མདུན་ཤོག- གསར་འགྱུར།- རྒྱལ་སྤྱིའི་ཐོས་གནད།

མའོ་ཁི་ཨར་གྱིས་ཨུ་རུ་སི་ལ་སྔར་ལས་ལྷག་པའི་བཀག་སྡོམ་བྱེད་ཐབས་ལག་བསྟར་བྱེད་རྒྱུའི་འཇིགས་སྐུལ་བ།

རྩོམ་པ་པོ། བསོད་ནམས་ཚེ་རིང་།  ཡོང་ཁུངས། མཚོ་སྔོན་བོད་སྐད་རླུང་འཕྲིན།  2014-03-14 10:59

当地时间2014年3月12日,乌克兰塞瓦斯托波尔湾,俄罗斯舰队在塞瓦斯托波尔湾巡航。.jpg

ཟླ3པའི་ཚེས12ཉིན། ཝུའུ་ཁི་ལན་གྱི་སེ་ཝ་སི་ཐའོ་པའོ་ཨར་མཚོ་ཁུགས་སུ་ཨུ་རུ་སིའི་གྲུ་གཟིངས་རུ་ཁག་གིས་སྐོར་གཡེང་བྱེད་བཞིན་པ།

    ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། འཇར་མན་གྱི་ཙུང་ལི་མའོ་ཁི་ཨར་གྱིས་ཚེས13ཉིན་རྒྱལ་ཚོགས་ནས་སྲིད་གཞུང་བྱ་བའི་སྙན་ཞུ་འབུལ་སྐབས། ཨུ་རུ་སི་རྒྱལ་ཁབ་ཀྱིས་ཁི་ལི་མུས་ཡཱའི་འཁྲུག་རྩོད་ཐད་ཀྱི་རྣམ་འགྱུར་མི་བསྒྱུར་ན། ཡོ་རོབ་གླིང་མནའ་འབྲེལ་གྱིས་རྒྱལ་ཁབ་དེར་སྔར་ལས་ལྷག་པའི་བཀག་སྡོམ་བྱེད་ཐབས་ལག་བསྟར་བྱེད་རྒྱུ་ཡིན་པར་བཤད་ཀྱང་། དམག་དོན་ཐེ་གཏོགས་བྱེད་མི་སྲིད་ཟེར།

    ཝུའུ་ཁི་ལན་གྱི་ཁི་ལི་མུས་ཡཱ་ཡིས་མི་འགྱངས་པར་བརྡས་གཅོད་བྱས་ཏེ་རྒྱལ་ཁབ་གང་གི་ཁོངས་གཏོགས་སུ་བྱེད་པར་ཐག་གཅོད་བྱེད་རྒྱུ་ཡིན་པས། འཇར་མན་སྲིད་གཞུང་གིས་ཨུ་རུ་སི་ལ་སྐྱོན་བརྗོད་བྱེད་པའི་ཁ་ཚིག་སྔར་ལས་ཇེ་དྲག་ཏུ་འགྲོ་བཞིན་ཡོད། མའོ་ཁི་ཨར་གྱིས་རྒྱལ་ཚོགས་ནས་བསྟན་དོན། ཡོ་རོབ་གླིང་མནའ་འབྲེལ་གྱི་ཁོངས་གཏོགས་རྒྱལ་ཁབ་ཚང་མས་དགོས་གལ་ཆེ་བའི་གནས་ཚུལ་འོག་ཨུ་རུ་སི་ལ་བཀག་སྡོམ་བྱེད་ཐབས་སྤྱོད་པར་གྲ་སྒྲིག་གང་ལེགས་བྱས་ཡོད་ཟེར།

    མའོ་ཁི་ཨར་གྱིས་ད་རུང་བཤད་རྒྱུར། ཁི་ལི་མུས་ཡཱའི་འཁྲུག་རྩོད་ལ་དམག་དོན་ཐེ་གཏོགས་བྱེད་མི་སྲིད་ཟེར། །

པར་དབང་གསལ་བསྒྲགས།      ངེད་ཀྱི་སྐོར།      འབྲེལ་གཏུགས་བྱེད་ཚུལ།

གློག་འཕྲིན་ཡིག་སྒམ། tibet3@126.com    ཁ་པར། 0971-8455441

©2006-2013 China Tibetannet Corporation པར་དབང་ངེད་དྲ་བར་དབང་བས་ཆོག་མཆན་མ་ཐོབ་པར་གཞན་གྱིས་རང་དགར་སྤྱོད་མི་ཆོག