ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། མཉམ་འབྲེལ་རྒྱལ་ཚོགས་ཀྱི་དྲུང་ཡིག་ཆེན་མོའི་ཨ་ཧྥེ་རི་ཁ་ནུབ་མའི་ལས་དོན་གྱི་དམིགས་བསལ་འཐུས་མི་ཅིན་ནེ་ཐི་ཡིས་ཚེས་བཅུའི་ཉིན་ཀཱ་ནཱའི་རྒྱལ་ས་ཨ་ཁི་ལཱ་ནས་བསྟན་དོན། མཉམ་འབྲེལ་རྒྱལ་ཚོགས་ཀྱིས་ནེ་ཀྲི་རི་ཡཱས་འཇིགས་སྐུལ་ལ་ངོ་རྒོལ་བྱེད་པར་རོགས་སྐྱོར་གང་ལེགས་བྱེད་རྒྱུའི་འཆར་གཞི་ཡོད་ཟེར།
ཅིན་ནེ་ཐི་ཡིས་ཉིན་དེར་ཨ་ཧྥེ་རི་ཁ་ནུབ་མའི་དཔལ་འབྱོར་ཐུན་མོང་ཚོགས་པའི་མགོ་གཙོའི་གྲོས་ཚོགས་ཐེངས་ཞེ་ལྔ་བའི་ཚོགས་མགོ་རྩོམ་པའི་མཛད་སྒོའི་སྟེང་བསྟན་དོན། མཉམ་འབྲེལ་རྒྱལ་ཚོགས་ཀྱིས་ཕྱོགས་མང་བོས་མཉམ་དུ་འབད་བརྩོན་བྱས་ན་ད་གཟོད་ནེ་ཀྲི་རི་ཡཱའི་བདེ་འཇགས་ཉམས་ཉེན་ཐག་གཅོད་བྱེད་ཐུབ་པར་ཡིད་ཆེས་བཅངས་ཡོད་པ་དང་། ཁོས་བཤད་རྒྱུར། མཉམ་འབྲེལ་རྒྱལ་ཚོགས་ཀྱིས་ནེ་ཀྲི་རི་ཡཱའི་བྱང་ཤར་ས་ཁུལ་དུ་མུ་མཐུད་དུ་ཟིང་འཁྲུག་བྱུང་བར་སེམས་ཁུར་ཆེན་པོ་བྱེད་བཞིན་ཡོད། མིག་སྔར་མཉམ་འབྲེལ་རྒྱལ་ཚོགས་ཀྱིས་ཆེས་དོ་སྣང་བྱེད་པ་ནི་ཐལ་སྤྱོད་རྩ་འཛུགས་པའོ་ཁི་གནས་མཆོག་ཅེས་པའི་འཇིགས་ཉེན་ཐེབས་པའི་བྱིས་པ་དག་གི་གནས་བབ་ཡིན་ཟེར།
ཅིན་ནེ་ཐི་ཡིས་བཤད་རྒྱུར། མཉམ་འབྲེལ་རྒྱལ་ཚོགས་ཀྱིས་སྔར་ལས་ལྷག་པའི་སྒོག་ནས་ནེ་ཀྲི་རི་ཡཱའི་གནས་བབ་ཀྱི་ལྟ་རྟོག་དང་རྟོག་ཞིབ་ནུས་པར་ཤུགས་སྣོན་བྱེད་རྒྱུ་ཡིན་ཟེར། ཁོས་ཞོར་དུ་རྒྱལ་ཁབ་དང་རྩ་འཛུགས་གཞན་པས་ནེ་ཀྲི་རི་ཡཱར་རོགས་སྐྱོར་བྱེད་པར་དགའ་བསུ་ཞུས་པར་མ་ཟད། ཨ་ཧྥེ་རི་ཁ་ནུབ་མའི་དཔལ་འབྱོར་ཐུན་མོང་ཚོགས་པའི་རྒྱལ་ཁབ་དག་གིས་ཕན་ཚུན་རོགས་སྐྱོར་བྱས་པར་གཟེངས་བསྟོད་བྱས། །
