ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ཁོ་ལོམ་པི་ཡའི་ཙུང་ཐུང་ཕའེ་ཐུ་ལའོ་ཡིས་ཟླ3པའི་ཚེས19ཉིན་བཤད་རྒྱུར། དམག་སྤྱོད་གྱེན་འཕུར་གནམ་གྲུ་ཞིག་ཉིན་དེར་ཆའོ་ཁུ་ཞིང་ཆེན་གྱི་ལྟེ་གནས་གྲོང་ཁྱེར་ཅི་པུའུ་ཏའོ་གྲོང་ཁྱེར་དུ་སར་ལྷུང་ཞིང་། གནམ་གྲུ་ནང་གི་དམག་མི4བོ་ཚང་མ་ཚེ་ལས་འདས།
ཕའེ་ཐུ་ལའོ་ཡིས་སྤྱི་འབྲེལ་སྨྱན་བྱད་སྟེང་བཤད་རྒྱུར། གྱེན་འཕུར་གནམ་གྲུ་འདི་ནི་དངོས་ཟོག་སྐྱེལ་འདྲེན་བྱེད་སྐབས་སར་ལྷུང་བ།
ས་གནས་དེ་གའི་སྨྱན་བྱད་ཀྱིས་དམག་ཕྱོགས་ཀྱི་གསར་འགྱུར་དྲངས་ནས་བཤད་རྒྱུར། གྱེན་འཕུར་གནམ་གྲུ་སར་ལྷུང་རྗེས་འབར་གས་བྱུང་བ་རེད། ཆའོ་ཁུ་ཞིང་ཆེན་གྱི་ཧྲིན་ཀྲང་ཕའེ་ལའེ་ཡ་ཡིས། འབྲེལ་ཡོད་སྡེ་ཁག་གིས་ཐེངས་འདིའི་དོན་རྐྱེན་ལ་རྟོག་ཞིབ་བྱེད་བཞིན་ཡོད་ཚུལ་བསྟན།
ན་ནིང་གི་ཟླ12པར། གྱེན་འཕུར་གནམ་གྲུ་ཞིག་ཁོ་ལོམ་པི་ཡའི་གྲོང་ཁྱེར་ཆེ་གྲས་གཉིས་པ་མའེ་ཏི་ལིན་གྱི་ཉེ་འཁོར་དུ་སར་ལྷུང་ཞིང་། གནམ་གྲུ་ནང་གི་འགྲུལ་བ6དང་ཁ་ལོ་བ2བཅས་ཚང་མ་ཚེ་ལས་འདས། །