ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ལི་པི་ཡའི་འབྲེལ་ཡོད་སྡེ་ཁག་གིས་འདས་ཟིན་པའི་ཉིན་གཉིས་ནང་རྒྱལ་ས་ཏི་ལི་པོ་ལེའི་མཚོ་འགྲམ་དུ་ཁྲིམས་འགལ་གནས་སྤོས་ཡུལ་མིའི་ཕུང་པོ12རྙེད་ཡོད་པ་དང་། ཕུང་པོ་དེ་དག་སྤྱིའི་ཆ་ནས་རུལ་ཟིན་པ་དང་ངོས་འཛིན་ཐབས་བྲལ་བ་རེད།
དམག་འཁྲུག་མཇུག་སྒྲིལ་རྗེས་ལི་པི་ཡའི་བདེ་འཇགས་དུས་བབ་རྒྱུན་མཐུད་སྡུག་ཏུ་ཕྱིན་པ་དང་། སྲིད་གཞུང་དམག་དང་ཉེན་རྟོག་པའི་སྟོབས་ཤུགས་ཅུང་ཞན་པོ་ཡོད་པས། མཐའ་མཚམས་ལ་དོ་དམ་ནུས་ཡོད་བྱེད་ཐབས་བྲལ་ཡོད། དེར་བརྟེན། ས་ཧ་ལའི་ལྷོ་རྒྱུད་ཀྱི་ལྷོ་ཨ་ཧྥེ་རི་ཁ་གླིང་རྒྱལ་ཁབ་ནས་ཡོང་བའི་ཁྲིམས་འགལ་གནས་སྤོས་ཡུལ་མིས་ལི་པ་ནོན་དེ་བར་བརྒྱུད་ས་ཚིགས་སུ་བརྩིས་ནས། ས་དབུས་རྒྱ་མཚོ་བརྒྱུད་ཡོ་རོབ་གླིང་དུ་ལྐོག་འཛུལ་བྱེད་ཀྱི་ཡོད་པ་རེད། །
