ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། རྒྱ་གར་གྱི་ཙུང་ལི་མའོ་ཏིས་ཀྱིས་ད་ལོའི་ཟླ་དགུ་བར་ཨ་མེ་རི་ཁར་འཚམས་འདྲི་བྱས་ཏེ། ཨ་མེ་རི་ཁའི་ཙུང་ཐུང་ཨོ་པཱ་མཱ་དང་གྲོས་མོལ་བྱེད་རྒྱུ་ཡིན་པ་དང་། དེའི་དམིགས་ཡུལ་ནི་རྒྱལ་ཁབ་གཉིས་ཀྱི་ཉེ་སྔོན་གྱི་ཛ་དྲག་འབྲེལ་བ་སླར་གསོ་བྱེད་པའི་ཆེད་དུ་ཡིན།
མའོ་ཏིས་ཀྱིས་ཚེས་བཅུ་གཅིག་ཉིན་ཨ་མེ་རི་ཁའི་རྒྱལ་སྲིད་བློན་ཆེན་གཞོན་པའི་པའོ་ཨིན་སི་ལ་བཤད་རྒྱུར། ཁོས་ཨོ་པཱ་མཱའི་གདན་ཞུ་དང་ལེན་བྱས་ཡོད་ཟེར།
མའོ་ཏིས་གཞུང་སྒྲུབ་ཁང་གི་གསལ་སྒྲོག་ལྟར་ན། མའོ་ཏིས་ཀྱིས་བཤད་རྒྱུར། རྒྱ་གར་དང་ཨ་མེ་རི་ཁ་རྒྱལ་ཁབ་གཉིས་ཀྱི་འབྲེལ་བ་ནི་འཛམ་གླིང་ཞི་བདེ་དང་བརྟན་འཇགས། དར་རྒྱས་བཅས་ཀྱི་སྟོབས་ཤུགས་གལ་ཆེན་ཡིན་ཟེར།
རྒྱ་གར་དང་ཨ་མེ་རི་ཁའི་འབྲེལ་བ་དེ་ན་ནིང་ཟླ་བཅུ་གཉིས་པར་རྒྱ་གར་གྱི་བུད་མེད་ཕྱི་འབྲེལ་དཔོན་པོ་ཞིག་ཉིག་ཡོ་ནས་བཟུང་སྟེ་བརྙས་བཅོས་ཐེབས་པའི་དབང་གིས་ཛ་དྲག་ཏུ་གྱུར་བ་རེད། ཕྱི་འབྲེལ་དཔོན་པོ་དེར་ལམ་ཡིག་གནད་དོན་ཐད་ནས་མགོ་སྐོར་བཏང་བའི་སྐྱོན་འཛུགས་བྱས། །
