མདུན་ཤོག- གསར་འགྱུར།- རྒྱལ་སྤྱིའི་ཐོས་གནད།

ཐེ་གོའི་སྲིད་གཞུང་ལ་ངོ་རྒོལ་བྱེད་པའི་འདུ་ཚོགས་སྟེང་ཡང་བསྐྱར་མུ་འབྲེལ་འགས་གཏོར་དོན་རྐྱེན་བྱུང་བ།

  ཡོང་ཁུངས། མཚོ་སྔོན་བོད་སྐད་རླུང་འཕྲིན།  2014-01-20 11:11

泰国反政府集会再连环爆.jpg

ཟླ1པོའི་ཚེས19ཡི་ཉིན། སྲིད་གཞུང་ལ་ངོ་རྒོལ་བྱེད་པའི་འདུ་ཚོགས་ཀྱི་ཡུལ་དངོས་སུ་རྨས་མ་ཞིག་སྨན་ཁང་དུ་སྐྱེལ་བཞིན་པ།

  ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ཐེ་གོའི་རྒྱལ་ས་མན་ཀུའུ་གྲོང་ཁྱེར་གྱི་རྒྱལ་ཁའི་རྗེས་དྲན་རྡོ་རིང་གི་ཉེ་འདབས་ཀྱི་སྲིད་གཞུང་ལ་ངོ་རྒོལ་བྱེད་པའི་འདུ་ཚོགས་སྟེང་ཚེས19ཡི་ཉིན་འགས་གཏོར་དོན་རྐྱེན་ཐེངས་གཉིས་བྱུང་སྟེ་མི28ལ་རྨས་ཕོག

  ངོ་རྒོལ་ཕྱོགས་ཁག་གིས་གྲོང་ཁྱེར་ལ་ཡོངས་ཁྱབ་ཏུ་བཀག་སྡོམ་བྱས་པའི་ཚུན་ལ། མན་ཀུའུ་ནས་དྲག་ཤུགས་དོན་རྐྱེན་དུས་ངེས་མེད་དུ་འབྱུང་བཞིན་ཡོད། རྔམ་སྟོན་རུ་ཁག་དང་ངོ་རྒོལ་ཕྱོགས་ཁག་གི་མགོ་ཁྲིད་པའི་སྡོད་གནས་ལ་འགས་གཏོར་འཇབ་རྒོལ་ཐེབས་པ་དང་རྔམ་སྟོན་ཁྲོམ་སྐོར་མཁན་ལ་མེ་མདའི་འཇབ་རྒོལ་ཐེབས་པ་སོགས་དོན་རྐྱེན་མང་དུ་བྱུང་།

  ཚེས་བཅུ་དགུའི་ཉིན་གྱི་ཕྱི་དྲོའི་དུས་ཚོད་གཅིག་དང་སྐར་མ་སུམ་ཅུའི་ཡས་མས་སུ། རྒྱལ་ཁའི་རྗེས་དྲན་རྡོ་རིང་གི་ཉེ་འདབས་སུ་ཡོད་པའི་སྲིད་གཞུང་ལ་ངོ་རྒོལ་བྱེད་པའི་འདུ་ཚོགས་སྤེལ་སའི་ཡུལ་དངོས་ནས་འགས་གཏོར་འཇབ་རྒོལ་དོན་རྐྱེན་བྱུང་བ་དང་། སྐར་མ་གཉིས་ཙམ་གྱི་རྗེས་སུ་སྔོན་ཀྱི་འགས་གཏོར་དོན་རྐྱེན་བྱུང་ས་དང་བར་ཐག་སྤྱི་ལེ200ཙམ་གྱི་མཚམས་ནས་ཡང་བསྐྱར་འགས་གཏོར་དོན་རྐྱེན་བྱུང་།

  མན་ཀུའུ་གྲོང་ཁྱེར་ཨེ་ལོས་ཝན་མྱུར་སྐྱོབ་ལྟེ་གནས་ཀྱིས་བཤད་རྒྱུར། འགས་གཏོར་དོན་རྐྱེན་དེ་གཉིས་ལས་མི28ལ་རྨས་ཕོག་ཟེར། མན་ཀུའུ་སྦྲགས་སྲིད་ཚགས་པར་གྱིས་བཀོད་པ་ལྟར་ན། རྨས་མའི་ཁྲོད་ཚགས་པར་གྱི་གསར་འགོད་པ་ཞིག་ཡོད་ཟེར།  །

པར་དབང་གསལ་བསྒྲགས།      ངེད་ཀྱི་སྐོར།      འབྲེལ་གཏུགས་བྱེད་ཚུལ།

གློག་འཕྲིན་ཡིག་སྒམ། tibet3@126.com    ཁ་པར། 0971-8455441

©2006-2013 China Tibetannet Corporation པར་དབང་ངེད་དྲ་བར་དབང་བས་ཆོག་མཆན་མ་ཐོབ་པར་གཞན་གྱིས་རང་དགར་སྤྱོད་མི་ཆོག