོའི་འགན་ཁུར་བའི་བྱ་སྤྱོད་དེ་ལས་ཁོ་ཚོས་དམངས་གཙོ་དང་ཞི་བདེ། བརྟན་འཇགས་བཅས་ཐད་ཀྱི་དམ་བཅའ་ལག་བསྟར་བྱེད་བཞིན་ཡོད་ཟེར།

གསལ་སྒྲོག་ལས་བཤད་རྒྱུར། ཕན་ཅི་ཝུན་གྱིས་སིང་ཀེ་པཱ་ཨར་གྱི་གནས་བབ་ལ་སེམས་ཁུར་བྱེད་བཞིན་ཡོད་པར་མ་ཟད། འདེམ་བསྐོའི་འཕེལ་རིམ་ཁྲོད་ཀྱི་འབྲེལ་ཡོད་རྩོད་གླེང་གང་ཡིན་ཡང་བཅའ་ཁྲིམས་ཀྱི་ཁྱབ་ཁོངས་སུ་ཞི་བ་དང་མངོན་གསལ་གྱིས་ཐག་གཅོད་བྱེད་དགོས་པ་ནན་བཤད་བྱས། ཁོས་ཕྱོགས་སོ་སོས་རང་ཚོད་བཟུང་ཞིང་དྲག་ཤུགས་བསྐྱུར་ནས། གནས་བབ་སྔར་ལས་ཛ་དྲག་ཏུ་འགྱུར་བའི་གཏམ་བརྗོད་སོགས་སྤེལ་མི་རུང་བའི་འབོད་སྐུལ་བཏང་།

ཐན་ཙན་ནི་ཡཱ་མཉམ་འབྲེལ་སྤྱི་མཐུན་རྒྱལ་ཁབ་དེ་ཐན་ཀཱ་ནེ་ཁཱ་དང་སིང་ཀེ་པཱ་ཨར་གླིང་ཕྲན་ཁག་གཉིས་ཀྱིས་གྲུབ་ཡོད། རང་སྐྱོང་ཕྱེད་ཙམ་གྱི་ས་ཁུལ་ཡིན་པའི་ཆ་ནས། སིང་ཀེ་པཱ་ཨར་ལ་རང་ཉིད་ཀྱི་སྲིད་གཞུང་དང་གྲོས་ཁང་ཡོད་པ་དང་། ཐན་ཙན་ནི་ཡཱའི་འདེམ་བསྐོའི་བྱ་འགུལ་ཆེན་མོས་ཟླ་བཅུ་བའི་ཚེས་ཉེར་ལྔ་ཉིན་ནས་བཟུང་འདེམ་ཤོག་འཕེན་མགོ་བརྩམས་པ་དང་། རྒྱལ་ཁབ་དེའི་ཙུང་ཐུང་གསར་བ་དང་། རྒྱལ་དམངས་གྲོས་ཁང་གི་གྲོས་མི། ས་གནས་གྲོས་མི་བཅས་འདེམ་བསྐོ་བྱས། སིང་ཀེ་པཱ་ཨར་གྱིས་ཀྱང་དུས་མཉམ་དུ་ཙུང་ཐུང་གསར་བ་དང་གསར་བརྗེ་ཨུ་ཡོན་ལྷན་ཁང་གི་ཨུ་ཡོན། མི་དམངས་འཐུས་མིའི་ཚོགས་ཆེན་གྱི་གྲོས་མི་བཅས་འདེམ་བསྐོ་བྱས་པ་རེད།

ཐན་ཙན་ནི་ཡཱའི་རྒྱལ་ཁབ་འདེམ་བསྐོ་ཨུ་ཡོན་ལྷན་ཁང་གིས་ཟླ་བཅུ་བའི་ཚེས་ཉེར་དགུའི་ཉིན་ཁྱབ་སྒྲོག་བྱས་དོན། སྲིད་འཛིན་ཏང་གསར་བརྗེའི་ཏང་གི་འདེམ་སྒུག་མི་སྣ་མཱ་ཀུའུ་ཧྥུའུ་ལེ་ཙུང་ཐུང་གསར་བར་བདམས་ཟེར། སིང་ཀེ་པཱ་ཨར་གྱི་འདེམ་བསྐོའི་ཨུ་ཡོན་ལྷན་ཁང་གིས་ཟླ་བཅུ་བའི་ཚེས་ཉེར་བརྒྱད་ཉིན་བཤད་རྒྱུར། སིང་ཀེ་པཱ་ཨར་ནས་སྤེལ་བའི་འདེམ་བསྐོའི་ཁྲོད་ཁྲིམས་འགལ་གྱི་བྱ་སྤྱོད་ཡོད་པས་འདེམ་བསྐོའི་མཇུག་འབྲས་ནུས་མེད་དུ་གྱུར་བས། ཡང་བསྐྱར་འདེམ་བསྐོ་བྱེད་དགོས་ཟེར།  །

རྩོམ་སྒྲིག་པ། ཚེ་མཁར་རྒྱལ།
རྩོམ་སྒྲིག་འགན་འཁུར་བ། གཡང་བྷ།


འབྲེལ་ཡོད་རྩོམ་ཡིག

པ་ཞི་རུ་ཆུ་རགས་རྡིབ་པའི་དོན་རྐྱེན་བྱུང་བ།

ཨ་ཧྥུའུ་ཧན་དུ་ས་འགུལ་དྲག་པོ་བྱུང་སྟེ་ཉུང་མཐར་ཡང་མི་ཉིས་བརྒྱ་དང་གྱ་གཉིས་རྐྱེན་ལམ་དུ་ཤོར་བ་དང་མེ་སྒོར་ས་ཡ་འགའི་གྱོང་གུད་ཐེབས།

དབྱི་སི་རལ་དང་ཅོར་ཏན་གྱིས་གྲོས་མཐུན་བཀོད་དེ་ཡེ་ལུའུ་སཱ་ལེམ་གནས་མཆོག་གི་ཛ་དྲག་གནས་བབ་ཞི་འཇགས་སུ་གཏོང་རྒྱུའི་ཚུལ་བསྟན།

འཇར་པན་གྱི་རྒྱལ་སྲུང་བློན་ཆེན་གྱིས་ད་ལོར་ཨོ་སི་ཁྲུ་ལི་ཡཱ་ལ་འཚམས་འདྲི་བྱས་ཏེ་རྒྱལ་ཁབ་གཉིས་ཀྱི་བདེ་སྲུང་ཁྱབ་ཁོངས་ཀྱི་མཉམ་ལས་ལ་ཤུགས་སྣོན་བྱེད་རྒྱུ་རེད།

ཨ་མེ་རི་ཁའི་ཙུང་ཐུང་གཞོན་པ་པེད་ཏིན་གྱིས་ཉིས་སྟོང་བཅུ་དྲུག་ལོའི་ཙུང་ཐུང་འདེམ་བསྐོར་ཞུགས་རྒྱུ་མིན་པ་ཁྱབ་སྒྲོག་བྱས།

བྱང་ཆིངས་རྩ་འཛུགས་ཀྱིས་གནམ་གྲུའི་ཁ་ལོ་བས་དབྱི་རག་གི་མཁའ་ཁོངས་ནས་ཨུ་རུ་སིའི་འཐབ་འཛིང་གནམ་གྲུར་ཕར་རྒོལ་བྱས་ཆོག་པའི་བཀའ་རྒྱ་བཏང་།

ཧན་གོའི་ཙུང་ཐུང་ཕེའོ་ཅིན་ཧོས་ཀྱིས་གཞི་རྒྱ་ཆེས་ཆེ་བའི་འཐུས་ཚབ་ཚོགས་པ་ཁྲིད་དེ་ཨ་མེ་རི་ཁར་འཚམས་འདྲི་བྱེད་རྒྱུ་རེད།

ཕུའུ་ཅིན་གྱིས་ཐུར་ཁེའི་འགས་གཏོར་འཇབ་རྒོལ་དོན་རྐྱེན་ཐད་ནས་འཚམས་འདྲི་བྱས་པ་དང་ཐུར་ཁེ་དང་མཉམ་ལས་བྱས་ཏེ་འཇིགས་སྐུལ་རིང་ལུགས་ལ་ཆམ་ཕབ་གཏོང་འདོད་ཡོད་པའི་ཚུལ་བསྟན།