ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། གོང་འཕེལ་འགྲོ་མགྱོགས་ཤོས་རྒྱལ་ཁབ་ཀྱི་འགོ་ཁྲིད་མི་སྣའི་དངོས་གཞིའི་མཇལ་མོལ་ཐེངས་དྲུག་པ་སྤྱི་ཚེས་15ཉིན་པར་ཙིར་རུ་གནང་རྒྱུ་ཡིན་པ་རེད། ཉིན་ཤས་གོང་། པར་ཙིར་གྱི་ཙུང་ཐུང་ལོ་སད་ཧྥུས། ཀྲུང་དབྱང་བརྙན་འཕྲིན་ལས་ཁུངས་ཀྱི་གསར་འགོད་པར། ཀྲུའུ་ཞི་ཞི་ཅིན་ཕིང་འཚམས་འདྲིར་ཕེབས་རྒྱུར་རེ་བ་བྱས་པ་མ་ཟད། གོང་འཕེལ་འགྲོ་མགྱོགས་ཤོས་རྒྱལ་ཁབ་ཁྲོད་ཀྲུང་གོས་ཐོན་པའི་ནུས་པར་ཁས་ལེན་གང་ལེགས་གནང་ཡོད།
ལོ་སད་ཧྥུས། ད་ལོ་ནི་ཀྲུང་གོ་དང་པར་ཙིར་བར་ཕྱི་འབྲེལ་འབྲེལ་བ་བཙུགས་ནས་ལོ་40འཁོར་བའི་ལོ་ཡིན་པ་དང་། རྒྱལ་ཁབ་གཉིས་པོ་ཁྱོན་ཡོངས་འཐབ་ཇུས་རོགས་པའི་འབྲེལ་བའི་དུས་མཚམས་སུ་སླེབས་ཡོད། སྐབས་འདིའི་པར་ཙིར་གྱི་འཛམ་གླིང་བུམ་པའི་རྐང་རྩེད་སྤོ་ལོའི་འགྲན་བསྡུར་ཐོག འགྲན་རའི་བདེ་འཇགས་ཞིབ་བཤེར་འཕྲུལ་ཆས་དང་དྲོ་གྲང་སྙོམས་སྒྲིག་འཕྲུལ་ཆས། འཕྲིན་གཏོང་སོགས་སྒྲིག་ཆས་ནས། འགྲན་བསྡུར་ཐོག་སྤྱོད་པའི་སྤོ་ལོ་དང་བཀྲ་ཤིས་མཚོན་རྟགས། སྤོ་ལོ་རྒྱག་ཆེད་ཀྱི་གྱོན་གོས་སོགས་ཀྲུང་གོས་བཟོས་པའི་ཚོང་ཟོག་གང་སར་མཐོང་རྒྱུ་ཡོད། ཡིན་ནའང་དེ་ནི་ཀྲུང་གོ་དང་པར་ཙིར་གྱི་ཉོ་ཚོང་ཉེ་ལམ་ལོ་ཤས་རིང་འཕར་སྣོན་མྱུར་པོ་ཕྱིན་པའི་བསྡུས་རིས་ཙམ་ཡིན་ཞེས་བསྟན་པ་དང་། ཁོང་གིས། ཁོང་ནས། པར་ཙིར་དང་ཀྲུང་གོ་རྒྱལ་ཁབ་གཉིས་པོས་ཁྱབ་ཁོངས་སྔར་བས་མང་བའི་ནང་སྦ་གསང་མེད་པའི་མཉམ་ལས་བྱེད་རྒྱུའི་རེ་བ་བྱེད་ཀྱི་ཡོད་ཅེས་བསྟན་པ་དང་།
ལོ་སད་ཧྥུས་ང་ཚོས་ཀྲུང་གོ་དེ་ཉིད་པར་ཙིར་གྱི་ལྕགས་ལམ་འཛུགས་སྐྲུན་རྣམ་གྲངས་ནང་ཞུགས་རྒྱུའི་རེ་བ་ཆེན་པོ་བྱེད་ཀྱི་ཡོད། ལྕགས་ལམ་འཛུགས་སྐྲུན་ཐད་ཀྲུང་གོར་ལེགས་གྲུབ་ལྡན་པའི་མཉམ་མྱོང་དང་ཕུལ་དུ་བྱུང་བའི་ལག་རྩལ་ལྡན་ཡོད་པས། ང་ཚོས་ཀྲུང་གོས་པར་ཙིར་ལ་རོགས་རམ་བྱས་ཏེ། ལྕགས་ལམ་འཛུགས་སྐྲུན་བྱེད་རྒྱུའི་རེ་བ་བྱེད་ཀྱི་ཡོད་ཅེས་བསྟན་ཡོད་པ་རེད། །
