ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ཁོ་ཐེ་ཏི་ཝོར་གྱི་ཙུང་ཐུང་འདེམ་བསྐོ་ཆེན་མོའི་འདེམ་ཤོག་འཕེན་པའི་བྱ་འགུལ་དེ་ཚེས་ཉེར་ལྔ་ཉིན་གྱི་དུས་ཚོད་བདུན་སྟེང་མཇུག་སྒྲིལ། འདེམ་དམངས་ས་ཡ་དྲུག་དང་འབུམ་གསུམ་ལྷག་འདེམ་ཤོག་འཕེན་ས་ཁྲི་གཉིས་སུ་སོང་ནས་འདེམ་ཤོག་འཕང་། འདེམ་དམངས་ཀྱིས་འདེམ་ཤོག་འཕེན་པའི་བྱ་བ་དེ་བརྟན་འཇགས་དང་གོ་རིམ་ལྡན་པའི་སྒོ་ནས་སྤེལ་བ་དང་། འདེམ་བསྐོར་བཀག་འགོག་བྱེད་པ་སོགས་ཀྱི་གནས་ཚུལ་བྱུང་མེད། སྐབས་འདིའི་ཁོ་ཐེ་ཏི་ཝོར་གྱི་ཙུང་ཐུང་གི་འདེམ་བསྐོར་འདེམ་སྒུག་མི་སྣ་བདུན་གྱིས་འགྲན་རྩོད་བྱེད་རྒྱུ་ཡིན་པ་དང་། ད་ལྟའི་ཙུང་ཐུང་། ཁོ་ཐེ་ཏི་ཝོར་གྱི་སྤྱི་མཐུན་མི་སྣའི་མནའ་འབྲེལ་ཏང་གི་འདེམ་སྒུག་མི་སྣ་ཝ་ཐཱ་ལཱ་དང་མི་དམངས་འཐབ་ཕྱོགས་ཏང་གི་ཀྲུའུ་ཞི་ཨིན་ཀའེ་སིང་གིས་འགྲན་རྩོད་བྱེད་རྒྱུ་རེད། འདེམ་བསྐོའི་མཇུག་འབྲས་དེ་འདེམ་ཤོག་འཕང་རྗེས་ཀྱི་ཉིན་ལྔའི་ནང་ཁྱབ་སྒྲོག་བྱེད་རྒྱུ་རེད།  །

རྩོམ་སྒྲིག་པ། ཚེ་མཁར་རྒྱལ།
རྩོམ་སྒྲིག་འགན་འཁུར་བ། གཡང་བྷ།


འབྲེལ་ཡོད་རྩོམ་ཡིག

པ་ཞི་རུ་ཆུ་རགས་རྡིབ་པའི་དོན་རྐྱེན་བྱུང་བ།

ཨ་ཧྥུའུ་ཧན་དུ་ས་འགུལ་དྲག་པོ་བྱུང་སྟེ་ཉུང་མཐར་ཡང་མི་ཉིས་བརྒྱ་དང་གྱ་གཉིས་རྐྱེན་ལམ་དུ་ཤོར་བ་དང་མེ་སྒོར་ས་ཡ་འགའི་གྱོང་གུད་ཐེབས།

དབྱི་སི་རལ་དང་ཅོར་ཏན་གྱིས་གྲོས་མཐུན་བཀོད་དེ་ཡེ་ལུའུ་སཱ་ལེམ་གནས་མཆོག་གི་ཛ་དྲག་གནས་བབ་ཞི་འཇགས་སུ་གཏོང་རྒྱུའི་ཚུལ་བསྟན།

འཇར་པན་གྱི་རྒྱལ་སྲུང་བློན་ཆེན་གྱིས་ད་ལོར་ཨོ་སི་ཁྲུ་ལི་ཡཱ་ལ་འཚམས་འདྲི་བྱས་ཏེ་རྒྱལ་ཁབ་གཉིས་ཀྱི་བདེ་སྲུང་ཁྱབ་ཁོངས་ཀྱི་མཉམ་ལས་ལ་ཤུགས་སྣོན་བྱེད་རྒྱུ་རེད།

ཨ་མེ་རི་ཁའི་ཙུང་ཐུང་གཞོན་པ་པེད་ཏིན་གྱིས་ཉིས་སྟོང་བཅུ་དྲུག་ལོའི་ཙུང་ཐུང་འདེམ་བསྐོར་ཞུགས་རྒྱུ་མིན་པ་ཁྱབ་སྒྲོག་བྱས།

བྱང་ཆིངས་རྩ་འཛུགས་ཀྱིས་གནམ་གྲུའི་ཁ་ལོ་བས་དབྱི་རག་གི་མཁའ་ཁོངས་ནས་ཨུ་རུ་སིའི་འཐབ་འཛིང་གནམ་གྲུར་ཕར་རྒོལ་བྱས་ཆོག་པའི་བཀའ་རྒྱ་བཏང་།

ཧན་གོའི་ཙུང་ཐུང་ཕེའོ་ཅིན་ཧོས་ཀྱིས་གཞི་རྒྱ་ཆེས་ཆེ་བའི་འཐུས་ཚབ་ཚོགས་པ་ཁྲིད་དེ་ཨ་མེ་རི་ཁར་འཚམས་འདྲི་བྱེད་རྒྱུ་རེད།

ཕུའུ་ཅིན་གྱིས་ཐུར་ཁེའི་འགས་གཏོར་འཇབ་རྒོལ་དོན་རྐྱེན་ཐད་ནས་འཚམས་འདྲི་བྱས་པ་དང་ཐུར་ཁེ་དང་མཉམ་ལས་བྱས་ཏེ་འཇིགས་སྐུལ་རིང་ལུགས་ལ་ཆམ་ཕབ་གཏོང་འདོད་ཡོད་པའི་ཚུལ་བསྟན།