ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ནེ་ཀྲི་རི་ཡཱའི་ཙུང་ཐུང་ཆའོ་ནཱ་སིན་གྱིས་ཚེས་བཅུ་དྲུག་ཉིན་གསལ་སྒྲོག་སྤེལ་ཏེ། རྒྱལ་དམངས་ཀྱིས་མཐུན་སྒྲིལ་བྱས་ནས་ཐལ་སྤྱོད་རྩ་འཛུགས་པའོ་ཁི་གནས་མཆོག་ཅེས་པ་དང་འཐབ་རྩོད་བྱེད་དགོས་པའི་འབོད་སྐུལ་བཏང་།
ཆའོ་ནཱ་སིན་གྱིས་གསལ་སྒྲོག་ནང་བཤད་རྒྱུར། ནེ་ཀྲི་རི་ཡཱའི་མི་དམངས་མཐུན་སྒྲིལ་བྱས་ཏེ། ཉེས་མེད་ཀྱི་ཚེ་སྲོག་གང་འདོད་དུ་དམར་གསོད་གཏོང་བའི་འཇིགས་སྐུལ་ཉེས་ཅན་ལ་འཐབ་རྩོད་བྱས་ནས། ཁོ་ཚོར་སྦས་སྐོང་བྱེད་སའི་གནས་མེད་པར་བྱེད་དགོས་ཟེར།
གསལ་སྒྲོག་ལས་ནན་གྱིས་བསྟན་དོན། ནེ་ཀྲི་རི་ཡཱ་རྒྱལ་ཁབ་ལ་ད་ལྟའི་གནས་ཚུལ་འདི་འདྲ་བྱུང་མ་མྱོང་བ་དང་། ཁོར་ཡུག་འདི་འདྲའི་འོག་མི་རྣམས་ཀྱིས་སེམས་བདེ་མོས་འཚོ་བ་རོལ་ཐབས་མེད་པ་དང་རང་ཉིད་ཀྱི་ཕུགས་འདུན་མངོན་འགྱུར་བྱེད་ཐབས་མེད། དེ་ཡོད་ཚད་ནི་པའོ་ཁི་གནས་མཆོག་ཅེས་པའི་ཐལ་སྤྱོད་རྩ་འཛུགས་ཀྱིས་བཟོས་པ་རེད། ང་ཚོས་ཁོ་ཚོ་དང་འཐབ་རྩོ་བྱས་ཏེ་ཁོ་ཚོ་ལས་རྣམ་པར་རྒྱལ་བ་དང་། ཁོ་ཚོ་ནེ་ཀྲི་རི་ཡཱའི་མངའ་ཁོངས་ནས་རྩ་མེད་དུ་གཏོང་དགོས། ང་ཚོས་རྒྱལ་ཁབ་གཞན་པའི་སྲིད་གཞུང་གིས་ང་ཚོར་རྒྱབ་སྐྱོར་བྱས་པར་བཀའ་དྲིན་ཞུས།
ཆའོ་ནཱ་སིན་གྱིས་ནེ་ཀྲི་རི་ཡཱའི་རྒྱལ་དམངས་མཐུན་སྒྲིལ་བྱས་ཏེ། མཉམ་དུ་རང་ཉིད་ཀྱི་གམ་དུ་སྦས་སྐོང་བྱས་ཡོད་པའི་པའོ་ཁི་གནས་མཆོག་ཅེས་པའི་ཐལ་སྤྱོད་རྩ་འཛུགས་ཀྱི་ཁོངས་མི་དག་ཚར་གཅོད་བྱེད་དགོས་པའི་རེ་བ་བཏོན། །
