མདུན་ཤོག- གསར་འགྱུར།- རྒྱལ་སྤྱིའི་ཐོས་གནད།

འཇར་པན་མང་ཚོགས་ཀྱིས་བསྟུད་མར་ཉིན་འགའི་རིང་ལང་ལོང་སྒོས་ཐུན་མོང་རང་སྲུང་དབང་ཆའི་བཀག་རྒྱ་མེད་པར་བཟོ་བར་ངོ་རྒོལ་བྱས།

  ཡོང་ཁུངས། མཚོ་སྔོན་བོད་སྐད་རླུང་འཕྲིན།  2014-07-06 11:15

日本民众连日来纷纷抗议解禁集体自卫权.jpg

  ཟླ་བདུན་པའི་ཚེས་ལྔ་ཉིན་གྱི་དགོང་མོར། ས་ཆ་སོ་སོ་ནས་ཡོང་བའི་འཇར་པན་མང་ཚོགས་ཀྱིས་ཏུང་ཅིན་གྱི་འདུ་འཛི་ཆེ་སའི་ཞིན་སུའུ་སྲང་ལམ་ནས་རྔམ་སྟོན་ཁྲོམ་སྐོར་བྱས་ཏེ། ཨན་པའེ་ཅིན་སན་གྱི་ནེ་ཀི་ཡིས་རྩ་ཁྲིམས་བཟོ་བཅོས་བྱས་ཏེ་ཐུན་མོང་རང་སྲུང་དབང་ཆའི་བཀག་རྒྱ་མེད་པར་གཏོང་བར་འགྲེལ་བཤད་བྱས་པར་ངོ་རྒོལ་བྱས།

  ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ཚེས་ལྔ་ཉིན་གྱི་དགོང་མོར། ས་ཆ་སོ་སོ་ནས་ཡོང་བའི་འཇར་པན་མང་ཚོགས་ཀྱིས་ཏུང་ཅིན་གྱི་འདུ་འཛི་ཆེ་སའི་ཞིན་སུའུ་སྲང་ལམ་ནས་རྔམ་སྟོན་ཁྲོམ་སྐོར་བྱས་ཏེ། ཨན་པའེ་ཅིན་སན་གྱི་ནེ་ཀི་ཡིས་རྩ་ཁྲིམས་བཟོ་བཅོས་བྱས་ཏེ་ཐུན་མོང་རང་སྲུང་དབང་ཆའི་བཀག་རྒྱ་མེད་པར་གཏོང་བར་འགྲེལ་བཤད་བྱས་པར་ངོ་རྒོལ་བྱས། ཁྲོམ་སྐོར་བྱེད་སའི་གནས་དེར་གྲོང་ཁྱེར་སྡོད་དམངས་རེ་འགས་ལམ་འགྲོ་བ་དག་ལ་རང་ཉིད་ཀྱི་བསམ་ཚུལ་བཤད།

  ཨན་པའེ་ཅིན་སན་གྱི་ནེ་ཀི་ཡིས་ཐུན་མོང་རང་སྲུང་དབང་ཆའི་བཀག་རྒྱ་མེད་པར་བཟོ་བར་རྩ་ཁྲིམས་ལས་འགྲེལ་བཤད་བྱེད་པའི་ཆོད་དོན་བཏོན་རྗེས། བསྟུད་མར་ཉིན་འགའི་རིང་དེར་ངོ་རྒོལ་བྱེད་མང་བོ་བྱུང་། དེའི་ནང་ཀུན་གྱི་ཡིད་འཕྲོག་པ་ནི་གསར་འགྱུར་སྨྱན་བྱད་ཀྱི་དཔྱད་བརྗོད་དང་ཆེད་མཁས་པ། རྩོམ་པ་པོ་དང་ཁྲིད་སྟོན་པ། དེ་མིན་ཁེ་ལས་ཁག་ཅིག་གི་མི་སྣ་འབོད་སྒྲ་ཡིན་པ་དང་། འཇར་པན་མང་ཚོགས་ཀྱི་འདོད་བློ་ངོ་མ་མཚོན་ཐུབ་པ་ནི་སྔར་བཞིན་ཆེས་གཞི་རིམ་གྱི་མང་ཚོགས་དག་གི་འབོད་སྒྲ་རེད།

  ཟླ་དྲུག་པ་ནས་བཟུང་འཇར་པན་གྱི་ས་ཆ་སོ་སོ་ནས་ཐུན་མོང་རང་སྲུང་དབང་ཆའི་བཀག་རྒྱ་མེད་པར་བཟོ་བར་ངོ་རྒོལ་བྱེད་པའི་བྱ་འགུལ་གཅིག་རྗེས་གཉིས་མཐུད་དུ་བྱུང་བ་དང་། ནེ་ཀིའི་ཆོད་དོན་མ་བཏོན་གོང་ཆེས་ཚབས་ཆེ་བའི་ཚད་དུ་བསླེབས། གསར་འགྱུར་སྨྱན་བྱད་རེ་འགས་དམངས་ཀྱི་འདོད་བློར་རྟོག་ཞིབ་བྱས་པའི་མཇུག་འབྲས་གསར་བ་ལྟར་ལས། འཇར་པན་གྱི་སྤྱིར་བཏང་གི་མང་ཚོགས་ཀྱིས་ཨན་པའེ་ནེ་ཀིའི་ཐུན་མོང་རང་སྲུང་དབང་ཆའི་བཀག་རྒྱ་མེད་པར་བཟོ་བའི་ཆོད་དོན་ལ་ངོ་རྒོལ་དྲག་པོ་བྱེད་བཞིན་ཡོད།  །

པར་དབང་གསལ་བསྒྲགས།      ངེད་ཀྱི་སྐོར།      འབྲེལ་གཏུགས་བྱེད་ཚུལ།

གློག་འཕྲིན་ཡིག་སྒམ། tibet3@126.com    ཁ་པར། 0971-8455441

©2006-2013 China Tibetannet Corporation པར་དབང་ངེད་དྲ་བར་དབང་བས་ཆོག་མཆན་མ་ཐོབ་པར་གཞན་གྱིས་རང་དགར་སྤྱོད་མི་ཆོག